Diplomatica Belgica - Record 291

DiBe ID

291

ACTORS

Issuer(s)
(= author)

Function/title: count/countess
Name: Baldwin IX of Constantinople
Institution/jurisdiction: Flanders
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: count/countess
Name: Baldwin IX of Constantinople
Institution/jurisdiction: Flanders
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: S.Amand
Diocese: Diocese Tournai
Principality: Tournaisis
Religious order: Benedictines

DATE

Scholarly dating (preferential)	/7/1195 (donnée par document / mentioned in document - )
Scholarly dating (any)	/7/1195 (donnée par document / mentioned in document - ) Scholarly qualification: -
Date in the charter	/7/1195
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	confirme la donation d'une dîme à Leke , faite par Philippe , comte de Flandre en 1190
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


Ego Balduinus Flandrie comes notum fieri uolo tam futuris quam presentibus quod sicut intellexi ex priuilegio karissimi auunculi mei felicis memorie comitis Philippi ecclesia sancti Amandi presidente ei uenerabili abbate Hugone legitima emptione acquisiuit a Waltero de Fraterlos decimam de Lecca presentibus multis baronibus comitis Philippi ipso etiam comite assensum prebente et prefatam emptionem sigilli sui auctoritate confirmante quam etiam aliquod annis ecclesia in pace possedit. Subsequenti uero tempore quadam conuentione inter ipsum comitem et predictum Walterum habita cum ipse Walterus comitem indefessis precibus fatigaret quatinus pro domo sua quam in ius comitis dederat predictam decimam quam uendiderat ei in uita sua tenendam ab ecclesia sancti Amandi impetraret ad ultimum consensit comes multis que precibus ab abbate et conuentu qui semper uoluntati sue patris que sui etiam cum dispendio rerum suarum parere consueuerat tandem obtinuit ea tamen conditione quod quandocumque decima illa siue per decessum ipsius Walteri uel alia quauis occasione de manibus eius exiret in ius et possessionem ecclesie ut iustum erat rediret. Cuius rei comes Philippus se fideiussorem et executorem fore spopondit. Porro post decessum ipsius Walteri cum ipse comes humano seductus errore sicut asserit in auctentico scripto suo contra ius et rationem decimam illam per aliquantum temporis spacium in usus suos retinuisset tandem ad mentem suam rediens et super transgressione sua penitentiam agens domno abbati Eustachio et prefate ecclesie decimam suam coram baronibus suis libere reddidit et redditionem istam iterato scripto et sigilli sui appentione roborauit. Superueniens autem Gerardus de Landast qui Walteri de Fraterlos heres esse uidebatur querimoniam coram comite Philippo deposuit conquerens quod possessionem que ad ipsum pertinebat et sibi iure competebat ecclesie reddidisset. Illo uero non multo post seculo abrenuntiante atque templariorum habitum suscipiente Arnulfus filius eius patri succedens et paternam hereditatem ab ipso comite recipere gestiens in sepedicta decima nichil sibi iuris esse coram baronibus comitis recognouit et in hoc uoluntati atque intentioni sue obediens eam in ius et perpetuam possessionem ecclesie sancti Amandi permanere concessit. Igitur ipse comes Philippus ecclesie in posterum prouidere uolens quoniam memoria mortalium labilis est et que a nobis modo geruntur processu temporis obliuione delentur redditionem siue concessionem istam litterarum apicibus annotari uoluit ac sigilli sui auctoritate confirmari et testium subscriptione muniri. Testes Henricus dux Louanie Razo de Gauera Eustachius de Gremmines Balduinus de Coumines. Actum anno domini M° C° XC° et ne quis in posterum quicquam iuris in decima illa clamare possit aut debeat ego Balduinus Flandrie comes hoc antecessoris mei comitis Philippi karissimi auunculi mei priuilegium scripto renouari precepi ac sigilli mei auctoritate confirmari et testium subscriptione muniri. Signum Gerardi Brugensis Insulensis ac sancti Audomari prepositi et Flandrensis cancellarii. Signum Gerardi de Renscura. Signum Hugonis de sancto Auberto. Signum Radulfi uulpis. Signum Eustachii de Machlines. Signum Fromaldi de Winghines. Actum anno domini M° C° XC° quinto mense iulio.

Source	PREVENIER W. 1975

TRADITION

Original	No
Manuscripts	Lille, Archives départementales du Nord [AD], 12 H 2 (1201-1300)

EDITIONS AND SECONDARY LITERATURE

Editions	PREVENIER W.. De oorkonden der graven van Vlaanderen (1191-1206) (Publications de la Commission royale d'Histoire, Series I in 4°), 3 vol., Brussel, 1964-1971., 2, n.35, p.89-91,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.310, LINK LINK