Diplomatica Belgica - Record 2664

DiBe ID

2664

ACTORS

Issuer(s)
(= author)

Function/title: pope
Name: Alexander III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Alexander III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: William I abbot
Institution/jurisdiction: Veurne (S.Nicholas)
Diocese: Diocese Thérouanne
Principality: Flanders
Religious order: Premonstratensians

DATE

Scholarly dating (preferential)	11/6/1164 (donnée par document / mentioned in document - )
Scholarly dating (any)	11/6/1164 (donnée par document / mentioned in document - ) Scholarly qualification: -
Date in the charter	11/6/1164
Place-date (in the text)	Senoni
Place-date (normalised)	Sens (FRANCE, Bourgogne-Franche-Comté, Yonne) Diocese: Archbishopric Sens Principality: France

SUMMARY AND DESCRIPTION

Summary	confirme les biens et les privilèges de l'abbaye (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Alexander episcopus seruus seruorum dei dilectis filiis Wilhelmo abbati ecclesie sancti Nicholai de butenburch eius que fratribus tam presentibus quam futuris regularem uitam professis in perpetuum. Pie postulatio uoluntatis effectu debet prosequente compleri ut et deuocionis sinceritas laudabiliter enitescat et utilitas postulata uires indubitanter assumat. Ea propter dilecti in domino filii uestris iustis postulationibus clementer annuimus et prefatam ecclesiam in qua diuino mancipati estis obsequio ad exemplar patris et predecessoris nostri pie recordationis Eugenii pape sub beati Petri et nostra protectione suscipimus et presentis scripti priuilegio communimus in primis siquidem statuentes ut ordo canonicus qui secundum dei timorem et beati Augustini regulam atque Praemonstratencium fratrum institutiones in ipsa ecclesia institutus esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona eadem ecclesia in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis duas capellas primam in honorem sancti Dionysii alteram in honorem beati Nicolai consecratam altare de Wulpen altare de Ramscappla altare de Duunkerca totam decimam de Houthem terram que fuit Theoderici rufi terram Gerogtison multuram ad omnes usus in ea manentium mensuram terre et paulo plus ad orientem Furnensis castri sex mensuras ad austrum atrii sancti Nicholai ex dono Theoderici comitis et Philippi filii eius mansionem liberam in solitudine que dicitur Moer et necessaria ad comburendum terram ad orientem Furnensis oppidi que fuit filiorum Eustacii et curtem in eodem loco sitam terram trium mensurarum et quarte partis que uiam prestat de terra Leonii ad terram Theoderici rufi euntibus bercariam que fuit Herberti filii Baldrami males terram ad Hiseram pertingentem et ab aquilone Venepe habentem et grangiam in ea bercariam de Hasnon unde censum redditis altare de Houtem de quo singulis annis duas marcas persoluitis in terra Gerontison cappellam ad audiendum diuina officia conuersis uestris et atrium ad sepeliendum eos et de ea parte que fuit Gottrami duas garbas decime et tertiam pro una marca singulis annis. Sane noualium uestrorum que propriis manibus aut sumptibus colitis siue de nutrimentis uestrorum animalium decimas a uobis nullus presumat exigere. Preterea cum commune interdictum terre fuerit liceat uobis clausis ianuis non pulsatis tintinnabulis exclusis excommunicatis et interdictis suppressa uoce diuina officia celebrare. Statuimus etiam ut nulli fas sit aliquem parochianorum uestrorum nisi salua canonica iusticia ecclesie uestre ad sepulturam recipere. Sepulturam quoque ipsius loci liberam esse concedimus ut eorum qui sepeliri deliberauerint deuotioni et extreme uoluntati nisi forte excommunicati uel interdicti sint nullus obsistat salua tamen iusticia matricis ecclesie. Decernimus quoque ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integre conseruentur eorum pro quorum gubernatione et sustentacione concessa sunt usibus omnimodis profutura salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant amen. Datum Senoni per manum Hermanni sancte Romane ecclesie subdiaconi et notarii III° idus iunii indictione XII incarnationis dominice anno M° C° LXIIII pontificatus uero dompni Alexandri pape III-i anno V°.

Source	VAN DE PUTTE F.-CARTON C. 1849

TRADITION

Original	No
Manuscripts	Bruges, Rijksarchief [RA], Verzameling Aanwinsten 3468 (1401-1500)

EDITIONS AND SECONDARY LITERATURE

Editions	DUBOIS R.. Prieuré de Lucheux et prévôté de Gros-Tison. Cartulaire factice, dans: Mémoires de la Société des Antiquaires de Picardie, 47 (1937), p.113-461., n.77 (édition fragmentaire), p.391, LINK LINK
	VAN DE PUTTE F.-CARTON C.. Chronicon et cartularium abbatiae Sancti Nicolai Furnensis, Ordinis Praemonstratensis et chronicon Bethaniae seu domus S. Joseph Furnensis (Recueil de Chroniques, Chartes et autres Documents concernant l'Histoire et les Antiquités de la Flandre-Occidentale,Série 1, 9), Bruges, 1849., p.66-68, LINK LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.11027, p.181, LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.453, LINK LINK