Diplomatica Belgica - Record 2161

DiBe ID

2161

ACTORS

Issuer(s)
(= author)

Function/title: other
Name: Hugh I of Antoing
Institution/jurisdiction: Antoing
Diocese: Diocese Cambrai
Principality: Hainaut
Religious order:

Author(s) of the actio juridica

(= disposer)

Function/title: other
Name: Hugh I of Antoing
Institution/jurisdiction: Antoing
Diocese: Diocese Cambrai
Principality: Hainaut
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Tournai (S.Nicolas-des-Prés)
Diocese: Diocese Tournai
Principality: Tournaisis
Religious order: Arrouaise

DATE

Scholarly dating (preferential)	2/9/1190 (donnée par document / mentioned in document - )
Scholarly dating (any)	2/9/1190 (donnée par document / mentioned in document - ) Scholarly qualification: -
Date in the charter	2/9/1190
Place-date (in the text)	apud Antonium
Place-date (normalised)	Antoing (BELGIQUE, Région Wallonne, Hainaut) Diocese: Diocese Cambrai Principality: Hainaut

SUMMARY AND DESCRIPTION

Summary	confirme la vente du bois de Gaurain , faite par son père Alard II d'Antoing , ratifie ses propres donations et les exempte de tout impôt
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


-CRUX- In nomine sancte et indiuidue trinitatis. Amen. Uniuersorum christi fidelium tam modernorum quam et posterorum karitati innotescat quia ego Hugo de Antonio consentiente uxore mea Agnete nemus de Gauraing quod pater meus Alardus de Antonio ęcclesię beati Nicholai Tornacensis uenditioni exposuit et uendidit tametsi cum iure hereditario illud non contingat uerum de allodio uxoris eius matris mee scilicet Cecilie ei prouenerit ecclesię pretaxate libere et absolute possidendum concedo et confirmo. Illos etiam V bonarios terre quos ecclesię prefate contuli pro dampnorum recumpensatione que ego et frater meus Goselinus eidem irrogauimus liberos ab omni iure et exactione emancipatos in futurum designo. Quartam etiam partem bonarii terre in Petri ualle ad opus marle prenominate ecclesię in elemosinam erogaui. Preterea quidquid ecclesia beati Nicholai in ditione nostra hodie possidet sub protectione nostra uelut propria et ab omni exactione tam mea quam et posterorum meorum emancipata fideliter et integre conseruanda in perpetuum suscipimus. Nouerint etiam tam moderni quam et posteri quod portionem nemoris de Vesonio que predictam contingit ęcclesiam quam et ei a ceteris partibus separari satagi ad terram si uoluerit rediget arabilem si secus alium quemcumque cunseruabit in usum si forte ibidem ecclesia illa siluam enutriat forestorium pro uelle suo in custodiam adhibeat qui ligna et ferramenta a succisoribus quos nemori iniuriosos adinuenerit pretaxate auctoritate asportaret ęcclesie. Quod si forte malefactor indomabilis existat et ad domnum Hugonem uel ad eius successorem seu etiam ministrum fuerit delata querela quicumque eorum ęcclesię impotentiam suscipere et consummare tenetur hoc est penam malefactori iniungere debitam. Forestario etiam domni Hugonis nemoris iniuriosos si quos prior adinuenerit sua licebit auctoritate saluo iure ęcclesię uindicare. Si etiam ęcclesia prenominata hanc exuere possessionem uenditione uel commutatione disposuerit non nisi alii ęcclesię uel etiam laice persone que domno Hugoni subdita sit licere hoc conceditur. Ut etiam in perpetuum hec nostra donatio firma conseruetur sigilli nostri munimine et personis subscriptis ex nomine designatis in argumentum fidei utilitati sepedicte ęcclesię prouidentes ipsam signantes confirmauimus. Huius autem donationis testes sunt hii scilicet qui ei affuerunt. Signum domni Hugonis de Anthonio. Signum Agnetis uxoris eius. Signum domni Eustachii abbatis. Signum Iohannis Gossuini canonicorum. Signum Roberti Nicholai item Nicholai Theoderici presbyterorum. Signum Seruatii Guillermi Lamberti diaconorum. Signum Leonis Radulfi Gilleberti canonicorum. Signum Nicholai de Caldri Garini Egidii militum. Signum Flocati Gualtheri Goselini seruientium domni Hugonis et ceterorum quam plurium. Actum anno M° C° LXXXX° uerbi incarnati indictione VIII-a apud Antonium IIII° nonas septembris. Pax domini omnibus hanc pactionem seruantibus et omnibus eam scienter uiolantibus anathema domini Iesu.

Source	VOS J. 1873

TRADITION

Original	Yes Tournai, Archives de la Cathédrale, S.Nicolas-des-Prés A/24
Manuscripts	Tournai, Archives de la Cathédrale, Cartulaire B 1 (1201-1300)

EDITIONS AND SECONDARY LITERATURE

Editions	VOS J.. L' abbaye de Saint-Médard ou de Saint-Nicolas-des-Prés près de Tournai, II (Cartulaire), dans: Mémoires de la Société historique et littéraire de Tournai, 12 (1873), p.1-383., n.54, p.104-106, LINK
Secondary literature	PYCKE J.-VAN EECKENRODE M.. Inventaire du chartrier et des archives de l'abbaye tournaisienne de Saint-Nicolas-des-Prés (1126-1795) reposant aux "Archives et Bibliothèque de la cathédrale de Tournai" (Tournai - Art et Histoire. Instrument de travail, 10), Tournai-Louvain-la-Neuve, 2008., n.A/24, p.23,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.369, LINK LINK