Diplomatica Belgica - Record 261

DiBe ID

261

ACTORS

Issuer(s)
(= author)

Function/title: count/countess
Name: Baldwin VII Hapkin
Institution/jurisdiction: Flanders
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: count/countess
Name: Baldwin VII Hapkin
Institution/jurisdiction: Flanders
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name: Bouo II abbot
Institution/jurisdiction: S.Amand
Diocese: Diocese Tournai
Principality: Flanders
Religious order: Benedictines

DATE

Scholarly dating (preferential)	//1283 (terminus ante quem - PLATELLE)
Scholarly dating (any)	16/12/1116 (donnée par document / mentioned in document - VERCAUTEREN) Scholarly qualification: -
	1/1/1117 (plusieurs dates possibles / several possible dates - WAUTERS) Scholarly qualification: -
	1/1/1116 (plusieurs dates possibles / several possible dates - WAUTERS) Scholarly qualification: -
	//1283 (terminus ante quem - PLATELLE) Scholarly qualification: FORGERY
Date in the charter	16/12/1116
Place-date (in the text)	Elnone monasterio
Place-date (normalised)	S.Amand (FRANCE, Hauts-de-France, Nord) Diocese: Diocese Tournai Principality: Flanders

SUMMARY AND DESCRIPTION

Summary	détermine , à la demande de l'abbé Bouo , la juridiction qu'exercera l'abbaye et l'étendue des droits de ses avoués
Description	Language: Latin Authenticity: suspected document Textual tradition: copy (records) Nature of the charter: charter

