Diplomatica Belgica - Record 2529

DiBe ID

2529

ACTORS

Issuer(s)
(= author)

Function/title: bishop
Name: Rudolf of Zähringen
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Rudolf of Zähringen
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name: Euerhelmus abbot
Institution/jurisdiction: Liège (S.Lawrence )
Diocese: Diocese Liège
Principality: Liège
Religious order: Benedictines

DATE

Scholarly dating (preferential)	3/12/1171 (donnée par document / mentioned in document - )
Scholarly dating (any)	3/12/1171 (donnée par document / mentioned in document - ) Scholarly qualification: -
	2/12/1171 (date impossible / impossible date - SCHOOLMEESTERS) Scholarly qualification: -
Date in the charter	3/12/1171
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	approuve l'incorporation de l'église de Meeffe (S . Sévère) à l'abbaye et rappelle les liens de confraternité qui unissent les monastères de Liège (S . Laurent) et Liège (S . Gilles)
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Ego Rodulphus dei gratia sancte Leodiensis ecclesie humilis minister, presentibus et futuris in perpetuum. Quum diuinis ac deo placitis sancte ac discrete ordinationis operibus et consiliis, prompti debemus consensus et fauoris robur et auctoritatem adiungere quod a predecessore nostro, bone memorie, Heinrico, huius nominis episcopo Leodiensi secundo, ad laudem et honorem creatoris et incrementum sancte religionis de ecclesia sancti seueri in Maffia pie et laudabiliter factum est, nos qui, auctore deo, eidem episcopali successimus ministerio, debite uolumus defensionis patrocinio firmiter et stabiliter protegere eius que utilitatem et gloriam uigilis sollicitudinis cura custoditam salubriter promouere. Videns enim, pie recordationis, prefatus episcopus sancti seueri ecclesiam, corporis eiusdem sancti presentia et aliorum sanctorum pignoribus illustratam, in qua canonica olim uiguerat religio, secundum successionem temporis et debitum nature sublatis de medio deuotis et deum timentibus canonicis, in solitudinem et negligentiam penitus deuenisse, ingemuit et ruinam templi, minitantibus edificiis, diuini seruitii silentium silere non potuit. Cuius ruine et diuini cultus periculum negligentie, fidelibus et spiritalibus uiris et presentie Leodiensis ecclesie deuotus et fidelis pontifex diuinitus compunctus, sepius intimauit diu que super instauratione immo ampliatione in eadem ecclesia diuini cultus, deliberato et spiritu sancto inspirante consilio sancte opinionis et magne religionis uiro abbati ecclesie sancti Laurentii Wazelino, sancti seueri ecclesiam, secundum decessionem canonicorum ibidem satis tenuiter immo negligenter seruientium, monachalis religionis ordine illustrandam, ad honorem dei et sanctorum eius tradidit. Eam que religiosus abbas desertam, collapsam et in reditibus suis dispersam, in presentia ecclesiasticarum personarum, cum omni dote et integritate sua et omnibus attinentiis suis, in familia et possessione et reditibus suis, iure perpetuo, ecclesie beati Laurentii subiectam, ordinandam et regendam tam in temporalibus quam in spiritualibus, imploratus et districte commonitus de manu episcopi suscepit, et religiosos ibidem monachos, sicut manifestum est, die ac nocte deo et sanctis eius deseruire constituit. Cunctas equidem canonicorum possessiones, cum omnibus appenditiis suis, in usus monachorum deo et sancto Seuero in loco illo militantium, integras et illibatas sepedictus episcopus tradidit nisi quod decimam de maioris et minori Seron et de Forisuilla et XII-cim solidos census et XXX-a VIII-to cappones ad beneficium persone que episcopalibus debeat obsequiis, secundum ecclesiasticam consuetudinem, deseruire, ab