Diplomatica Belgica - Record 3044
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 3044
ACTORS
Issuer(s)
(= author) 		Function/title:  count/countess
Name:  Matilda of Portugal
Institution/jurisdiction:  Flanders-Vermandois

Diocese:  Diocese Tournai
Principality: Flanders
Religious order: 

Author(s) of the actio juridica 

(= disposer)

Function/title:  count/countess
Name:  Matilda of Portugal
Institution/jurisdiction:  Flanders-Vermandois

Diocese:  Diocese Tournai
Principality: Flanders
Religious order: 
Beneficiary(ies)

(= recipient)

Function/title:  monastic house
Name: 
Institution/jurisdiction:  Marchiennes

Diocese:  Diocese Arras
Principality: Flanders
Religious order:  Benedictines
Function/title:  other
Name:  Gerard II
Institution/jurisdiction:  Reninge

Diocese:  Diocese Thérouanne
Principality: Flanders
Religious order: 
DATE
Scholarly dating
(preferential) 		25/3/1191 (donnée par document / mentioned in document - )
Scholarly dating
(any) 		25/3/1191 (donnée par document / mentioned in document - ) Scholarly qualification: -
25/3/1192 (nouveau style / new style - DUVIVIER) Scholarly qualification: -
Date in the charter
25/3/1191

Place-date

(in the text)

Place-date

(normalised)


Diocese:  Principality: 
SUMMARY AND DESCRIPTION
Summary la comtesse de Flandre et de Vermandois notifie et confirme avoir mis fin à un litige opposant les moines de Marchiennes à Gérard II de Reninge à propos de la dîme de cette localité : la dîme de la "wastina" (terre en friche) reviendra au monastère ; le reste des dîmes sera partagé entre les moines qui en percevront trois cinquièmes et Gérard II qui percevra les deux cinquièmes restants [chirographe]
Description
Language: Latin
Authenticity: unsuspected document Textual tradition: original
Nature of the charter: charter
FULL TEXT OF CHARTER
In nomine Patris et Filii et Spiritus Sancti. Ne in irritum reuocetur quod agimus, ego regina Matildis, comitis Flandrie et Uiromandie uxor, uniuersis notum fieri uolo presentibus pariter et futuris, quod querela quędam uersabatur inter ecclesiam Marcianensem et Gerardum de Renenges super quadam decima in Renenges, quam idem Gerardus uersus ecclesiam Marcianensem calumpniabat. Tandem, post longam discordiam et contentionem tam abbas predicte ecclesie quam prefatus Gerardus in me compromiserunt, ut quicquid de eadem querela inter illos decernerem immobiliter obseruarent. Ego uero, consilio baronum curie et sapientum uirorum, abbate et capitulo Marcianensi concedentibus ad quos negocium ecclesie spectabat, concedente etiam predicto Gerardo et fratribus eius et omnibus illis quos negocium eius tangebat, concedentibus etiam et assensum prestantibus Willelmo de Betunia et Matilde, uxore eius, domina uidelicet Tenremunde, a qua feodum illud iure hereditario descendebat quod predictus Gerardus calumpniabat, litem et contentionem inter ecclesiam et Gerardum ad concordiam reuocaui. Statui igitur ad uoluntatem utrorumque, ut tota decima de wastina, quam comes Theodoricus ecclesie Marcianensi dedit in elemosinam, eidem ecclesie remaneat deinceps in quiete. Uerum totam aliam decimam, tam in segetibus quam in pecoribus quam in quibuslibet aliis fructibus, debent diuidere Gerardus et ecclesia Marcianensis in quinque portiones equales, et duas illarum quinque portionum habebit Gerardus et sucessores eius, relique uero tres portiones remanebunt ęcclesię. Quod si contigerit expensam aliquam fieri in collectione istius decime siue in trituratione segetum, eadem proportione soluet Gerardus expensam illam cum ecclesia, qua proportione fructus decime debent diuidere inter se; nam Gerardus soluet duas portiones totius expensę et ecclesia alias tres portiones. Ecclesia uero unam grangiam, que tempore istius compositionis erat ad colligendam decimam, statuit in perpetuum ad colligendum et conseruandum decimam illam. Si autem ipsa eadem aliquando uetustate, aut incendio aut quocumque alio casu, defecerit, ecclesia et Gerardus aliam construere debent communiter, aptam ad colligendam decimam, tamen ita quod Gerardus ponet duas partes sumptus, sicut predictum est, ecclesia uero reliquas tres. Statutum est etiam ut tot in simul conducant flagellatores ad triturandum segetes decimę, quod infra Purificationem omnes garbe sint trituratę et si ecclesia et Gerardus consenserint ut omnes fructus huius decimę siue pars communiter uendantur antequam diuidantur, precium uenditi diuidetur per quinque portiones, ut predictum est, ita quod Gerardus semper de quinque portionibus sumet duas. Si uero contigerit quod Gerardus uelit partem suam uendere aliqua necessitate, uel etiam spontanea uoluntate, et ecclesia uoluerit partem suam seruare diutius, ille qui partem Gerardi emit ueniet ad grangiam, ibique cum monachis uel seruientibus ecclesie Marcianensis diuidet quod emit, sicut Gerardus diuideret. Econtra si Gerardus diutius uoluerit partem suam seruare quam ecclesia, illi qui partem ecclesie habere debuerint uenient similiter in grangiam, ibique cum Gerardo diuident, sicut ecclesia debuit diuidere. Ut autem hęc compositio rata maneat deinceps et illibata, hoc scriptum exinde factum sigilli mei appositione et subscriptarum personarum testimonio confirmaui. Signum Hugonis abbatis Sancti Petri Gandensis, Henrici, abbatis Sancti Bauonis, Gerardi quondam abbatis de Alno, Willelmi de Tenremunda, Iohannis castellani Insule, Sygeri castellani Gandensis, Rozonis de Gauera, Petri Duacensis, Roberti de Ercha, Martini notarii mei. Actum anno Domini M°C°XCI°, VIII° kalendas aprilis.
Source DE HEMPTINNE TH.-VERHULST A.-DE MEY L. 2009
EDITIONS AND SECONDARY LITERATURE
Editions
DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band III. Regering van Filips van de Elzas (Tweede deel: 1178-1191) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2009., n.845, p.449-450,
Secondary literature DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band III. Regering van Filips van de Elzas (Tweede deel: 1178-1191) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2009., p.449,
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.298, LINK LINK
BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.1, p.200, LINK

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015