Diplomatica Belgica

DiBe ID

24

ACTORS

Issuer(s)
(= author)

Function/title: bishop
Name: Walter I
Institution/jurisdiction: Tournai
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: monastic house
Name:
Institution/jurisdiction: Oudenburg
Diocese: Diocese Tournai
Principality: Flanders
Religious order: Benedictines

Beneficiary(ies)

(= recipient)

Function/title: monastic house
Name:
Institution/jurisdiction: Tournai (S.Martin)
Diocese: Diocese Tournai
Principality: Flanders
Religious order: Benedictines

DATE

Scholarly dating (preferential)	//1170 (donnée par document / mentioned in document - )
Scholarly dating (any)	//1170 (donnée par document / mentioned in document - ) Scholarly qualification: -
Date in the charter	//1170
Place-date (in the text)	Tornaci
Place-date (normalised)	Tournai (BELGIQUE, Région Wallonne, Hainaut) Diocese: Diocese Tournai Principality: Flanders

SUMMARY AND DESCRIPTION

Summary	l'évêque de Tournai (Hainaut) confirme que les moines d'Oudenburg (West-Vlaanderen, Oostende) doivent à ceux de Tournai (S.Martin) (Hainaut, Tournai) une rente payable en beurre en remerciement de services pécuniaires
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue Trinitatis, amen Ego Gualterus, Dei gratia Tornacensium episcopus, cunctis fidelibus in perpetuum. Ad nostri curam regiminis cognoscimus pertinere non solum inter discordantes pacem reformare, uerum etiam seminaria discordiarum et controuersiarum causas manu pastoralis prouidentie penitus amouere quam ob rem arbitramur obsequium nos prestare Deo si pietatis studium gerendo que ad pacem spectant ecclesiarum nostre humilitati creditarum querimus iuraque earum litteris mandantes per presentia scripta ad posteros transmittimus. Notum igitur facimus tam futuris quam presentibus ecclesiam Sancti Petri Aldeburgensis, tempore Hermanni abbatis, multis debitis oneratam fuisse, non tamen propter aliquam superfluitatem sed propter acquisitionem cuiusdam terre que eidem ecclesie ualde utilis et admodum necessaria credebatur Quod quia ad illam Aldeburgenses propriis sumptibus non facile attingere ualebant, butirum quo abundabant uenale proposuerunt, ad quod aspirantes monachi Tornacenses copiosas expensas Aldenburgensibus ministrauerunt quibus se ex magna parte exonerauerunt predictamque terram suis usibus mancipauerunt. Nec ingrati Aldeburgenses collato sibi a Tornacensibus beneficio incontinenti octo pisas butiri probati beneualentis ponderisque legitimi, bono et communi assensu totius capituli sui ecclesie Sancti Martini Tornacensis perpetuo tenendas tradiderunt, assignauerunt scriptoque confirmauerunt quod singulis annis Kalendis Octobris remota omni praui ingenii occasione seu fraude sine dilatione soluere decreuerunt. Porro Tornacenses apud Aldenburch propter debitum pergere habent quibus Aldeburgenses butirum quidem sicut dictum est, sed nihil aliud pro expensis, nisi forte sederit animo eorum primo die ministrabunt. Uerum si culpa uel incuria aut negligentia Aldeburgensium amplius quam unum diem secundamque noctem Tornacenses apud debitores oportuerit demorari aut forte – quod absit – frustratos a debito contigerit ad propria reuerti morantibus ultra constitutum siue iterum euntibus uel redeuntibus nunciis et hominibus, Aldeburgenses Tornacensibus expensas et queque necessaria procurabunt. Ne autem ullo in tempore aliqua inferatur iniuria uel molestia ecclesie Sancti Martini super hac largitione de qua, precibus ipsius Aldeburgensis abbatis et monachorum eius, nos et canonicos nostros testes confitemur, omnimodis prohibemus huius facti turbatores uinculo anathematis innodantes donec resipiscentes pro arbitrio episcopi et abbatis Sancti Martini digne satisfaciant. Pacis igitur hostes ab iniustis calumpniis monimento pagine presentis arcemus cui impressam sigilli nostri imaginem appendimus quam etiam testimonio eorum quorum nomina subnotantur confirmando corroboramus. Signum Gualteri episcopi. S. Letberti decani. S. Eurardi, Roberti archidiaconorum. S. Symonis, Amulrici presbiterorum. S. Gualteri, Raineri, Thome diaconorum. S. Herbrandi, Lamberti, Henrici, Oliueri, Gossuini, Theoderici, Absalonis canonicorum. Actum Tornaci, anno Uerbi incarnati M° C° LXX°. Ego Letbertus, Dei gratia Tornacensis ecclesie cantor et cancellarius, legi et subscripsi.

Source	PYCKE J.-VLEESCHOUWERS C. 2014

TRADITION

Original	No
Manuscripts	Tournai, Archives de l'Etat [AE], Fonds Cartulaires 79 (1201-1300)
	Tournai, Archives de l'Etat [AE], Fonds Cartulaires 80 (1201-1300)
	Tournai, Archives de l'Etat [AE], Fonds Cartulaires 81 (1201-1300)

EDITIONS AND SECONDARY LITERATURE

Editions	WARNKOENIG L.A.. Flandrische Staats- und Rechtsgeschichte bis zum Jahre 1305, 3 vol., Tübingen, 1835-1842., n.46, p.135-136, LINK LINK LINK LINK LINK
	D'HERBOMEZ A.. Chartes de l'abbaye de Saint-Martin de Tournai (Publications de la Commission royale d'Histoire. Chroniques belges inédites. Series I in 4°), I, Bruxelles, 1898., 1, n.110, p.114, LINK LINK
	PYCKE J.-VLEESCHOUWERS C.. Les actes des évêques de Tournai (1146-1190). Episcopalis officii sollicitudo II, vol. 2 (Tournai – Art et Histoire, Instruments de travail, 22), Louvain-la-Neuve, 2014. , n.89, p.130-131,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.513, LINK LINK
	REUSENS E.. Les chancelleries inférieures en Belgique depuis leur origine jusqu'au commencement du XIIIe siècle, dans: Analectes pour servir à l'Histoire ecclésiastique de la Belgique, 26 (1895), p.20-206., p.190, LINK
	VLEESCHOUWERS C.-VAN MELKEBEEK M.. Le rôle de l'entourage des évêques de Tournai (1146-1300) dans la chancellerie épiscopale (avec relevé des sceaux), dans: Mémoires de la Société d'Histoire et d'Archéologie de Tournai, 2 (1981), p.7-80., p.21,