Diplomatica Belgica - Record 2781
DiplomataBelgica
Search | Tradition Search
DiBe 1 of 1
return to all results
DiBe ID 2781
ACTORS
Issuer(s)
(= author)
Function/title:  bishop
Name:  Roger of Wavrin
Institution/jurisdiction:  Cambrai

Diocese:  Diocese Cambrai
Principality: Cambrai
Religious order: 

Author(s) of the actio juridica 

(= disposer)

Function/title:  bishop
Name:  Roger of Wavrin
Institution/jurisdiction:  Cambrai

Diocese:  Diocese Cambrai
Principality: Cambrai
Religious order: 
Beneficiary(ies)

(= recipient)

Function/title:  monastic house
Name:  Daniel abbot
Institution/jurisdiction:  Cambron

Diocese:  Diocese Cambrai
Principality: Hainaut
Religious order:  Cistercians
Function/title:  cathedral/collegiate chapter
Name: 
Institution/jurisdiction:  Soignies

Diocese:  Diocese Cambrai
Principality: Hainaut
Religious order: 
DATE
Scholarly dating
(preferential)
//1180 (donnée par document / mentioned in document - )
Scholarly dating
(any)
//1180 (donnée par document / mentioned in document - ) Scholarly qualification: -
Date in the charter
//1180

Place-date

(in the text)

Place-date

(normalised)


Diocese: 
Principality: 
SUMMARY AND DESCRIPTION
Summary confirme l'accord conclu entre le chapitre et l'abbaye au sujet du bois dit "Communia" et de quelques autres biens
Description
Language: Latin
Authenticity: unsuspected document Textual tradition: copy (records)
Nature of the charter: charter
FULL TEXT OF CHARTER
Carta Rogeri Cameracensis episcopi de communia et Potaria et quibusdam aliis. Rogerus dei gratia Cameracensis episcopus omnibus tam futuris quam presentibus in perpetuum. Ad eam quam gerimus amministrationis sollicitudinem spectat ut contractus ecclesiarum quae nostre iurisdictionis sunt in quibus pari assensu et bona pace conueniunt nostre auctoritatis preeminentia in posterum roborare curemus. Nouerint igitur fideles uniuersi tam posteri quam moderni quod canonici Sonegiensis ecclesie siluas quasdam et terras quas propriis expressas uocabulis subiecimus siluam uidelicet que uulgo communia dicitur siluam etiam quamdam in loco qui Potaria nuncupatur et nouale nichilominus quod Wineberti sartum dicitur Alnetum quoque in territorio Lumbisiole et illud silue quod habebant in parrochia Bafie domno Daniheli abbati Camberonensi et ei cui preest domui in ordine Cisterciensi christo militanti assensu et coniuentia communi perpetuo possidendas et colendas sub hac lege et conditione concesserunt ut ex fructibus omnibus qui ex eis prouenerint annis singulis quartam partem sonegiensi ecclesie ita quod de integro fructu terre nulla messoribus detur decima fideliter rependant. Sane prata ad prefatam Communiam pertinentia fratribus Camberonensibus licebit adquirere saluo dumtaxat ecclesie canonicorum iure si tamen heredes ea uoluerint alienare. Terras autem sancti Vincentii infra premissum territorium Lumbisiole constitutas fratribus iam dictis si ita inter eos et heredes conuenerit licitum erit emere et prefato sub tenore perpetuo colere. Porro de noualibus nouandis in siluis de quibus agitur ita erit ratio ut unoquoque anno bonaria X ex eis in agriculturam redigantur donec omnia arabilia et ad colendum abilia reddantur nisi cuiusuis potentis uiolentia prepediantur quam ab eorum infestatione remouere canonici nequeant. Nam de meliorandis eisdem terris postquam arboribus et dumetis exute fuerint sic procedit pactio ut per unumquemque annum ex eis quinque bonaria marlentur donec omnia supraiecta marla fertiliora fiant atque ad fecundanda fratres predicti sicut et locorum illorum agricole ceteri marlam de marlariis canonicorum libere accipient. Ad hec etiam adiectum est quod in terris sepedictis agrum incultum uel compascuum remanere non licebit nisi forte tantum bellum ingruerit aut intemperies aeris irruerit ut prorsus coli non possit. Sane partem illam que ex terris pluries commemoratis canonicis prouenerit fratres Camberonenses ipsis et posterorum ipsorum ministris apud loca subscripta singulis annis assignabunt apud Camberonem scilicet sancti Vincentii de communia et de Potaria et de Wineberti sarto et sicut apud Lumbisiolam de terris Lumbisiole sic et apud Bafiam de terra Bafie ad horrea canonicorum portionem debitam plaustris suis deducent. Ut uero fratres quibus hac pactione canonici tenentur securos super hoc reddant terras ipsis ab eis concessas eis defendere promiserunt et quicquid defensionis pro iure suo sibi concesso ecclesia debet ecclesie eis exhibituros polliciti sunt. Ne autem hec conuentio tam canonice peracta a fidelium defluat memoria presentem paginam tam sigilli mei impressione et testium idoneorum subscriptione quam cyrographi interpositione roborauimus. Signum Walteri archidiaconi signum Anselmi de Tongre signum Wacheri decani de Bauai Huberti capellani Ulrici Egidii de Gondelcort Rogeri Nicholai clericorum meorum. Actum anno dominicae incarnationis MC octogesimo.
Source DE SMET J.J. 1869
EDITIONS AND SECONDARY LITERATURE
Editions
DE SMET J.J.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), II, Bruxelles, 1869., 2, n.12, p.103-103, LINK LINK
Secondary literature LEJEUNE TH.. Mémoire historique sur l'ancienne ville de Soignies (Monographie d'Histoire et d'Archéologie, III), Mons, 1868-1869., n.26, p.295, LINK LINK
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.776, LINK LINK

 

Collaborator: Philippe Demonty