Diplomatica Belgica - Record 292

DiBe ID

292

ACTORS

Issuer(s)
(= author)

Function/title: count/countess
Name: Baldwin IX of Constantinople
Institution/jurisdiction: Flanders
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: count/countess
Name: Baldwin IX of Constantinople
Institution/jurisdiction: Flanders
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Tournai (S.Nicolas-des-Prés)
Diocese: Diocese Tournai
Principality: Tournaisis
Religious order: Arrouaise

DATE

Scholarly dating (preferential)	/9/1195 (donnée par document / mentioned in document - )
Scholarly dating (any)	/9/1195 (donnée par document / mentioned in document - ) Scholarly qualification: -
Date in the charter	/9/1195
Place-date (in the text)	Tornaci
Place-date (normalised)	Tournai (BELGIQUE, Région Wallonne, Hainaut) Diocese: Diocese Tournai Principality: Tournaisis

SUMMARY AND DESCRIPTION

Summary	confirme à l'abbaye ses possessions (énumération) , la prend sous sa protection et en devient l'avoué
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine patris et filii et spiritus sancti amen. Ego Balduinus dei gratia Flandrie comes tam futuris quam presentibus uniuersis in perpetuum. Cum per dies singulos excrescente in maius malicia ad inuertendum ius et equm uniuersa fere cordis humani laboret intentio et iam nulla uel rara sit inter filios huius seculi ueritatis ac fidei ad inuicem conseruatio cunctis sane terreni principatus apice prestantibus quibus ad faciendam uindictam in nationibus increpationes in populis ordinatum est a domino ferre gladium contra tanti insolentiam mali imperiosa est auctoritate occurrendum ne omnino tollantur de medio iusticia et equitas si quantumlibet malignandi fas habuerit peruica iniquitas. Proinde cum eisdem principibus summa sollicitudine ac uigilantia satagendum sit ut quiete et pacate quecumque sub ipsis posita sunt se habeant et tam minoribus quam maioribus absque molestia et perturbatione sua semper iura permaneant precipue tamen et super omnia eis incumbit sanctam dei ecclesiam cuius ipsi gladium portant eos que qui pro uniuerso populo dei die noctu que in ea deo famulantur et supplicant indefessa custodia protegere et tueri ne ab aliquo quacumque ex causa inquietari ualeant sed tanto intentius quanto pacatius diuine seruitutis officio cui mancipati sunt insistant. Eapropter ecclesiam sancti Nicholai sitam extra Tornacum in pratis cuius dudum et antecessores meos tutores et aduocatos fuisse cognoui in mea quoque tutela et protectione suscepi. Decernens utique et mandans ne quis eam undecumque calumpnias nectendo infestare neue de hiis que usque in hodiernum diem et deinceps quoquo titulo rationabili dumtaxat et iusto possederit presumat aliquid usurpare. Quamobrem in perpetuam possessionem confirmo ecclesie eidem omnes terras quas hactenus habuit uel postmodum habebit circumquaque Tornacum terram maxime quam dedit Galterus aduocatus terram apud Huberti locum terram et decimam et hospites apud Landast terram quam dedit Alardus Despelchin allodium et terram censualem apud Castrecin XVIII raserias frumenti apud Templouie pro undecim bonariis terre duos modios frumenti apud Rosbais pro quadam terra possessiones de Bouchenies in terris in pratis in nemoribus apud Pierreuuees undecim bonarios terre et quartarium et fossionem in turbaria quantum usibus curie de Boucenies necesse fuerit quod Balduinus de Pierreuuees per manum Hugonis de Antoin de cuius iure pendebat in elemosinam concessit terram de Galrain et de Vals tam cultam quam incultam nemus que et prata ad curtem de Lambrechies pertinentia terram quoque cum pratis et nemore apud Rosteleu. Hec igitur et quecumque alia uel ante hoc tempus uel in omne reliqum ad prefatam ecclesiam spectantia in omni quo se mee dominationis potestas extenderit loco in mea custodia et protectione suscipio et per presentem paginam sigilli mei impressione signatam rata ei manere precipio et confirmo sub eorum qui subscripti sunt aliorum que multorum presentia et testimonio. Signum Marie comitisse uxoris mee filie Henrici comitis Trecensis. Signum Petri de Duaco. Signum Gisleni castellani de Bellomonte. Signum Hugonis de sancto Autberto. Signum Willelmi de Poteles. Signum Balduini de Estrepi. Signum Alardi filii eius. Signum Stephani bardel. Actum anno domini millesimo centesimo nonagesimo quinto mense septembri et datum Tornaci.

Source	PREVENIER W. 1975

TRADITION

Original	No
Manuscripts	Lille, Archives départementales du Nord [AD], B 1561 (1301-1400)
	Tournai, Archives de la Cathédrale, Cartulaire B 1 (1201-1300)

EDITIONS AND SECONDARY LITERATURE

Editions	PREVENIER W.. De oorkonden der graven van Vlaanderen (1191-1206) (Publications de la Commission royale d'Histoire, Series I in 4°), 3 vol., Brussel, 1964-1971., 2, n.36, p.91-95,
Secondary literature	GODEFROY D.-J.. Inventaire chronologique et detaillé des chartes de la chambre des comptes a Lille, s.l., s.d., n.200, p.88-89,
	DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.491, LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.392, LINK LINK