Diplomatica Belgica - Record 2054

DiBe ID

2054

ACTORS

Issuer(s)
(= author)

Function/title: pope
Name: Eugene III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Eugene III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Gerard abbot
Institution/jurisdiction: Tournai (S.Nicolas-des-Prés)
Diocese: Diocese Tournai
Principality: Flanders
Religious order: Arrouaise

DATE

Scholarly dating (preferential)	21/5/1147 (donnée par document / mentioned in document - )
Scholarly dating (any)	21/5/1147 (donnée par document / mentioned in document - ) Scholarly qualification: -
Date in the charter	21/5/1147
Place-date (in the text)	Parisiis
Place-date (normalised)	Paris (FRANCE, Île-de-France, Paris) Diocese: Archbishopric Sens Principality: France

SUMMARY AND DESCRIPTION

Summary	confirme les possessions de l'abbaye (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Eugenius episcopus seruus seruorum dei dilectis filiis Gerardo abbati sancti Nicolai de pratis eius que fratribus tam presentibus quam futuris regularem uitam professis in perpetuum. Desiderium quod ad religionis propositum et animarum salutem pertinere monstratur auctore deo est sine aliqua dilatione complendum. Quocirca dilecti in domino filii uestris iustis postulationibus clementer annuimus et prefatam ecclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo canonicus secundum regulam beati Augustini et constitutionem fratrum sancti Nicolai de Arida Gamantia perpetuis ibi temporibus inuiolabiliter obseruetur. Preterea statuentes ut quascumque possessiones quecumque bona prefata ecclesia inpresentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis deo propitio poterit adipisci firma uobis uestris que successoribus et illabata permaneant. In quibus hec propriis nominibus duximus exprimenda locum ipsum in quo prenominata ecclesia sita est et terras arabiles circa Tornacum terram circa uiuum fontem apud Castrecin allodium et curtem cum terris adiacentibus et decimam pecorum uestrorum de ecclesia sancti- Martini pro censu duorum solidorum iuxta eamdem curtem pratum et septem bonaria terre que Alardus Despelcin contulit ecclesie uestre in elemosinam item allodium terram quam Gerulphus de Wals contulit ecclesie uestre item allodium quod quedam uidua nomine Beatrix et filii sui et filie contulerunt ecclesie uestre apud Rosbais redditus duorum modiorum frumenti in pago braibatensi curtem cum terris adiacentibus et decimam pecorum uestrorum de ecclesia Antoniensi pro censu septem solidorum iuxta eamdem curtem pratum quod dedit ecclesie uestre Gualterus de Antonio apud uillam que dicitur Wieres allodium in silua et terra arabile terram apud Landast allodium apud Senghin pratum apud Phelines terram ad Huberti locum. Decernimus ergo ut nulli omnino hominum liceat prefatum locum temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integra conseruentur eorum pro quorum gubernatione et sustentatione concessa sunt usibus omnimodis profutura salua sedis apostolice et diocesani episcopi canonica iustitia. Si qua igitur ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini nostri Iesu christi aliena fiat et in extremo examine districte ultioni subiaceat. Cunctis autem eidem loco iusta seruantibus sit pax domini nostri Iesu christi quatenus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. Datum Parisiis per manum Hugonis presbiteri cardinalis gerentis uices domini Guidonis sancte Romane ecclesie diaconi cardinalis et cancellarii XII° kalendas iunii indictione X-a incarnationis dominice anno millesimo centesimo quadragesimo septimo pontificatus uero domini Eugenii pape tertii anno tertio.

Source	VOS J. 1873

TRADITION

Original	No
Manuscripts	Tournai, Archives de la Cathédrale, Cartulaire B 1 (1201-1300)

EDITIONS AND SECONDARY LITERATURE

Editions	VOS J.. L' abbaye de Saint-Médard ou de Saint-Nicolas-des-Prés près de Tournai, II (Cartulaire), dans: Mémoires de la Société historique et littéraire de Tournai, 12 (1873), p.1-383., n.12, p.25-27, LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.9054, p.42, LINK LINK LINK LINK LINK LINK LINK
	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.9054, p.718, LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.245, LINK LINK