Diplomatica Belgica - Record 2101

DiBe ID

2101

ACTORS

Issuer(s)
(= author)

Function/title: bishop
Name: Walter I
Institution/jurisdiction: Tournai
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: advocate/ecclesiastical advocate
Name: Gossuin
Institution/jurisdiction: Tournai
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Tournai (S.Martin)
Diocese: Diocese Tournai
Principality: Flanders
Religious order: Benedictines

DATE

Scholarly dating (preferential)	//1169 (donnée par document / mentioned in document - )
Scholarly dating (any)	//1169 (donnée par document / mentioned in document - ) Scholarly qualification: -
Date in the charter	//1169
Place-date (in the text)	Tornaci
Place-date (normalised)	Tournai (BELGIQUE, Région Wallonne, Hainaut) Diocese: Diocese Tournai Principality: Flanders

SUMMARY AND DESCRIPTION

Summary	confirme la vente , faite par Gossuin , du moulin du Fossé à Tournai
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


In nomine patris et filii et spiritus sancti amen. Ego Gualterus dei gratia Tornacensis episcopus cunctis fidelibus in perpetuum. Considerantes attentius illam apostoli sententiam qua dicit: quandiu gentium ero apostolus ministerium meum honorificabo et eandem formam magnopere nobismet imprimere gestientes credimus ad honorem ministerii nostri pertinere possessiones ampliare ampliatas tueri et defensare. Notum igitur facimus presentibus atque futuris quod Gossuinus filius Galteri aduocatus quoddam molendinum apud Tornacum quod dicitur de Fossato de episcopo Tornacensi iure hereditario tenebat in feodo. Qui Gotsuinus Hierosolimam proficisci sanctum que adire sepulchrum desiderans sed ad iter tantum sumptus sibi deesse considerans prefatum molendinum uenale proposuit. Quod quia absque licentia domini de quo illud tenebat fieri non potuit uix tandem iugi precum instantia proximorum et amicorum propriis que precibus optinuit ut molendino molendini que fructibus ipse Gossuinus exueretur et remota totius mali ingenii occasione tam molendino quam eius fructibus ecclesia sancti Martini inuestiretur. Res sicut erat nuda michi apparuit et ego rei ueritatem aperio cunctis. Predictus Gotsuinus de caritate ecclesie sancti Martini nouies uigenas marcas quatuor minus accepit molendinum episcopo libere reddidit. Et quia Tornaco absens erat episcopus per manum nostram qui tunc temporis ecclesie decanatum tenebam et postea diuino fauore in presulem promotus sum sigillatis litteris molendinum libere a se receptum similiter libere perpetuo possidendum prefate ecclesie sancti Martini in elemosinam ex sua parte dari mandauit. Et factum est ita abbate et monachis sancti Martini conuenientibus in capitulum sancte dei genitricis Marie uidentibus et audientibus hoc clericis et laicis iuratis et scabinis ciuitatis. Quod etiam ipse episcopus Ansellus postmodum rediens nobis presentibus uiua uoce confirmauit. De hac igitur quam suprataxauimus elemosina si quis uiolentiam iniuriam uel aliquam fraudem sepefate ecclesie presumpserit inferre nouerit in presenti scripto aduersum se calamum nostrum uigilare quo eum perpetuo anathematis uinculo innodamus donec resipiscens pro arbitrio episcopi et abbatis digne satisfaciat. Nos uero eandem elemosinam acclamantes legitime factam approbamus et presenti pagina confirmamus quam sigilli nostri impressione communimus atque testium idoneorum annotatione corroboramus. Signum Gualteri episcopi. Signum Letberti decani. Signa- Eurardi Roberti archidiaconorum. Signa- Symonis Amolrici presbiterorum. Signa- Gualteri Raineri Thome diaconorum. Signa- Henrici Oliueri Gotsuini subdiaconorum. Signa- Herbrandi Lamberti Theoderici canonicorum. Signum Gonteri decani. Actum Tornaci anno uerbi incarnati millesimo centesimo sexagesimo nono. Ego Letbertus dei gratia Tornacensis ecclesie cantor et cancellarius legi et subscripsi.

Source	D'HERBOMEZ A. 1898

TRADITION

Original	No
Manuscripts	Tournai, Archives de l'Etat [AE], Fonds Cartulaires 79 (1201-1300)
	Tournai, Archives de l'Etat [AE], Fonds Cartulaires 80 (1201-1300)
	Tournai, Archives de l'Etat [AE], Fonds Cartulaires 81 (1201-1300)

EDITIONS AND SECONDARY LITERATURE

Editions	D'HERBOMEZ A.. Chartes de l'abbaye de Saint-Martin de Tournai (Publications de la Commission royale d'Histoire. Chroniques belges inédites. Series I in 4°), I, Bruxelles, 1898., 1, n.106, p.109-110, LINK LINK LINK
	PYCKE J.-VLEESCHOUWERS C.. Les actes des évêques de Tournai (1146-1190). Episcopalis officii sollicitudo II, vol. 2 (Tournai – Art et Histoire, Instruments de travail, 22), Louvain-la-Neuve, 2014. , n.84, p.123-124,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.231, LINK LINK
	VLEESCHOUWERS C.-VAN MELKEBEEK M.. Le rôle de l'entourage des évêques de Tournai (1146-1300) dans la chancellerie épiscopale (avec relevé des sceaux), dans: Mémoires de la Société d'Histoire et d'Archéologie de Tournai, 2 (1981), p.7-80., p.20,