Diplomatica Belgica - Record 2763
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 2763
ACTORS

Author(s) of the actio juridica 

(= disposer)

Function/title:  cathedral/collegiate chapter
Name: 
Institution/jurisdiction:  Liège (S.Paul)

Diocese:  Diocese Liège
Principality: Liège
Religious order: 
Function/title:  monastic house
Name: 
Institution/jurisdiction:  Liège (S.James)

Diocese:  Diocese Liège
Principality: Liège
Religious order:  Benedictines
Beneficiary(ies)

(= recipient)

Function/title:  cathedral/collegiate chapter
Name: 
Institution/jurisdiction:  Liège (S.Paul)

Diocese:  Diocese Liège
Principality: Liège
Religious order: 
Function/title:  monastic house
Name: 
Institution/jurisdiction:  Liège (S.James)

Diocese:  Diocese Liège
Principality: Liège
Religious order:  Benedictines
DATE
Scholarly dating
(preferential) 		//1191 (terminus ante quem - STIENNON)
Scholarly dating
(any) 		//1191 (terminus ante quem - STIENNON) Scholarly qualification: -
//1176 (terminus post quem - STIENNON) Scholarly qualification: -
//1113 (date impossible / impossible date - THIMISTER) Scholarly qualification: -
//1112 (terminus ante quem - WAUTERS) Scholarly qualification: -
//1105 (terminus post quem - WAUTERS) Scholarly qualification: -

Place-date

(in the text)

Place-date

(normalised)


Diocese:  Principality: 
SUMMARY AND DESCRIPTION
Summary acte notifiant que du temps d'Etienne , abbé de Liège (S . Jacques) le chapitre a accordé à l'abbaye le droit de pêche et que les deux institutions ont conclu une charte de confraternité
Description
Language: Latin
Authenticity: unsuspected document Textual tradition: original
Nature of the charter: notitia
FULL TEXT OF CHARTER
In nomine sancte et indiuidue trinitatis. Notum sit omnibus tam futuris quam presentibus quod ecclesia sancti- Iacobi apostoli a tempore Stephani magni loci ipsius abbatis quinti piscationem aque ab ecclesia sancti- Pauli sub annuo censu XL solidorum iure hereditario possidet dato exinde secundum consuetudinem aliarum possessionum inuestito. Hec igitur dispositio et coniuentia de iure requisitionis inter eos est quod defuncto eiusdem possessionis inuestito qui in inuestitura succederet nichil amplius quam hamam uini canonicis et XII denarios decano ecclesie pro requisitione daret. Ut ergo ratum sit in posterum quod concordia fraterne societatis est institutum placuit presentem paginam utriusque ecclesie sigillo communiri et ad perhenne testimonium dispositionem communis fraternitatis que inter eos uiget hic pleniter annotari. Cuius socie fraternitatis seu fraterne societatis modus talis est. Defuncto canonico ecclesie sancti- Pauli fratres ecclesie sancti- Iacobi signa omnia pulsabunt officium que debitum exequiarum nisi precipue sollemnitatis dies acciderit integre celebrabunt singuli sacerdotes missam unam pro eius requie diaconi uero et subdiaconi quinquaginta psalmos in tricenario cantabunt. Tricenarium autem specialiter sicut unus fratrum in conuentu habebit et per anni circulum memoria eius in communi missarum et uigiliarum oratione erit. Ipsi quoque canonici defuncto fratre ecclesie sancti Iacobi eodem modo exequias celebrabunt uigilias que in eadem ecclesia cum processione uenientes singulariter cantabunt et per XXX dies nisi festiuitas nouem lectionum occurrerit propriam in minore missa collectam pro eo cantabunt. Nomen abbatis sancti Iacobi in regula ecclesie sancti Pauli asscribetur decano quoque eiusdem ecclesie in ecclesia sancti Iacobi similiter fiet. In sollemnitate et in dedicatione ecclesie sancti Pauli abbas ecclesie sancti Iacobi si mandetur cum quatuor monachis et duobus seruientibus missam celebraturus ibit refectioni que fratrum si fiat intererit. Si autem non mandetur ecclesie sancti Iacobi in utraque sollemnitate duo solidi transmittentur. Simili modo in festiuitate et in dedicatione sancti Iacobi decanus ecclesie sancti Pauli cum quatuor canonicis campanario quoque et claustrario missarum sollemnitati mandatus intererit fratrum que refectionis in karitate fraternitatis particeps erit. Si autem certa necessitate impediente mandatus non fuerit in monumentum fraterne karitatis duos solidos ecclesia sancti Iacobi sicut gratissime accipit eidem ecclesie dabit. Preterea si decanus sancti Pauli quemlibet ecclesie sue clericum uel sui iuris laicum abbati uel alicui monachorum ecclesie sancti Iacobi obloqui uel derogare presumpsisse per se uel per alium rescierit reum quicunque sit ille sicut dignum fuerit et ipse potuerit corripiet et eum omnimodam satisfactionem exhibere compellet. Unde ecclesia sancti Iacobi talionem ut dignum est rependet. Porro sit abbas ecclesie sancti Iacobi auxilio et consilio decani et fratrum ecclesie sancti Pauli aut in sua ipsius ecclesia aut in presentia domini episcopi siue in capitulo sancti Lamberti indiguerit ipsi in omnibus parati erunt assistere et in ipsius ac si in sua omnimodo causa laborare quod etiam abbas et reliqui fratres decano et canonicis studebunt impendere. Ceterum si quis ex eis habitum monachicum in ecclesia beati Iacobi assumere uoluerit abbas et conuentus eum sine qualibet difficultate benigne in fratrem et monachum recipient.
Source THIMISTER O. 1878
EDITIONS AND SECONDARY LITERATURE
Editions
STIENNON J.. Etude sur le chartrier et le domaine de l'abbaye de Saint-Jacques de Liège (1015-1209) (Bibliothèque de la Faculté de Philosophie et Lettres de l'Université de Liège, 124), Paris, 1951., planche 32 (fac-similé fragmentaire), LINK
THIMISTER O.. Cartulaire ou recueil de chartes et documents inédits de l'église collégiale de Saint-Paul actuellement cathédrale de Liège, Liège, 1878., p.3-4,
Secondary literature STIENNON J.. Etude sur le chartrier et le domaine de l'abbaye de Saint-Jacques de Liège (1015-1209) (Bibliothèque de la Faculté de Philosophie et Lettres de l'Université de Liège, 124), Paris, 1951., p.67-68, 149-151, LINK
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.202, LINK LINK
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.796, LINK LINK

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015