Diplomatica Belgica - Record 2602

DiBe ID

2602

ACTORS

Author(s) of the actio juridica

(= disposer)

Function/title: cathedral/collegiate chapter
Name: Theodwin provost
Institution/jurisdiction: Liège (S.Lambert)
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: cathedral/collegiate chapter
Name:
Institution/jurisdiction: Fosses
Diocese: Diocese Liège
Principality: Liège
Religious order:

Function/title: cathedral/collegiate chapter
Name:
Institution/jurisdiction: Huy (Notre-Dame)
Diocese: Diocese Liège
Principality: Liège
Religious order:

DATE

Scholarly dating (preferential)	31/3/1092 (donnée par document / mentioned in document - PONCELET)
Scholarly dating (any)	31/3/1092 (donnée par document / mentioned in document - PONCELET) Scholarly qualification: -
	//1092 (donnée par document / mentioned in document - DE REIFFENBERG) Scholarly qualification: -
Date in the charter	//1092
	31/3/1092
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	jugement arbitral qui confirme au chapitre de Fosses la donation de l'alleu de Boignies
Description	Language: Latin Authenticity: unsuspected document Textual tradition: copy (records) Nature of the charter: notitia

FULL TEXT OF CHARTER


In nomine sanctae et indiuiduae trinitatis. Omnibus sanctae et catholicae ecclesiae fidelibus innotescat et quasi in armario perennis memoriae conscriptum et reconditum permaneat quod Henricus piae memoriae Leodiensis episcopus inter huius uitae aerumnosos successus quasi prudens paterfamilias animae suae prouidens saluti inter quamplurima quae rebus ecclesiae adauxit et contulit allodium quoddam Boigneres dictum data praestitura de rebus ecclesiae quin etiam ingenti data pecunia acquisiuit sibi a comite Alberto fratre Hermanni archidiaconi legitima etiam traditione facta et inuestitura recepta ut in talibus solet fieri retinuit in proprios usus donec deliberaret animo ubi locum ecclesiae idoneum sibi prouideret in quo de eodem allodiolo constitueret perpetuum eleemosynae memoriale et sepulturam corporis sui. Plures quoque per annos absque ulla reclamatione uel contradictione eo retento graui superueniente aegritudinis molestia depressus necessitate fratrum Fossensis ecclesiae permotus eam prae ceteris locum sepulturae sibi delegit illuc que corpus suum morte resolutum fidelibus ac domesticis deferre praecepit. Supradicti etiam allodii donum manibus ingenuorum Cononis uidelicet comitis et Godescalci de Cennaco Hugonis quoque de Daules ut Fossensi quoque ecclesiae illud legitima traditione contraderent et confirmarent delegauit et tradidit. Sed quorumdam partim incuria partim negligentia corpus eius in Hoyensi ecclesia humatum remansit. De allodio supradicti illustres uiri quod in fide susceperant quod imperatum eis fuerat fideliter expleuerunt facta que traditione coram ingenuis et idoneis testibus inuestituram aduocato ecclesiae et praeposito praesente comite Namurcensi Adelberto dederunt. Succedente uero in honore episcopatus et officio Otberto antistite cum sicut solet in tali negotio diuersi diuersa sentirent amore partim partim odio Hoyensis ecclesiae fratribus ob defossionem retenti corporis dicentibus suum esse debere et Fossensibus sui iuris indicium petentibus canonicis etiam ecclesiae sancti Lamberti antiquius aliis omnibus donum se habuisse dicentibus episcopus in dubio positus suae mancipauit ditioni donec lis tanta diffiniretur aequitate iudicii. Tandem quarta feria pascalis ebdomadae coram praedicto episcopo congregatis multis fidelibus ecclesiae tam clericis quam laicis praeposito quoque Treduino et Gualbodone decano caeteris quoque fratribus ecclesiae sancti Lamberti proclamationis suae causam in medium exponentibus communi consilio omnium adiudicatum est Fossensi ecclesiae iustius caeteris supradicti allodii ius in perpetuam et quietam possessionem cedere debere in perenne eius qui illud ibidem delegauit memoriale. Huius autem assertionis et ueritatis idem testes qui fuere iudices Treduinus praepositus et archidiaconus Henricus archidiaconus Petrus et elbertus et alii quamplures clerici laici uero Albertus comes de Namurco Godefrindus filius eius Cuono comes et Gozelo filius eius Arnulfus comes et Guigerus aduocatus Henricus de Asche Godefridus de Ham et Cuono frater eius Iohannes de Montigney Godefridus de Andreloiz Ranierus aduocatus. Facta est autem huius alodii traditio et huius iudicii confirmatio anno ab incarnatione domini MXCII indictione quindecima regnante imperatore augusto Henrico tertio et praesidente cathedrae Leodiensium Otberto episcopo.

Source	DE REIFFENBERG F. 1844

TRADITION

Original	No
Manuscripts	Namur, Archives de l'Etat [AE], Archives écclésiastiques de la province de Namur 522 (1734)

EDITIONS AND SECONDARY LITERATURE

Editions	DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 8, p.348, LINK LINK
Secondary literature	JEANTIN J.. Histoire du comté de Chiny et des pays Haut- Wallons, 2 vol., Paris, 1858-1859., 2, p.118-119, LINK LINK LINK
	PONCELET E.. Cartulaire de l'église Saint-Lambert de Liège (Publications de la Commission royale d'Histoire, Series I in 4°), V-VI, Bruxelles, 1913-1933., 6, n.12, p.3,
	DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.934, LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.579, LINK LINK
	BODART E.-LAURENT R.. Inventaire du chartrier des comtes de Namur (BE-A0525 / I87 - Ressource électronique), n.1, LINK LINK
	BODART E.-LAURENT R.. Inventaire du chartrier des comtes de Namur (BE-A0525 / I87 - Ressource électronique), n.2, LINK LINK