‹
›
return to all results
| DiBe ID | 2995 |
| ACTORS |
|
Issuer(s)
(= author) |
Function/title:
archbishop Name: Samson Institution/jurisdiction: Reims Diocese: Diocese Reims Principality: France Religious order: |
|
Author(s) of the actio juridica (= disposer) |
Function/title:
other Name: Gossuin III Institution/jurisdiction: Mons Diocese: Diocese Cambrai Principality: Hainaut Religious order: |
|
Function/title:
monastic house Name: Egericus abbot Institution/jurisdiction: S.Ghislain Diocese: Diocese Cambrai Principality: Hainaut Religious order: Benedictines |
|
|
Beneficiary(ies)
(= recipient) |
Function/title:
other Name: Gossuin III Institution/jurisdiction: Mons Diocese: Diocese Cambrai Principality: Hainaut Religious order: |
|
Function/title:
monastic house Name: Egericus abbot Institution/jurisdiction: S.Ghislain Diocese: Diocese Cambrai Principality: Hainaut Religious order: Benedictines |
| DATE |
|
Scholarly dating
(preferential) |
//1156 (donnée par document / mentioned in document - ) |
|
Scholarly dating
(any) |
//1156 (donnée par document / mentioned in document - ) Scholarly qualification: - |
|
Date in the charter
|
//1156 |
|
Place-date (in the text) |
Remis |
|
Place-date (normalised) |
Reims (FRANCE, Grand Est, Marne)
Diocese: Diocese Reims Principality: France |
| SUMMARY AND DESCRIPTION |
| Summary | confirme l'accord intervenu entre les deux parties au sujet du bois coupé dans la forêt de Baudour |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine sancte et indiuidue trinitatis. Ego Sanson diuina miseracione Remorum archiepiscopus uniuersis sancte matris ecclesie filiis tam futuris quam presentibus in perpetuum. Ex officio cure pastoralis oues domini debemus deffensare luporum que rapacitati qui eas lacerare et uexare conantur baculum et uocem opponere. Propterea dilectorum filiorum nostrorum Egerici abbatis sancti Gisleni uiri que nobilis Balduini comitis Haynoensis peticionibus annuentes pactum inter abbatem et Gozeuinum de montibus de incisione lignorum in silua Baudulii aliquando dissidentes per eumdem comitem constitutum et quedam alia per eum stabilita presenti pagina confirmamus et ut rata permaneant auctoritate metropolitana censemus. Composicionis autem modus hic est. Recognouit Goscewinus ecclesiam sancti Gisleni tria onera plaustri in silua Baudulii cotidie pro debito iure habere et ea quomodocumque commodius uoluerit adducere. Si uero aqua excreuerit et silua bona secus ripam inuenta fuerit tres naues onere trium plaustrorum onustas ecclesia cotidie suo iure recipiet. Aqua uero minorante et silua deficiente iam dicta ecclesia per omnem siluam Baudulii ubicumque uoluerit tria plaustri onera cotidie accipiet et ad ripam quam uoluerit adducet excepta silua que uocatur Lu excepta etiam indagine que per L annos deffensalis extitit. Si uero dominus Goscewinus aliquam partem silue deffensalem fecerit ecclesia infra illam deffensionem lege qua supra diximus incisionem suam accipiet. Recognouit eciam incisionem lignorum ad omnia ecclesie edificia uidelicet ad construendam elemosinam domos hospitum stabula equorum cambam pistrinum infirmariam coquinam refectorium dormitorium domum abbatis inclaustrum monasterium et queque infra ambitum monasterii necessaria fuerint. Nusquam uero extra abbaciam possunt a monachis de predicta silua Baudulii fieri edificia neque ignium fomenta haberi. Curtis ecclesie de Baudur libera est et communibus uille usibus sustentabitur uidelicet in pascuis in edificiis et in ignium fomentis. Porci de curte Hornuti et de curte Baudulii per omnem siluam infra deffensionem et extra sine pasnagio habebunt pascua. Si de aliis suis curtibus porci superuenerint pasnagium soluent decimum denarium et decimum porcum de pasnagio iure suo ecclesia possidebit. A Gamapio usque ad uiuarium Condati tribus uicibus per annum per Haine cursum consuetum recognita est eidem ecclesie piscacio. In capella domini Goscewini que sita est in parrochia de Bussut sacerdos celebrabit diuina quamdiu abbas permiserit. Ne autem ecclesiastica secularis ue persona aliqua nostram hanc confirmacionis paginam et quod ea continetur infirmare labefactare peruertere aut destruere moliatur interdicimus id que machinanti tremendi iudicis iram proponimus eamdem que paginam sigilli nostri impressione probabilium que personarum subnotacione roboramus. Signum Bartholomei archidiaconi. Signum Bosonis archidiaconi. Signum Drogonis prepositi. Signum Leonis decani. Signum Gregorii cantoris. Signum Henrici signum Thome presbiterorum. Signum Herleuini signum Letholdi diaconorum. Signum Erlandi signum Stephani signum Hilduini subdiaconorum. Actum Remis anno incarnati uerbi M° C° LVI° indictione --- regnante Ludowico rege Francorum anno XV archiepiscopatus autem nostri anno XVI. Robertus cancellarius scripsit et subscripsit. | |
| Source | DUVIVIER CH. 1898 |
| EDITIONS AND SECONDARY LITERATURE |
|
Editions
|
DUVIVIER CH.. Actes et documents anciens intéressant la Belgique (Publications de la Commission royale d'Histoire, Series II in 8°), 2 vol., Bruxelles, 1898-1903., 2, n.23, p.48-50, LINK LINK |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.196, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.198, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
