Diplomatica Belgica - Record 2275

DiBe ID

2275

ACTORS

Issuer(s)
(= author)

Function/title: pope
Name: Innocent II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Innocent II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Arnold abbot
Institution/jurisdiction: Zonnebeke
Diocese: Diocese Thérouanne
Principality: Flanders
Religious order: Arrouaise

DATE

Scholarly dating (preferential)	5/12/1142 (donnée par document / mentioned in document - )
Scholarly dating (any)	5/12/1142 (donnée par document / mentioned in document - ) Scholarly qualification: -
Date in the charter	5/12/1142
Place-date (in the text)	Laterani
Place-date (normalised)	Rome (Lateran) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	confirme ses possessions , ordonne de suivre la règle de saint Augustin de la congrégation d'Arrouaise et détermine le mode d'élection de l'abbé
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Innocentius episcopus seruus seruorum dei dilectis filiis Arnulpho Sinnebeccensi abbati eius fratribus tam praesentibus quam futuris regulariter substituendis in perpetuum. Apostolici moderaminis clementiae conuenit religiosos diligere et eorum loca pia protectione munire dignum namque et honestati conueniens esse cognoscitur ut qui ad ecclesiarum regimen assumpti sumus eas et a prauorum hominum nequitia tueamur et apostolicae sedis patrocinio foueamus. Eapropter dilecti in domino filii uestris iustis postulationibus clementer annuimus et beataę dei genitricis semper que uirginis Mariae ecclesiam in qua diuino mancipati estis obsequio sub beati- Petri et nostra protectione suscipimus et praesentis scripti priuilegio communimus statuentes ut quascumque possessiones quaecumque bona eadem ecclesia inpraesentiarum iuste et canonice possidet et in futurum concessione pontificum largitione regum uel principum oblatione fidelium seu aliis iustis modis deo propicio poterit adipisci firma uobis uestris que successoribus et illibata permaneant. Statuimus etiam ut ordo canonicus secundum beati- Augustini regulam et institutionem fratrum de Aridagamantia perpetuis in temporibus inuiolabiliter obseruetur. Prohibemus quoque ut nullus post factam ibidem professionem absque abbatis totius que congregationis permissione ex eodem claustro discedere audeat discedentem uero absque communi litterarum cautione nullus suscipiat. Obeunte uero te nunc eiusdem loci abbate uel tuorum quolibet successorum nullus in qualibet surreptionis astutia seu uiolentia praeponatur nisi quem fratres communi uel sanioris partis assensu secundum deum prouideant eligendum. Decernimus ergo ut nulli omnino hominum liceat praefatam ecclesiam temere perturbare aut eius possessiones auferre uel ablatas retinere minuere aut aliquibus uexationibus fatigare. Sed omnia integra conseruentur eorum pro quorum gubernatione uel sustentatione concessa sunt usibus omnimodis profutura salua diocesani episcopi canonica iustitia. Si qua igitur in futurum ecclesiastica saecularis ue persona hanc nostrae constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Iesu christi aliena fiat atque in extremo examine districtae ultioni subiaceat. Cunctis autem eidem loco iusta seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant. Amen. Datum Laterani per manum Gerardi sanctaę Romanae ecclesiae presbyteri cardinalis et bibliothecarii nonis decembris indictione 6 incarnationis dominicae anno domini 1142 pontificatus uero dompni Innocentii II papae anno 13.

Source	CALLEWAERT C. 1925

TRADITION

Original	No
Manuscripts	Bruges, Archief Groot Seminarie [A Gr. Sem.], Zonnebeke n1397 (1632)

EDITIONS AND SECONDARY LITERATURE

Editions	CALLEWAERT C.. Chartes anciennes de l'abbaye de Zonnebeke (Publications de la Société d' Emulation de Bruges), Bruges, 1925., n.7, p.12-13,
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.8247, p.903, LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.233, LINK LINK