‹
›
return to all results
| DiBe ID | 2543 |
| ACTORS |
|
Issuer(s)
(= author) |
Function/title:
bishop Name: Rudolf of Zähringen Institution/jurisdiction: Liège Diocese: Diocese Liège Principality: Liège Religious order: |
|
Author(s) of the actio juridica (= disposer) |
Function/title:
bishop Name: Rudolf of Zähringen Institution/jurisdiction: Liège Diocese: Diocese Liège Principality: Liège Religious order: |
|
Beneficiary(ies)
(= recipient) |
Function/title:
monastic house Name: Institution/jurisdiction: Géronsart Diocese: Diocese Liège Principality: Namur Religious order: Augustinian Canons |
| DATE |
|
Scholarly dating
(preferential) |
//1183 (donnée par document / mentioned in document - ) |
|
Scholarly dating
(any) |
//1183 (donnée par document / mentioned in document - ) Scholarly qualification: - |
|
Date in the charter
|
//1183 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | confirme les possessions du monastère (énumération) |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine sancte et indiuidue trinitatis amen. Ego Rodulphus dei gratia episcopus Leodiensis notum facimus uniuersis in posterum quia antecessor noster domnus Albero Leodiensis episcopus huius nominis primus sicut ex scripto eius intelleximus partem predii episcopalis iuxta Iamnedam intra terminos sancte Marie Namurcensis deo et ecclesie beati Augustini de sarto liberalitate sua obtulit et per manum Lamberti comitis qui aduocatus erat ipsius predii firma et legitime donatione contradidit. Domnus quoque Alexander successor suus uestigiis predecessoris sui inherens deuotione sua eidem ecclesie applicuit et fratribus sub regulari habitu inibi canonice uiuentibus siluam adiacentem et loca pascualia in quoscumque usus necessarios absque exactionis alicuius respectu perpetualiter indulsit. Et ne qua ex hoc in posterum suboriri posset controuersie calumpnia certis ab adiacenti terra discreuit terminis. Nos igitur deuotionem eorum attendentes et paci seruorum dei illic commanentium paterne consulentes quidquid ab antecessoribus nostris Leodiensibus episcopis uel aliis dei fidelibus eidem loco rationabiliter est concessum et scriptis eorum firmatum per presentis scripti paginam eidem ecclesie confirmamus. Confirmamus etiam eidem loco ecclesiam de Herpens cum integra dote et appenditiis suis quam Haduidis nobilis mulier cum Philippo filio suo per manum Berengeri de Lez legaliter donauit et mediam partem ecclesie de Mazareo cum appenditiis suis a Gela nobili muliere et filiis suis Theoderico et Adelardo supradicti loci fratribus per manum Philippi aduocati legitime donatam. Statuimus quoque et episcopali auctoritate decernimus ut predicta ecclesia sub regulari habitu et beati Augustini regula perpetuo in posterum tempore perseueret nulli que umquam seculari uel ecclesiastice persone liceat hoc nostrum mutare uel irritare decretum sed inconuulsa et illibata permaneat nostra dispositio. Decedente que eiusdem loci patre secundum canonum instituta et beati Augustini regulam successor eligatur ydoneus cum fratrum assensu et nostro ac successorum nostrorum dono qui et Leodiensi ecclesie debitam exhibeat subiectionem et circa subditos salutem operetur animarum. Si quis autem presentium uel futurorum hanc nostre constitutionis paginam ausu temerario infringere presumpserit hunc modis omnibus exsecramus ac perpetue maledictionis anathemate condempnamus. Et de hiis qui presentes fuerunt testes ydonei adhibiti sunt Albertus de Cuc archidiaconus Albertus de Lowanii archidiaconus Petrus de Momalia Henricus de Marenbais Henricus de Tonglebiet. Actum est hoc anno dominice incarnationis M° C° LXXX° tertio. | |
| Source | BARBIER J. 1867 |
| TRADITION |
| EDITIONS AND SECONDARY LITERATURE |
|
Editions
|
BARBIER J.. Documents extraits du cartulaire du chapitre de Fosses, dans: Analectes pour servir à l'Histoire ecclésiastique de la Belgique, 4 (1867), p.396-422; p.489-505., p.466-468, |
| Secondary literature | SCHOOLMEESTERS E.. Les Regesta de Raoul de Zaehringen, prince-évêque de Liège, 1167-1191, dans: Bulletin de la Société d'Art et d'Histoire du Diocèse de Liège, 1 (1881), p.129-203., n.63, p.54, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.632, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.780, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
