‹
›
return to all results
| DiBe ID | 3012 |
| ACTORS |
|
Issuer(s)
(= author) |
Function/title:
count/countess Name: Baldwin V Institution/jurisdiction: Hainaut Diocese: Diocese Cambrai Principality: Hainaut Religious order: |
|
Author(s) of the actio juridica (= disposer) |
Function/title:
count/countess Name: Baldwin V Institution/jurisdiction: Hainaut Diocese: Diocese Cambrai Principality: Hainaut Religious order: |
|
Beneficiary(ies)
(= recipient) |
Function/title:
monastic house Name: Institution/jurisdiction: S.Amand Diocese: Diocese Tournai Principality: Flanders Religious order: Benedictines |
|
Function/title:
other Name: Charles Institution/jurisdiction: Fresnes-sur-Escaut Diocese: Diocese Arras Principality: Hainaut Religious order: |
| DATE |
|
Scholarly dating
(preferential) |
//1175 (donnée par document / mentioned in document - ) |
|
Scholarly dating
(any) |
//1175 (donnée par document / mentioned in document - ) Scholarly qualification: - |
|
Date in the charter
|
//1175 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | termine la contestation entre Charles et l'abbaye au sujet de la forêt de Vicq et d'Escautpont |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine sancte et indiuidue trinitatis. Ego Balduinus diuina miseratione comes Hainoensis a Balduino Hasnoniensi Flandrie uidelicet et Hainonii comite quintus tam presentibus quam futuris notum facio quod Karolus de Fraxino cum aduocatus esset duarum uillarum de iure sancti Amandi quarum una uocatur Scaldpons et altera vi de adiacente silua sancti Amandi ligna cedendo alienis dando et pro libitu suo distrahendo et siluam deuastando ecclesie sancti Amandi iniuriando dampnum maximum inferebat sed et de circumiacentibus pratis pascuis paludibus et stagnis ad ecclesiam sancti Amandi spectantibus ipse quecumque poterat ad commodum suum intorquebat. Abbate autem sancti Amandi et monachis pro defensione iuris ecclesie reclamantibus et conquerentibus Karolus cum nullatenus ab incepta iniuria desisteret ut ab inquietatione et dampno ecclesie manum retraheret frequenter a nobis est commonitus. Tandem dei preeunte gracia Karolus forisfacti penitens et salubri habito consilio ab oppressione ecclesie predicte animum reuocauit et tam mihi quam hominibus meis ea de quibus controuersia oriebatur terminanda commisit. Ego autem et barones mei hanc inter prescriptam ecclesiam et Karolum ordinauimus compositionem ut prenominata silua de Scalpont et de vi allodii scilicet sancti Amandi equaliter ecclesie et Karolo communis esset et ea ratione custodiretur ut duo silue custodes unus ab ecclesia alter ab ipso Karolo constituerentur quorum uterque Karoli quidem custos ecclesie et uersa uice ecclesie custos Karolo fidelitatem sub sacramento faceret quod in eadem silua neutra pars ad unius nummi precium plus quam altera pars ad usus commodos perciperet et dum eadem silua uenderetur ecclesia et Karolus precium illud equaliter partirentur. Ex eadem uero silua XLVIII-to modiate extirpande uillanis ad agricolandum sunt concesse de quarum agricultura quicquid ab ipsis uillanis precii in ingressu soluetur cellerarius ecclesie et Karolus ex equo inter se partientur. Deinceps uero decimam et terragium terre illius habebit cellerarius. Sed in eadem terra aduocatiam suam sibi retinuit Karolus. De tribus autem pratis de uno quod uulgariter dicitur pratum de Bruile de alio quod dicitur pratum de Stache et de tercio quod iuxta ripam Scaldi est quod prius Karolus ecclesia sancti Amandi contradicente possidebat mediam partem eidem ecclesie recognouit et signauit et aliam mediam partem ab ecclesia in feodo recepit. Decreuimus etiam quod de aliis pratis allodii de pascuis de paludibus de stagnis nichil deinceps uel ecclesia uel Karolus in commodum suum traheret quod nos ex medio in partem alterius ueniret. Ecclesia uero sancti Amandi pratum quod ab ecclesia Viconie emerat liberum sibi retinuit. De mortuis manibus seruorum et ancillarum sancti Amandi in predicto allodio de Scalponz et de vi degentium ecclesia mediam partem habebit et Karolus aliam mediam partem. Mediam partem supra nominate silue pratorum pascuorum paludum stagnorum memoratis uillis adiacentium et mortuarum manuum Karolus ab ecclesia sancti Amandi in feodum accepit unum ecclesie hominium fecit. In eodem allodio ecclesia sine assensu Karoli nichil ad possidendum sibi uendicabit neque Karolus nisi assensu ecclesie quicquam sibi acquirere poterit. Ut autem hec rata et inconuulsa permaneant presenti pagina conscribi et subscriptis testium qui interfuerunt nominibus sigilli mei impressione ea corroborari iussi. Signum Balduini Hainoensis comitis. Signum Iohannis abbatis sancti Amandi. Signum Gerardi prioris. Signum Eustachii de Ruez. Signum Karoli de Fraxino et Ludouici fratris eius. Signum Howelli de Caueren. Signum Almani de Proui. Signum Polii de Vileir. Ego Gillebertus comitis capellanus scripsi et sigillo muniui. Actum anno incarnationis dominice M° C° LXX° V°. | |
| Source | DUVIVIER CH. 1898 |
| EDITIONS AND SECONDARY LITERATURE |
|
Editions
|
DUVIVIER CH.. Actes et documents anciens intéressant la Belgique (Publications de la Commission royale d'Histoire, Series II in 8°), 2 vol., Bruxelles, 1898-1903., 2, n.43, p.83-85, LINK LINK |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.244, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
