‹
›
return to all results
| DiBe ID | 2792 |
| ACTORS |
|
Issuer(s)
(= author) |
Function/title:
count/countess Name: Baldwin IX of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Baldwin IX of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
cathedral/collegiate chapter Name: Institution/jurisdiction: Mons (S.Waudru) Diocese: Diocese Cambrai Principality: Hainaut Religious order: |
|
Function/title:
monastic house Name: Institution/jurisdiction: Cambron Diocese: Diocese Cambrai Principality: Hainaut Religious order: Cistercians |
| DATE |
|
Scholarly dating
(preferential) |
//1197 (donnée par document / mentioned in document - ) |
|
Scholarly dating
(any) |
//1197 (donnée par document / mentioned in document - ) Scholarly qualification: - |
| //1198 (date impossible / impossible date - LEWAITTE) Scholarly qualification: - | |
|
Date in the charter
|
//1197 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | détermine les obligations de l'abbaye envers le chapitre en raison des biens que ce dernier a cédés à l'abbaye à Cambron-S . -Vincent et Lombise |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| Ego Balduinus comes Flandrie et Hainoie notum et certum fieri uolo uniuersis christi fidelibus tam presentibus quam futuris quod cum Montensis ecclesia beate Waldedrudis quam in bonis suis tamquam ipsius abbas et aduocatus tueri teneor et conseruare in quibusdam terris in potestate de Camberone uilla sancti Vincentii et in potestate de uilla Lumbisa census annuos et iura haberet que quidem per multa tempora ab antiquo possederat census illos et omne ius et omnem potestatem et dominationem in terris predictis Camberonensi ecclesie quam tota dilectionis et familiaritatis gratia amplectebar sub annuo censu quindecim solidorum Hainoensis monete annuatim infra octauas omnium sanctorum a Camberonensi ecclesia Montensi ecclesie in ipsa Montennsi ecclesia perpetuo soluendorum meo interueniente consensu et consilio assignauit ut ipsa Camberonensis ecclesia bonorum illorum sub nominato censu libera et quieta gaudeat possessione. Ut autem pateat plenius in posterum quod bona illa a Montensi ecclesia ad Camberonensem ecclesiam prorsus deuenerint statutum fuit et firmatum ut in cuiuslibet abbatis Camberonensis institutione XII-cim denarii Hainoensis monete Montensi ecclesie a Camberonensi ecclesia exsoluantur per quos quidem duodecim denarios pro recognitione antique dominationis additos census predictus quindecim solidorum nec augeri potest nec minui. Si quis autem super predictarum terrarum iure ac dominatione Camberonensem ecclesiam impedierit et eam inquietando in causam traxerit uel si Camberonensis ecclesia contra aliquem iniuriosum exinde causam mouerit ecclesia Montensis coram iudice tam ecclesiastico quam laico quicumque fuerit ille testimonium in castro seu uilla Montensi uiua uoce debet proferre quod ius quam que dominationem in predictis terris habuerit et quomodo ius omne suum suam que dominationem in illis Camberonensi ecclesie sub prenominato censu assignauit. Si uero per iudicem quemcumque causa hec ecclesiam Camberonensem ad querimoniam alicuius seu ab ecclesia Camberonensi contra quempiam alias quam Montibus pertracta fuerit ecclesia Montibus non in propriis suorum canonicorum uel duarum personis sed litteris suo sigillo signatis testimonium iam dictum et expressum habet proferre. Ut autem Camberonensis ecclesia in predictis terris super omni iure cum omni tranquillitate perpetuo dominetur et ut census nominatus quindecim solidorum et duodecim denarii in institutione cuiuslibet abbatis Camberonensis sine aliqua difficultate et detrimento persoluantur Montensi ecclesie ea omnia tam a me et a Montensi ecclesia quam a Camberonensi ecclesia approbata et scripto cyrographizato emendata sunt et communi sigillorum nostrorum munimine roborata. Cuius quidem scripti partem sigillo meo et sigillo beate Waldetrudis firmatam Camberonensis ecclesia sibi retinuit. Aliam uero scripti partem sigillo meo et sigillo Camberonensis ecclesie signatam Montensis ecclesia sibi reseruauit. De ecclesia Montensi testes Eustachius prepositus Gillebertus prepositus sancti Germani custos et canonicus ecclesie beate Waldetrudis Reinerus decanus et scolarius sancti Germani Nicholaus nata Godinus de sancto Simphoriano Romundus Willermus Nicholaus de Simri canonici Sara decana Elizabeth de Abeciis Sara de Ham Hawidis pidoceon Maria de Hicca Hawidis de Gaia Mathildis et Agnes et Alidis de Fontainnes Gela de Horuetis Berta et Maria de Quarinum et alie quamplures canonice. De ecclesia Camberonensi testes Balduinus abbas Lambertus prior Leonius supprior Willelmus cellarius Lucas Rogerus Theodericus Clemens Radulfus Benselmus et quamplures alii eiusdem conuentus monachi et fratres. De curia mea testes Willelmus patruus meus Nicholaus de Barbencione Egidius de Trasignies Hugo de Crois Gillebertus prepositus Montensis Walterus prepositus Malbodiensis et quamplures alii. Actum anno dominice incarnationis M° C° LXXXX° VII°. | |
| Source | DE SMET J.J. 1869 |
| TRADITION |
| EDITIONS AND SECONDARY LITERATURE |
|
Editions
|
DE SMET J.J.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), II, Bruxelles, 1869., 2, n.58, p.313-314, LINK LINK |
| Secondary literature | DERECK D.. Guillaume l'Oncle (Circa 1150-Novembre 1219). Rôle politique, fortune et descendance d'un fils naturel du comte de Hainaut Baudouin IV, dans: Annales du Cercle archéologique de Mons, 78 (1999), p.43-135., n.60, p.108, |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.80, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.322, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.102, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
