DiBe ID | 3010 |
ACTORS |
Issuer(s)
(= author) |
Function/title:
count/countess Name: Baldwin V Institution/jurisdiction: Hainaut Diocese: Diocese Cambrai Principality: Hainaut Religious order: |
Author(s) of the actio juridica (= disposer) |
Function/title:
other Name: Matthew Institution/jurisdiction: UNKNOWN Diocese: Principality: Religious order: |
Beneficiary(ies)
(= recipient) |
Function/title:
monastic house Name: Institution/jurisdiction: S.Amand Diocese: Diocese Tournai Principality: Flanders Religious order: Benedictines |
DATE |
Scholarly dating
(preferential) |
//1174 (donnée par document / mentioned in document - ) |
Scholarly dating
(any) |
//1174 (donnée par document / mentioned in document - ) Scholarly qualification: - |
Date in the charter
|
//1174 |
Place-date (in the text) |
|
Place-date (normalised) |
Diocese: Principality: |
SUMMARY AND DESCRIPTION |
Summary | notifie que Mathieu a vendu à l'abbaye son fief de Monchaux-sur-Ecaillon , que lui Baudouin V a ensuite transformé en alleu |
Description
|
Language:
Latin Authenticity: unsuspected document Textual tradition: copy (records) Nature of the charter: charter |
FULL TEXT OF CHARTER |
In nomine sancte et indiuidue trinitatis patris et filii et spiritus sancti amen. Quoniam filii huius seculi in filios dei cotidie uidentur insurgere et quantulacumque occasione accepta bona eorum legitime adquisita in suos usus fraudulenter conantur retorquere iustum esse credimus ut principes populorum qui dei ordinatione portant dei gladium ad uindictam malefactorum laudem uero bonorum ecclesiarum paci et quieti fideliter inuigilantes insurgentium falsas machinationes terrore potestatis sue in diebus suis coherceant et testimonio ueritatis per manuscriptionem suam in perpetuum obnubilent. Quocirca ego Balduinus comes dictus Hainoensis a Balduino Hasnoniensi quintus notum fieri uolo omnibus fidelibus tam futuris quam presentibus quod quidam iuuenis nomine Matheus feodum suum quem de Willelmo castellano de Faumarth in uilla que dicitur Monceaus tenebat ecclesie sancti Amandi cui magis competebat pro eo quod de iure eius ex parte descendebat uendidit et pro illius commutatione ducentas tres marcas argenti ab ea accepit. Que quum infra terram mei iuris sita est ne per succedentia tempora uenditio illa calumniari uel infirmari posset in audientia curie mee recitari et confirmari utrimque decretum est. Conuenerunt itaque in presentia mea abbas cum monachis et hominibus suis Willelmus cum liberis et hominibus suis Matheus qui nondum liberos habebat cum parentibus et propinquis suis. Et recognita utrimque uenditione prefata Matheus ammonitus annuentibus propinquis suis quicquid in predicta uilla Monceauz hactenus tenuerat in terra in aqua in prato in silua in redditu in justicia in aduocatia ad plene securitatis munimentum ecclesie beati Amandi in elemosinam dedit deinde eundem feodum suum in manus domini sui Willelmi reddidit et postea ipsemet ex ore suo sibi ipsi abiudicauit. Quo audito ad petitionem uenerabilis abbatis ego barones meos et Willelmus homines suos super hoc iustum iudicium facere pariter commonuimus. Qui secundum quod uiderant et audierant iudicium in ueritate et equitate protulerunt et tam eidem Matheo quam successoribus eius feodum illum abiudicantes in perpetuum ecclesiam sancti Amandi inuestiri debere censuerunt. Post prolatum iudicium ego ipse assentiente Willelmo et liberis eius eundem feodum in alodium transmutaui. Willelmus uero eisdem liberis suis annuentibus quicquid iuris et seruicii in eo habere debebat beato Amando in elemosinam dedit deinde remoto omni iure et nomine feodi per manus uenerabilis abbatis Iohannis in liberum alodium eius ecclesie assignauit. Et sic terra illa que hactenus feodus extiterat in libertatem alodii transiens in possessionem legitimam sancti Amandi iure perpetuo deuenit. Ego Balduinus comes secundum quod uidi et audiui testimonium perhibeo ueritati et contra aduersantium calumnias et oppressiones meipsum et successores meos protectores et defensores et insuper obsides et fideiussores super hoc negocio ecclesie sancti Amandi assignaui. Quod ne futuris temporibus aliquatenus in obliuionem ueniat sed munimentum inuiolabile et firmamentum perpetuum obtineat sigilli mei impressione confirmaui et prius nomina baronum meorum deinde hominum Willelmi hominum etiam sancti Amandi in testimonium apposui. Signum Euerardi radoul Iacobi de Auesnez Eustachii de Rueth Egidii de Cimai Hawelli de Cheuuran Alardi de Roisin Ludouici et Karoli fratrum de Fraisne Guillelmi de Hausi Galteri de Bousies Ade senescalz Theodorici de Wallers Raineri de Thions Roberti de Trith Mathei de Donen Anselmi de Belen Stephani de Donen Almanni de Proui Polii de Viler Galteri de Waregni Baldrici de Wamiul Gossuini de Tulin Guillelmi de Faumarch et quatuor filiorum eius Guillelmi Galteri Fulconis Anselmi. Signum hominum eius Fulconis de Semeries Fulconis de Artre Galteri de pons Arnulphi carete Thome de sancto Saluio Stephani de petra. Signum hominum sancti Amandi Stephani prepositi Anselmi de Lambres Theoderici de Anuain Balduini de Escaudeng Alardi macherel Nicolai de Leliu Lieberti de Samion. Actum anno uerbi incarnati M° C° LXX° IIII°. | |
Source | DUVIVIER CH. 1898 |
EDITIONS AND SECONDARY LITERATURE |
Editions
|
DUVIVIER CH.. Actes et documents anciens intéressant la Belgique (Publications de la Commission royale d'Histoire, Series II in 8°), 2 vol., Bruxelles, 1898-1903., 2, n.41, p.78-81, LINK LINK |
Secondary literature | PLATELLE H.. Le premier cartulaire de l'abbaye de Saint-Amand, dans: Le Moyen Age, 62 (1956), p.301-329., p.328, |
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.242, LINK LINK |