FULL TEXT OF CHARTER


In nomine patris et filii et spiritus sancti amen. Ego Balduinus dei gratia Flandrensium comes filius Roberti secundi marchionis et Clementiae nobilis Comitissae reputans me cum nobis plus aliis in hoc mundo occupatis magis necessaria esse sanctorum patrocinia optimum duxi non solum nostra largitate eorumdem sanctorum dei exteriora augeri bona uerum etiam ab omni oppressione et iniustitia defendendo integra conseruare ab aliis collata uel conseruata et in melius restituere quaeque male instituta uel deprauata. Quocirca cognitum esse uolo tam futuris quam presentibus me ad petitionem Bouonis abbatis et fratrum eiusdem ecclesiae Elnonense coenobium adiisse quod constructum est in honore beati Stephani protomartyris et sancti confessoris christi Amandi ubi uidelicet attulerunt nobis fratres quaedam imperialia et regalia praecepta plenam libertatem et immunitatem eiusdem ecclesiae continentia uidelicet Dagoberti quondam regis et postea Pipini patris Karoli. Magni insuper uero imperator Karolus atque filius Ludouicus imperator necnon et Karolus caluus huiusmodi immunitatis auctoritatem erga iamdictum uenerabile monasterium fecerunt. Praeterea uero ad suggestionem praefati pontificis christi Amandi pro quiete seruorum dei ibidem degentium omnes res eiusdem monasterii sancti illius temporis patres ac pontifices qui magnis dum aduiuerent uirtutibus floruerunt quorum que meritis sublimatur et gloriatur Francia super hoc suae sanctitatis priuilegium statuerunt. Quae omnia ut apud omnipotentem deum sanctos eius habeam propitios in eadem pace et quiete quam prędicti reges siue imperatores eundem locum obtinuerunt ego quoque sub mea protectione et tutela contra prauorum hominum nequitiam conseruare decreui praesertim quia quidquid honoris et dignitatis in eadem ecclesia tam progenitores mei comites Flandriae quam reges Franciae habuerunt hoc istis temporibus diuina miseratio michi ex integro largiri dignata est. Verumtamen inter caetera quae deprauata erant quidam praepositus ipsius uillae nomine Almannus quasdam sibi iniustas consuetudines usurpauit quibus se deliquisse cognoscens in praesentia mea tam ex iudicio optimatum meorum quam ex deliberatione se cum habita data fide tactis etiam sacrosanctis reliquiis prorsus abdicauit uidelicet ne ad cambas sancti Amandi dimidium quartarium ceruisiae accipiat neque creditionem ullam unde damnum aliquod homines sancti sustineant habeat neque exactionem quam uulgo tolpri uocant siue herbam aut coruedas inconsulto abbate exigat neque iumenta per uillam uiolenter mutuare aut tollere alicuius operis occasione audeat. Et si cui abbas terram uendiderit ministerialis nihil habebit. De iustitia pontis se non intromittet neque subtus neque supra quamdiu custos abbatis per se iusticiam habere poterit neque mansuarios iustificabit de his quae ad mansos pertinent. De terris censualibus quas tenet censum unoquoque anno dabit neque exinde aliquid cuiquam in feodum dare ei licebit neque terram ab aliquo emere neque aliqua terra sine uoluntate abbatis inuestiri poterit. Vadium etiam si pro qualibet forisfactura acceperit ab aliquo non alibi quam infra curtim sancti Amandi commendabit ipse uero ministerialis ab aduentitiis nihil accipiet nisi VI denaratas panum et duos capones. latro ab eo captus in curtim sancti Amandi custodiendus adducetur. Nullo modo placitabit nisi in camera abbatis uel in porticu aut in hospitio et hoc praesente abbate uel praeposito monacho. De omnibus placitis quae fiunt per scabinos suum tertium habebit et uillicus abbatis et fratrum huius tertii tertium et ministerialis concordiam non potest accipere nisi per abbatem aut eius praepositum monachum neque in dominicis curtibus aliquam iustitiam exiget aut accipiet. Nullus unquam a ministeriali accipiet licentiam maritandi. Et si ministerialis uillę decedens plures filios reliquerit abbas et fratres quem ad hoc magis idoneum uiderint ministerialem constituant. Quod si sine liberis mortuus fuerit in potestate abbatis erit cui ministerium illud reddere uoluerit. Ab omnibus hominibus infra procinctum commorantibus salua fidelitate comitis Flandrensis abbas si uoluerit securitatem habebit. Haec omnia supramemoratus ministerialis se firmiter obseruaturum sub sacramento ut praemissum est absque ulla refragatione promittens filios et parentes insuper etiam huius ecclesiae aduocatos Godefridum scilicet de Bulcen et Alardum Cononis filium huius rei obsides comiti dedit. Qui uidelicet aduocati in manu ipsius comitis sub pactione fidei polliciti sunt et insuper abbatem et fratres omnino securos fecerunt ut si ministerialis in aliquo hanc conuentionem aliquo tempore infringere praesumeret nisi infra quindecim dies ipse ministerialis cum restauratione damni quod intulerit sese cum abbate et fratribus in pace composuerit praedicti aduocati ab abbate et fratribus admoniti nisi infra XL dies eum ad plenam iustitiam cum restauratione damni secundum quod ille qui damnum perpessus est cum duobus testibus probauerit nihil deinceps proficui nil consilii uel auxilii illi facient. Et insuper pro huius cartae infractione non solum anathema incurret uerum etiam comes Flandrensis XL libras abbas autem similiter XL libras pro hac forisfactura a ministeriali consequentur. Actum Elnone monasterio a me Balduino in Flandriis iam anno V per dei gratiam participante anno uero uerbi incarnati MCXVI indictione X XVII kalendas- ianuarii. Ut ergo confirmationis meae pagina futuris temporibus maneat inconuulsa manu mea subscripsi et sigilli mei impressione firmaui eos que qui subscriberent iussi. Insuper uero abbates et clericos cum tota congregatione in praesentia beati Amandi ne quis deinceps hanc cartam infringere praesumeret anathematis uinculo innodari feci omnibus clamantibus et respondentibus amen. Signum Balduini incliti marchionis. Signum Bouonis eiusdem coenobii abbatis. Signum Lamberti abbatis sancti Bertini. Signum Otgerii cancellarii. Signum Godefridi aduocati. Signum Alardi aduocati. Signum Amulrici conestabuli. Signum Rogeri castellani de Insula. Signum Rogeri praepositi de Insula. Signum Roberti praepositi Duacensis. Signum Alardi praepositi de Formasela. Signum Galteri filii Fastradi. Signum Amulrici de Landast. Signum Iohannis de Herchengehen. Signum Ratbodi de Dossemer. Balduinus -m-.

Source	PLATELLE H. 1960

TRADITION

Original	No
Manuscripts	Lille, Archives départementales du Nord [AD], 12 H 2 (1201-1300)
	Bruges, Archief Bisdom [A Bisdom], C 106 ()

EDITIONS AND SECONDARY LITERATURE

Editions	VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., n.81, p.181-184,
	MEIJERS E.M.-SALVERDA DE GRAVE J.J.. Des lois et coutumes de S.Amand (Institut historique de Droit. Leiden), Haarlem, 1934., n.3, p.222-224,
	PLATELLE H.. Deux chartes comtales relatives à Saint-Amand en date du 16 décembre 1116, dans: Bulletin de la Commission royale d'Histoire – Handelingen van de Koninklijke Commissie voor Geschiedenis, 126 (1960), p.61-82., n.B, p.77-82, LINK
Secondary literature	VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., p.181,
	PLATELLE H.. Deux chartes comtales relatives à Saint-Amand en date du 16 décembre 1116, dans: Bulletin de la Commission royale d'Histoire, 126 (1960), p.61-82., p.77,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.708, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.88, LINK LINK
	BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.1, p.242, LINK