Diplomatica Belgica - Record 2801

DiBe ID

2801

ACTORS

Issuer(s)
(= author)

Function/title: count/countess
Name: Baldwin IX of Constantinople
Institution/jurisdiction: Flanders-Hainaut
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: other
Name: NN miscellaneous
Institution/jurisdiction: UNKNOWN
Diocese:
Principality:
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Cambron
Diocese: Diocese Cambrai
Principality: Hainaut
Religious order: Cistercians

DATE

Scholarly dating (preferential)	//1196 (donnée par document / mentioned in document - )
Scholarly dating (any)	//1196 (donnée par document / mentioned in document - ) Scholarly qualification: -
Date in the charter	//1196
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	notifie que diverses personnes ont donné leur part du bois de Huissignies
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


Carta Balduini comitis de acquisitione partium nemoris de Huncennies. Ego Balduinus comes Flandrie et Hainoie notum fieri uolo uniuersis christi fidelibus tam presentibus quam futuris quomodo partes quedam in nemore de Huncenniis ab ipsarum possessoribus ad ecclesiam Camberonensem consilio meo interueniente iusto ordine et sollempni approbatione in elemosinam perpetuo possidendam deuenerint. Igitur allodii in nemore predicto participes Sibilie filii Egidius scilicet Stephanus et Coterellus et eorum soror Gilla annuente marito suo Giselino partas quos in ipso nemore possidebant et habere debebant in mea constituti presentia in montibus sub testimonio Marie Flandrie et Hainoie comitisse coniugis mee et Hugonis abbatis sancti Gisleni et fidelium meorum Wilhelmi scilicet patrui mei et Nicholai de Barbentione Walteri de Sotengien et et Walteri de uilla Camberonensi ecclesie in elemosinam contulerunt fidei sue interposita religione firmantes quod nullum super his ulterius dampnum aut grauamen per se uel per alium aliquem contra predictam ecclesiam suscitabant et exinde apud ipsam ecclesiam me obsidem hac interueniente conuentionis firmitate constituerunt quod super his ubique et per omnia ne ipsa ecclesia aliquod in posterum patiatur detrimentum tuitionem que uulgariter guarandia dicitur plenius et profectius teneor eidem ecclesie portare. Predicti etiam allodii in nemore particeps Ida de Torincort que ex seruili conditione ad meam propriam pertinebat familiam partem quam in ipso nemore habebat libere et absolute ut Camberonensi ecclesie in elemosinam daretur in manus meas tradidit quam quidem partem Camberonensi ecclesie in elemosinam perpetuam assignaui quod sub testimonio fidelium meorum et aliorum uirorum nobilium factum fuit et firmatum scilicet Balduini clerici de Hunceniis Arnulfi fratris eius Ostonis de Arbra Hugonis de Gagia Iacobi fratris eius Gaufredi de Brugeletis. Ad hec Oda de Hunceniis predictorum Balduini et Arnulfi soror assensu Roberti filii et filiarum suarum Hawidis scilicet et Agnetis partem suam quam in sepedicti nemoris allodio habebat sepedicte ecclesie Camberonensi prout melius et sanius potuit in elemosinam contulit sub testimonio Hugonis de Gagia et Gerardi et Iacobi fratrum eius et sepedictorum Balduini et Arnulfi de Hunceniis Walteri de Capella Ostonis de Arbra. Sciendum etiam quod Gossuinus de Ladusa partem quam in nemore sepenominato habebat quam ab Arnulfo de Sirau in feodo tenebat ut Camberonensi ecclesie pars illa sanius in elemosinam assignaretur in manu domini sui libere et absolute reportauit et ore proprio sibi abiudicauit et quia in feodo hoc paribus carebat illud a paribus domini sui Arnulfi sibi abiudicari fecit. Arnulfus uero partem hanc nemoris in manum suam libere resignatam tanquam proprium allodium suum Camberonensi ecclesie in elemosinam contulit sub testimonio fidelium meorum et aliorum Egidii scilicet de Trazignies Iohannis bliaut Balduini et Arnulfi de Hunceniis Gaufredi de Brugeletis Fastredi de Camberone sepedictus quoque Arnulfus de Hunceniis partes quas in allodio sepedicti nemoris habebat assensu Ode uxoris sue et filiorum suorum Gaufridi scilicet clerici et Nicholai militis Camberonensi ecclesie in elemosinam assignauit sub testimonio quam plurium fidelium meorum Eustachii uidelicet de Lens Willelmi de Keui Gisleberti Montensis prepositi Rogeri de Condato Walteri de uilla Hugonis de Crois Balduini de Hunceniis Ostonis de Arbra Gaufridus de Brugeletis. Et quia hec omnia benefacta in mea curia sollempniter celebrata sunt et plenius recognita et approbata ego qui ecclesias et eorum bona in omni honore et quiete teneor defensare ne ecclesia Camberonensis aliquam super his in posterum patiatur calumpniam uel detrimentum scripto ea commendari et sigilli mei munimine roborari decreui. Actum anno dominice incarnationis M° C° XC° VI°.

Source	DE SMET J.J. 1869

TRADITION

Original	No
Manuscripts	Mechelen, Archief Aartsbisdom Mechelen-Brussel [AAM], Abdij Cambron, Cartularium 1 (1101-1400)

EDITIONS AND SECONDARY LITERATURE

Editions	DE SMET J.J.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), II, Bruxelles, 1869., 2, n.6, p.355-356, LINK LINK
Secondary literature	DERECK D.. Guillaume l'Oncle (Circa 1150-Novembre 1219). Rôle politique, fortune et descendance d'un fils naturel du comte de Hainaut Baudouin IV, dans: Annales du Cercle archéologique de Mons, 78 (1999), p.43-135., n.56, p.108,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.63, LINK LINK