ista donatione excepit. Huius autem sancte commutationis et emendationis caritas et religio usque ad nostri presulatus tempora peruenit; in quo de uniuersis uno tantum superstite canonico, Anselmo uidelicet, crescente religione et censu prius destitute ecclesie, cetera omnia quiete et in tranquilla pace ecclesia beati Laurentii in ecclesia sancti seueri ordinanda possedit. Predicto quoque Anselmo de medio sublato et monacho pro eo, sicut loco aliorum, substituto, nichil de cetero impedimenti uel obstaculi remanebit quin monachi omnia, excepto persone superius dicte beneficio, in pace et libere, in ecclesia sancti seueri possideant ubi nemo amplius canonicam, sicut prediffinitum est, nisi monachus, obtinebit. Ne id autem cuiquam episcopo uel abbati, id est episcopali in eadem ecclesia cappellano, aliquam sibi canonicam retinendo uel alii dando, de cetero immutatum liceat uiolare, supremi ordinatoris auctoritate et priuilegiis commonemus et tam necessarii firmamentum consilii pactum quoque pacis et societatis, quod inter ecclesiam sancti Laurentii sancti que Egidii conuenit quod que sigillis predictorum sanctorum et utriusque ecclesie abbatum, Euerelmi uidelicet et Marsilii, sanccitum est. Allodia etiam ab ecclesia beati Laurentii martyris, nostris diebus, acquisita per abbatem eiusdem ecclesie Euerelmum, in Bonleirs in Embemmes et in Boris carte et sigilli nostri et matris ecclesie munimine et legitimorum testium subscriptione roborata, ad honorem dei et sanctorum eius presentibus et futuris sciendum et manutendum relinquimus. Huius rei testes sunt Heinricus maior prepositus et archidiaconus, Amalricus archidiaconus et Fossensis prepositus, Balduinus archidiaconus, Bruno archidiaconus, Rodolphus archidiaconus, Theodericus archidiaconus, Otto archidiaconus, Symon decanus, Ribertus cantor, Iohannes, Walterus, Heinricus, Iohannes canonici maioris ecclesie, Drogo abbas sancti Iacobi, Marsilius abbas sancti Egidie Lucas abbas sanctorum apostolorum Montis Cornelii Franco decanus sancti Petri, Arnulphus decanus sancti Martini, Heinricus decanus sancti Pauli, Gislebertus decanus sancti crucis, Benedictus decanus sancti Iohannis, Otto decanus sancti Dyonisii, Fredericus decanus sancti Bartholomei; de nobilibus, Gerardus comes de Los, Egidius comes de Duraz, Loduicus aduocatus, Godefridus de Iusserin; de familia ecclesie, Theodoricus de prato, Wedericus frater eius, Fastradus de Dommartyn Wilelmus, Libuinus frater eius, Godefridus de Hosenmont et bodo frater eius, et alii multi. Facta est hec a nobis confirmatio coram ecclesia Leodiensi, presente et approbante Uuarnero abbate de Maffia, III° nonas decembris anno ab incarnatione domini M° C° LXX° I°, indictione VI-a imperante Frederico Romanorum imperatore glorioso, anno regni eius XX° anno presulatus nostri III°.

Source	YANS M. 1967

TRADITION

Original	No
Manuscripts	Liège, Archives de l'Evêché, G III 2 (1501-1600)

EDITIONS AND SECONDARY LITERATURE

Editions	YANS M.. Le cartulaire de l'abbaye de Saint-Laurent-lez-Liège conservé au British Museum, dans: Bulletin de la Société d'Art et d'Histoire du Diocèse de Liège, 47 (1967), p.23-134., n.15, p.57-62,
Secondary literature	SCHOOLMEESTERS E.. Les Regesta de Raoul de Zaehringen, prince-évêque de Liège, 1167-1191, dans: Bulletin de la Société d'Art et d'Histoire du Diocèse de Liège, 1 (1881), p.129-203., n.15, p.29-30, LINK LINK
	YANS M.. Le cartulaire de l'abbaye de Saint-Laurent-lez-Liège conservé au British Museum, dans: Bulletin de la Société d'Art et d'Histoire du Diocèse de Liège, 47 (1967), p.23-134., p.57,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.764, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.520, LINK LINK