Diplomatica Belgica - Record 25420

DiBe ID

25420

ACTORS

Issuer(s)
(= author)

Function/title: lord (of a seigniory)
Name: Angilbertus II
Institution/jurisdiction: Enghien
Diocese: Diocese Cambrai
Principality: Hainaut
Religious order:

Author(s) of the actio juridica

(= disposer)

Function/title: lord (of a seigniory)
Name: Angilbertus II
Institution/jurisdiction: Enghien
Diocese: Diocese Cambrai
Principality: Hainaut
Religious order:

Beneficiary(ies)

(= recipient)

Function/title: town/village/alderman/urban officer
Name:
Institution/jurisdiction: Herne
Diocese: Diocese Cambrai
Principality: Hainaut
Religious order:

DATE

Scholarly dating (preferential)	/10/1211 (donnée par document / mentioned in document - )
Scholarly dating (any)	/10/1211 (donnée par document / mentioned in document - ) Scholarly qualification: -
Date in the charter	/10/1211
Place-date (in the text)	apud Herinez in ecclesia beati Petri
Place-date (normalised)	Herne (S.Peter) (BELGIË / BELGIQUE, Vlaams Gewest, Vlaams-Brabant) Diocese: Diocese Cambrai Principality: Hainaut

SUMMARY AND DESCRIPTION

Summary	le seigneur d'Enghien / Edingen accorde une charte-loi aux habitants de Herne (Notre-Dame)
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


In nomine Patris et Filii et Spiritus sancti. Ego Inglebertus dictus dominus de Ainghyen, omnibus hanc paginam inspecturis in perpetuum. Uniuersa negocia que fiunt in tempore ne labantur cum lapsu temporis litterarum debent memoria perhennari. Sciant igitur presentes et posteri quod omnes homines meos in territorio de Herinez commorantes, excepta familia seruilis conditionis, a mortua manu et talliis liberos feci et in perpetuum absolui, saluo alio dominio meo et consuetudine, tali quidem conditione quod de singulis boneriis terre sue spectantis ad aduocatiam meam, mihi et successoribus meis duos solidos Ualencenensis monete singulis annis in festo beati Martini sub annuo censu soluere tenentur. Manoperarii uero, qui uulgo cotsate dicuntur, quia dicta gaudent libertate, similiter in predicto festo soluent duos solidos eiusdem monete; si terram emerint, sicut alii de ea soluent et duos solidos, quos pro sua libertate dare consueuerunt, soluent annuatim. In ipso autem festo nuncius meus, sub testimonia scabinorum, predictum censum recipiet. Et qui infra triduum non persoluerit, pena trium solidorum punietur. Addidi etiam quod si aliquis extraneus causa commorandi et non fraudulenter aduenerit, modo consimili supradicta libertate potietur; si terram emerit, censum de ipsa sicut alii dabit annuatim; pro se ipso autem duos solidos persoluet. Unde ne qua in posterum per immutationem prepositi a me uel a successoribus meis possit oriri calumpnia, que tytulum libertatis istius infringat, ego et Sigerus, filius meus, iusiurandi religionem subiuimus ad conseruandam libertatem prenominatam inconcussam et inconuulsam. Idem iurauerunt consanguinei et homines mei Hosto de Trasiniis, Egidius et Stephanus de Houez, Petrus de Saintes, Rukinus et Iohannes de Marke, Henricus de Allodio, Walterus de Longo Rodo, Ingelbertus et Sigerus fratres, Gosuinus de Rist, Boinus, Scalkinus, Laurentius, Gerardus de Rancoue. Ut autem hec omnia supradicta inuiolata permaneant et perpetue firmitatis robur obtineneant sic, dominus comes Flandrensis et Hannonie et Iohanna comitissa, uxor eius, assensum prebuerunt et prefatam libertatem, tanquam dominus et domina terre, warrandire tenentur, presenti scripto sigilla sua cum meo apponentes et cum sigillis nobilium uirorum Egidii de Gallitch, Leonii-- --nii castellani de Bruxella, Hostonis de Trasiniis, qui huius libertatis conseruande tenentur esse coadiutores; idem etiam abbas de Camberone, de Sancto Auberto, de Grimbergh et de Niniue testantur et confirmant, sigilla sua apponentes. Actum apud Herinez, in ecclesia Beati Petri, anno Dominice incarnationis millesimo ducentesimo undecimo, mense octobri.

Source	MARTENS M. 1967

TRADITION

Original

Yes
Herne, Gemeentearchief, non coté

EDITIONS AND SECONDARY LITERATURE

Editions	VAN CAUWENBERGHS E.. Charte de liberté concédée aux habitants d'Hérinnes, dans: Annales du Cercle archéologique d'Enghien, 6 (1905-1907), p.313-316., p.315-316,
	VERRIEST L.. Les chartes-lois de la seigneurie d'Hérinnes-les-Enghien, dans: Annales du Cercle archéologique d'Enghien, 7 (1909), p.35-43., n.1, p.41-42,
	MARTENS M.. Recueil de textes d'histoire urbaine belge des origines au milieu du XIIIe siècle, dans: Elenchus Fontium Historiae urbanae: Germany, Belgium the Netherlands, Scandinavia (Acta Collegii Historiae Urbanae Societatis Historicorum internationalis), I, Leiden, 1967, p.279-404., n.50, p.366-367,
	VANDORMAEL H.. Kleine kroniek van het groene kwadrant Herne : Herfelingen, Kokejane, Sint-Pieters-Kapelle, Sint-Pieters-Leeuw, 2011., passim,