‹
›
return to all results
| DiBe ID | 2881 |
| ACTORS |
|
Issuer(s)
(= author) |
Function/title:
count/countess Name: Baldwin V Institution/jurisdiction: Hainaut Diocese: Diocese Cambrai Principality: Hainaut Religious order: |
|
Function/title:
other Name: Evrard-Raoul III Institution/jurisdiction: Tournai Diocese: Diocese Tournai Principality: Tournaisis Religious order: |
|
|
Author(s) of the actio juridica (= disposer) |
Function/title:
count/countess Name: Baldwin V Institution/jurisdiction: Hainaut Diocese: Diocese Cambrai Principality: Hainaut Religious order: |
|
Function/title:
other Name: Evrard-Raoul III Institution/jurisdiction: Tournai Diocese: Diocese Tournai Principality: Tournaisis Religious order: |
|
|
Beneficiary(ies)
(= recipient) |
Function/title:
monastic house Name: Institution/jurisdiction: Ninove Diocese: Diocese Cambrai Principality: Flanders Religious order: Premonstratensians |
| DATE |
|
Scholarly dating
(preferential) |
//1187 (conjecture précise / accurate conjecture - DE SMET) |
|
Scholarly dating
(any) |
//1187 (conjecture précise / accurate conjecture - DE SMET) Scholarly qualification: - |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | Evrard-Raoul donne vingt bonniers de bois à Velzeke (Velzeke-Ruddershove) et Baudouin V ratifie cette donation |
|
Description
|
Language:
Latin Authenticity: unsuspected document Textual tradition: original Nature of the charter: charter |
| FULL TEXT OF CHARTER |
| In nomine patris et filii et spiritus sancti. Ego Euerardus cognomento radolf Tornacensis tam futuris quam presentibus in perpetuum. Notum sit omnibus christi fidelibus quod ego ob mei eternam et liberorum ac parentum meorum salutem et memoriam nostri salutiferam contuli ac donaui ecclesie beate semper que uirginis Marie sanctorum que martyrum Cornelii et Cypriani in Niniue et fratribus inibi deo famulantibus uiginti bunarios silue in parrochia de Felseca de nemore Bredenbroc ad sariendum uel ad siluam suis tantum usibus nutriendam et custodiendam prout ecclesie placuerit ab omni iure et exactione mea meorum que liberos et quitos conditione tali interposita ut me sublato de medio pro me et pro ceteris defunctis fidelibus cotidie dum licet missa requiem eternam ab eiusdem ecclesie fratribus persoluatur. Statui etiam ut ex prescripti beneficii mei prouentibus perpetuo lumen coram domini corpore et in anniuersario meo quotannis iamdicte ecclesie fratribus refectio solito accuratius procuretur et pia ac liberali deuotione uberius impendatur decimam quoque fructuum totius terre quam fratres predicte Niniuensis ecclesie suis manibus sumptibus que sartauerunt et Balduinus screihase de me tenet in feodum ecclesie Niniuensis ex iure semper fore recognosco promulgo atque confirmo. Terre itidem uiginti tres bunarios paulo minus uel amplius quos a domino Razone de Gauera in parrochia de Felseca Niniuensis ecclesia sub annua pensione suscepit immortaliter possidendos meo assensu id esse protestor et ratum deinceps permanere constituo. Sedecim autem bunarios et dimidium in terris pratis quos in territorio et dominio de Felseca ab hominibus nostris seu ab incolis hereditariis ecclesia et fratres de Niniue acquisierunt et possident in instanti ipsi scilicet Niniuensi ecclesie respectu domini nostri Ihesu christi deuote offero et saluo nominatim meo iusto annuo censu denariorum uidelicet et auene a coactiuis exactionibus a talliis scilicet et placitorum frequentationibus et occasionibus coremethio et ceteris exactionibus omnibus absoluo et cum perhenni libertate eis contrado. Si uero quod absit fratres in curia degentes forefactum aliquid commiserint solum dampnum ab eis pacifice remota uiolentia recipiatur. Seruientes quoque ipsorum si inter se inuicem uel forinsecus certamen uel sanguinis pugnam commouerint idempnitate. Fratrum et honore curie obseruato forefactum digne componatur. Insuper autem communem utilitatem in pascuis aquis siluis uiis exitibus introitibus et reliquis aysentiis omnibus et communibus hominum commoditatibus pro ut se extendit parrochia et potestas de Felseca totiens dicte Niniuensi ecclesie et fratribus eius cum prelibatis omnibus adicio similia que ibidem a domno Razone concessa confirmo et hoc nullo extorsionis emolumento sed solo eterne retributionis intuitu. Quoniam uero in pace factus est locus dei curie Bochout et rebus omnibus ad se pertinentibus pacem et quietem firmissimam indixi condidi atque sanctiui quamdiu ecclesia de Niniue pro his omnibus lege poli iuri stare non rennuit me quoque et posteros meos omnes iure successorio obligo ut omnia hec ecclesie Niniuensis fratribus tueri et illesa conseruare perpetuo teneantur hec autem omnia ut rata et illesa sine fine perseuerent presente scripto sigillo meo signato necnon hominum meorum et aliorum fidelium congruo testimonio confirmo. Signum Razonis de Gauera signum Walteri de Sottengem signum Rothardi de Westerbocla. Ego Balduinus Hainoensis comes futuris et presentibus. Quod Euerardus radulf cognatus meus ecclesie Niniuensi ut presens testificatur scriptum concessit et sigillo suo confirmauit pro eo quod illud de me in feodum tenebat ipsius rogatu sicut ipse confirmauit et ego sigillo meo confirmo et hominum meorum aliorum que attestatione auctorizo. | |
| Source | DE SMET J.J. 1837 |
| TRADITION |
| EDITIONS AND SECONDARY LITERATURE |
|
Editions
|
DE SMET J.J.. Recueil des chroniques de Flandre (Publications de la Commission royale d'Histoire, Series I in 4°), 4 vol., Bruxelles, 1837-1841., 2, n.59, p.798-799, LINK |
| Secondary literature | PUT E.-PEERSMAN C.. Inventaris van het archief van de Sint-Cornelius- en Sint-Cyprianusabdij te Ninove (met inbegrip van archieven van het leenhof ten Berge in Woubrechtegem en de laathoven van de abdij in Ninove en Kattem). 1092-1796 (1812) (Rijksarchief te Beveren. Inventarissen), Brussel, 2008., Ressource électronique, K144 - 702, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.666, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
