‹
›
return to all results
| DiBe ID | 26 |
| ACTORS |
|
Issuer(s)
(= author) |
Function/title:
pope Name: Lucius III Institution/jurisdiction: Rome Diocese: Principality: Papal States Religious order: |
|
Author(s) of the actio juridica (= disposer) |
Function/title:
pope Name: Lucius III Institution/jurisdiction: Rome Diocese: Principality: Papal States Religious order: |
|
Beneficiary(ies)
(= recipient) |
Function/title:
monastic house Name: Institution/jurisdiction: Tournai (S.Martin) Diocese: Diocese Tournai Principality: Flanders Religious order: Benedictines |
| DATE |
|
Scholarly dating
(preferential) |
6/5/1183 (donnée par document / mentioned in document - ) |
|
Scholarly dating
(any) |
6/5/1183 (donnée par document / mentioned in document - ) Scholarly qualification: - |
|
Date in the charter
|
6/5/1183 |
|
Place-date (in the text) |
Velletri |
|
Place-date (normalised) |
Velletri (ITALIA, Latium, Roma)
Diocese: Principality: Papal States |
| SUMMARY AND DESCRIPTION |
| Summary | prend l'abbaye sous sa protection et lui confirme la règle bénédictine , ses droits , ses possessions et ses privilèges (énumération) |
|
Description
|
Language:
Latin Authenticity: unsuspected document Textual tradition: original Nature of the charter: bull |
| FULL TEXT OF CHARTER |
| Lucius episcopus seruus seruorum dei. Dilectis filiis abbati monasterii sancti Martini Tornacensis eius que fratribus tam presentibus quam futuris regularem uitam professis in perpetuum. Pie postulatio uoluntatis effectu debet prosequente compleri ut deuotionis sinceritas laudabiliter enitescat et utilitas postulata uires indubitanter assumat. Eapropter dilecti in domino filii uestris iustis postulationibus clementer annuimus et prefatum monasterium in quo diuino estis obsequio mancipati sub beati Petri et nostra protectione suscipimus et presentis scripti priuilegio communimus in primis siquidem statuentes ut ordo monasticus qui secundum deum et beati Benedicti regulam in eo loco institutus esse dinoscitur perpetuis ibidem temporibus inuiolabiliter obseruetur. Preterea quascunque possessiones quecunque bona idem monasterium inpresentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis deo propitio poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis locum ipsum in quo prefatum monasterium situm est cum omnibus suis pertinentiis altare scilicet de Fasti cum appenditiis suis altare de Frotmunt altare de Vals altare de Spelcin altare de Samiun altare de Paschendal altare de Beuerna altare de Templouio altare de Eureniis altare de Altra altare de Sarra altare de Isenguen altare de Gudelino altare de Lingiis altare de Sirau altare de Florbech altare de Galren altare de Ramecros altare de quarta altare de Malda altare de Hascheniis altare de Boueniis altare de Branteniis altare de Hostiolo altare de papengen altare de Zulte altare de Wachines molendinum de Fossato octo pensiones butiri probati ab ecclesia sancti Petri Aldenburgensis domum sancti Amandi in pago Nouiomensi decimas etiam ecclesiarum ubicunque habetis. libertates quoque seu immunitates ab archiepiscopis et episcopis ecclesie uestre concessas et hactenus obseruatas ratas habemus eas que futuris temporibus manere decernimus illibatas. Inhibemus insuper ne quis in uos uel ecclesias uestras sine manifesta et rationabili causa excommunicationis uel interdicti sententiam audeat promulgare. liceat quoque uobis clericos uel laicos e seculo fugientes liberos et absolutos ad conuersionem uestram recipere et eos absque prauitate aliqua retinere. Prohibemus etiam ut nulli fratrum uestrorum post factam in eo loco professionem fas sit absque abbatis sui licentia nisi artioris religionis obtentu de eodem discedere. Discedentem uero absque communi litterarum cautione nullus audeat retinere. Sane noualium uestrorum que propriis manibus uel sumptibus colitis seu de nutrimentis animalium uestrorum nullus a uobis decimas extorquere presumat. Cum autem generale interdictum terre fuerit liceat uobis clausis ianuis exclusis excommunicatis et interdictis non pulsatis Campanis submissa uoce diuina officia celebrare. Sepulturam quoque loci ipsius liberam esse decernimus ut eorum deuotioni et extreme uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumuntur. Obeunte uero te nunc eiusdem loci abbate uel tuorum quolibet successorum nullus ibi qualibet subreptionis astutia seu uiolentia preponatur nisi quem fratres communi consensu uel fratrum pars consilii sanioris secundum dei timorem et beati Benedicti regulam prouiderint eligendum. Decernimus ergo ut nulli omnino hominum liceat monasterium uestrum temere perturbare aut possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolice auctoritate et diocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita nisi reatum suum digna satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Ihesu christi aliena fiat atque in extremo examine diuine ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen amen amen. -r- adiuua nos deus protector noster. Ego Lucius catholice ecclesie episcopus subscripsi-. beneualetę. Ego Theodinus Portuensis et sancte Rufine sedis episcopus subscripsi-. Ego Henricus Albanensis episcopus subscripsi-. Ego Petrus presbiter- cardinalis- tituli- sancte Susanne subscripsi-. Ego Viuianus tituli- sancti Stephani in Celio monte presbiter- cardinalis- subscripsi-. Ego Laborans presbiter- cardinalis- sancte Marie trans Tiberim tituli- Calixti subscripsi-. Ego Hubertus presbiter- cardinalis- tituli- sancti Laurentii in Damaso subscripsi-. Ego Pandulfus presbiter- cardinalis- tituli- basilice XII apostolorum subscripsi-. Ego Ardicio diaconus- cardinalis- sancti Theodori subscripsi-. Ego Bobo diaconus- cardinalis- sancti angeli subscripsi-. Ego Soffredus sancte Marie in uia lata diaconus- cardinalis- subscripsi-. Ego Albinus diaconus- cardinalis- sancte Marie noue subscripsi-. Data- Velletri per manum Alberti sancte Romane ecclesie presbiteri cardinalis et cancellarii II nonas- maii indictione I incarnationis dominice anno M° C° LXXX° III° pontificatus uero domni Lucii pape III° anno II°. | |
| Source | D'HERBOMEZ A. 1898 |
| TRADITION |
| EDITIONS AND SECONDARY LITERATURE |
|
Editions
|
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.249, p.401-403, |
| D'HERBOMEZ A.. Chartes de l'abbaye de Saint-Martin de Tournai (Publications de la Commission royale d'Histoire. Chroniques belges inédites. Series I in 4°), I, Bruxelles, 1898., 1, n.36, p.139-141, LINK LINK LINK | |
| Secondary literature | RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., p.401, |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.269, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
