Diplomatica Belgica - Record 2663

DiBe ID

2663

ACTORS

Issuer(s)
(= author)

Function/title: pope
Name: Eugene III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Eugene III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: William I abbot
Institution/jurisdiction: Veurne (S.Nicholas)
Diocese: Diocese Thérouanne
Principality: Flanders
Religious order: Premonstratensians

DATE

Scholarly dating (preferential)	7/6/1147 (donnée par document / mentioned in document - )
Scholarly dating (any)	7/6/1147 (donnée par document / mentioned in document - ) Scholarly qualification: -
Date in the charter	7/6/1147
Place-date (in the text)	Parisius
Place-date (normalised)	Paris (FRANCE, Île-de-France, Paris) Diocese: Archbishopric Sens Principality: France

SUMMARY AND DESCRIPTION

Summary	confirme les biens et les privilèges de l'abbaye (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Eugenius episcopus seruus seruorum dei dilectis filiis Guillelmo abbati ecclesie sancti Nicholay de butenburch eius que fratribus tam presentibus quam futuris regularem uitam professis imperpetuum. Quotiens illud a nobis petitur quod rationi conueniens esse dinoscitur animo nos decet libenti concedere et congruum impertiri suffragium ut fidelis et pia deuotio celerem consequatur effectum. Ea propter dilecti in domino filii uestris iustis postulationibus clementer annuimus et uite canonice ordinem quem secundum beati Augustini regulam in prefata ecclesia professi estis auctoritate sedis apostolice confirmantes monasterium uestrum cum omnibus appendiciis suis sub beati Petri et nostra protectione suscipimus et presentis scripti priuilegio communimus statuentes ut quascumque possessiones quecumque bona in presentiarum iuste et canonice possidetis aut in futurum concessione pontificum largitione regum uel principum oblatione fidelium seu aliis iustis modis deo propitio poteritis adipisci firma uobis uestris que successoribus et illibata permaneant. In quibus hec propriis duximus exprimenda uocabulis duas capellas primam in honorem sancti Dionisii alteram in honorem beati Nicolai consecratam altare de Wulpen altare de Ramescappella altare de Duunkerka totam decimam de Houthem et in eadem uilla XVI mensuras terre quas Simon rufus et Iwanus Gandensis per manus Theoderici comitis dederunt sexaginta mensuras quas Theodoricus rufus per manum Karoli comitis donauit triginta mensuras quas Erembaldus baas dedit sedecim mensuras de Moer quas Theodericus comes et Sibilla comitissa usibus fratrum concesserunt terram Geraldtison quam Inghelramus comes de Sempool dedit et multuram annone fratrum eandem terram colentium quam annonam libere et absque ulla contradictione molendam in molendinis suis apud Paas molentibus Anselmus de Paas de Oda uxor eius dederunt mensuram terre et paulo plus ad orientem Furnensis castri et VI mensuras ad austrum atrii sancti Nicholai iacentes quas Balduinus prepositus ecclesie sancte Walburgis et eiusdem ecclesie canonici concambio accepto dederunt. Sane laborum uestrorum quos propriis manibus aut sumptibus colitis siue de nutrimentis uestrorum animalium nullus a uobis decimam exigere presumat. Sepulturam quoque ipsius loci liberam esse concedimus ut eorum qui se illic sepeliri deliberauerint deuotioni et extreme uoluntati nisi forte excommunicati uel interdicti sint nullus obsistat salua tamen iusticia matricis ecclesie. Decernimus ergo ut nulli omnino hominum liceat prefatas ecclesias temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integra conseruentur eorum pro quorum gubernatione et sustentacione concessa sunt usibus omnimodo profutura salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularis ue persona hanc nostre constitucionis paginam sciens contra eam temere uenire temptauerit secundo tercio ue commonita si non satisfactio congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini nostri Ihesu christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant amen. Datum Parisius per manum Guidonis sancte Romane ecclesie diaconi- cardinalis- cancellarii- VII° idus iunii indictione X incarnationis dominice anno M° C° XLVII. Pontificatus dompni Eugenii pape III anno III°.

Source	VAN DE PUTTE F.-CARTON C. 1849

TRADITION

Original	No
Manuscripts	Bruges, Rijksarchief [RA], Verzameling Aanwinsten 3468 (1401-1500)

EDITIONS AND SECONDARY LITERATURE

Editions	DUBOIS R.. Prieuré de Lucheux et prévôté de Gros-Tison. Cartulaire factice, dans: Mémoires de la Société des Antiquaires de Picardie, 47 (1937), p.113-461., n.73 (édition fragmentaire), p.383, LINK LINK
	VAN DE PUTTE F.-CARTON C.. Chronicon et cartularium abbatiae Sancti Nicolai Furnensis, Ordinis Praemonstratensis et chronicon Bethaniae seu domus S. Joseph Furnensis (Recueil de Chroniques, Chartes et autres Documents concernant l'Histoire et les Antiquités de la Flandre-Occidentale,Série 1, 9), Bruges, 1849., p.65-66, LINK LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.9076, p.44, LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.274, LINK LINK