Diplomatica Belgica - Record 2136
DiplomataBelgica
Search | Tradition Search
DiBe 1 of 1
return to all results
DiBe ID 2136
ACTORS
Issuer(s)
(= author)
Function/title:  monastic house
Name:  Herimannus abbot
Institution/jurisdiction:  Floreffe

Diocese:  Diocese Liège
Principality: Namur
Religious order:  Premonstratensians
Function/title:  monastic house
Name:  Bernard prior and Arnold subprior
Institution/jurisdiction:  Floreffe

Diocese:  Diocese Liège
Principality: Namur
Religious order:  Premonstratensians

Author(s) of the actio juridica 

(= disposer)

Function/title:  lord (of a seigniory)
Name:  Enguerrand
Institution/jurisdiction:  Orbais

Diocese:  Diocese Liège
Principality: Brabant (Leuven)
Religious order: 
Beneficiary(ies)

(= recipient)

Function/title:  monastic house
Name: 
Institution/jurisdiction:  Floreffe

Diocese:  Diocese Liège
Principality: Namur
Religious order:  Premonstratensians
DATE
Scholarly dating
(preferential)
//1185 (donnée par document / mentioned in document - )
Scholarly dating
(any)
//1185 (donnée par document / mentioned in document - ) Scholarly qualification: -
Date in the charter
//1185

Place-date

(in the text)

Place-date

(normalised)


Diocese: 
Principality: 
SUMMARY AND DESCRIPTION
Summary font savoir qu'Enguerrand a légué le moulin d'Odenge (Orbais) , la moitié de la brasserie et les cens d'Orbais , son alleu de Soleilmont (Gilly) et ses droits sur l'église de Fleurus
Description
Language: Latin
Authenticity: unsuspected document Textual tradition: copy (records)
Nature of the charter: charter
FULL TEXT OF CHARTER
In nomine sancte et indiuidue trinitatis. Quoniam obliuioni et neggligentie obnoxia est humana conditio nec facile preteritorum recolit nisi scriptorum iuuetur beneficio ego Hermanus dei gratia Floreffiensis abbas Bernardus prior Arnulphus supprior et totus eiusdem ecclesie conuentus necessarium duximus per presentia scripta tam presentium quam futurorum tradere notioni quod dominus Iniorandus de Orbais miles egregius uir potens et nobilis ad extrema uite ueniens iam que morti proximus ecclesie nostre Floreffiensi quam in uita sua plurimum dilexerat coluerat et in matrem spiritualem locum que sepulture elegerat pie recordatus est nulla que suggestione humana sed solius inspirationis diuine instructus consilio presentibus Alberto abbate Helencinense et matre ipsius Ida et uxore eius Berta matre quoque ipsius Berte Amphilisia et fauorabiliter consentientibus cum omnibus qui aderant molendinum suum de Odengis dimidiam cambam et quicquid census tenebat tunc in uilla de Orbais cuius summa in solidis L monete Louaniensis colligitur totum que allodium suum de Solrelmont et quicquid partis habebat in ecclesia de Flerues eidem ecclesie nostre pro remedio anime sue et animarum omnium antecessorum et successorum iure perpetuo possidenda in beneficium elemosine libere et integre contradidit et legitime affectauit quam etiam affectationem uxor ipsius Iniorandi et mater ab obsequio sepulture eiusdem nobilis uiri reuerse in presentia totius conuentus nostri et frequentia tam nobilium quam de familia qui copiose confluxerant coram altari beate dei genitricis innouauerunt et promptissima deuotione confirmauerunt super que ipsum maius altare ecclesie nostre elemosinam prescriptam unanimi fauore deponentes obtulerunt statim que et in ipsa hora ad ualidius munimentum elemosinam ipsam manibus Radulphi Leodiensis episcopi et Henrici comitis Namucensis aduocati nostri nobis tuendam et conseruandam imponentes commiserunt nam ad obsequium tanti uiri tam dolendi funeris die eodem pariter conuenerant. Verum ne tanti uiri tam liberalis elemosina quam supra descripsimus preter uotum ipsius in usus quibus eam non assignauerat aliquando detorquiri posset dum adhuc uiueret liberum que disponendarum rerum haberet arbitrium talem ex consultu diuino et nostro omnium unanimi assensu elemosine sue distributionem prouidit et hiis eam assignauit usibus tali que modo ordinauit quo potissimum saluti anime ipsius proficeret et eius apud posteros memoriam iugiter innouaret nec posset unquam ipsius subripere obliuio si ex representatione beneficii orantium pro se incitaretur deuotio semper que cresceret unde etiam corpus suum in ecclesia nostra ubi frequentior conuentui per ipsum transitus esset sepeliri mandauit ut eum apud diuinam pietatem commendaret et electi humilitas loci et transeuntium deuotio. Primum igitur luminari quod in ecclesia nostra constituerat ad honorem cultus diuini X-cem solidos de censu de Orbais distribuit et generali refectioni fratrum tam clericorum quam laicorum in die anniuersarii sui qui pridie nonas septembris annuatim sollempniter recoli debet duas marcas de censu eodem delegauit missam que pro animabus fidelium defunctorum in ecclesia nostra cotidie celebrari instituit et quicquid beneficii de parte ecclesie de Flerues quam nobis tradiderat proueniret tribus annuis sollempnitatibus natali pascha pentechosten in potum uini conuentui deputauit ita tamen ut si in cellario suo uinum conuentus habuerit prima et precipua die predictarum sollempnitatum de suo sibi sicut iustum est accipiat sequenti uero die beneficium elemosine pro animo benefactoris orationes habeat. Quod si in ecclesia uinum defuerit prime diei elemosina seruiat quidquid uero hiis que preordinata sunt completis de censu uel redditibus cambe et molendini supercreuerit in dispositione nostra dereliquit decem preterea solidos quos pro matertera sua domina Milesende de Gurnai nobis ante reliquerat in anniuersario ipsius Milesendis refectioni conuentus attitulauit. Huius igitur elemosine iamdicti nobilis uiri affectationem rationabiliter factam et inconuulsa roboratam ipsius que distributionem uel assignationem diuini inspiratione consilii et nostro omnium consono fauore prudenter ordinatam nostris que et successorum nostrorum utilitatibus iugiter profuturam tam nostri sigilli quam domini comitis Namucensis qui noster et defensor et aduocatus est uel etiam ipsius domini Ingelrandi auctoritate necessarium duximus communire et firmitate perpetua roborare ut nulli deinceps successorum non solum extraneorum sed etiam nostrorum tam prelatorum quam subditorum liceat infirmare uel immutare quod communi consilio et assensu et ad communem profectum ordinate firmatum et firmiter ordinatum est. Ceterum quoniam ad conuellenda statuta maiorum princeps interdum et temeraria est presumptio plurimorum ad roborandum presens scriptum et compescendos ausus temerarios diuine quoque animaduersionis superponimus manum auctoritate patris et filii et spiritus sancti excommunicantes et a consortio sancte matris ecclesie separantes omnes qui de prelibata elemosina nobis ui uel dolo
Source BARBIER V. 1892
EDITIONS AND SECONDARY LITERATURE
Editions
BARBIER V.. Histoire de l'abbaye de Floreffe de l'Ordre des Prémontrés, 2 vol. (Tome I : Histoire. - Tome II : Documents), 2e éd., Namur, 1892., n.61, p.41-43,
Secondary literature WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.274, LINK LINK

 

Collaborator: Philippe Demonty