‹
›
return to all results
| DiBe ID | 2030 |
| ACTORS |
|
Issuer(s)
(= author) |
Function/title:
bishop Name: Henry of Leez Institution/jurisdiction: Liège Diocese: Diocese Liège Principality: Liège Religious order: |
|
Author(s) of the actio juridica (= disposer) |
Function/title:
lord (of a seigniory) Name: Otto I Institution/jurisdiction: Trazegnies Diocese: Diocese Liège Principality: Brabant (Leuven) Religious order: |
|
Function/title:
other Name: Helwidis of Rèves Institution/jurisdiction: Trazegnies Diocese: Diocese Liège Principality: Brabant (Leuven) Religious order: |
|
|
Beneficiary(ies)
(= recipient) |
Function/title:
monastic house Name: Institution/jurisdiction: Floreffe Diocese: Diocese Liège Principality: Namur Religious order: Premonstratensians |
| DATE |
|
Scholarly dating
(preferential) |
//1163 (approximation - BARBIER) |
|
Scholarly dating
(any) |
//1163 (approximation - BARBIER) Scholarly qualification: - |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | approuve la cession , par Otton I et Helwidis, son épouse , de la dîme de Herlaimont (Chapelle-lez-Herlaimont) , contre une rente annuelle de trente marcs |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine sancte et indiuidue trinitatis. Ego Henricus dei gratia Leodiensis episcopus notum facio tam presentibus quam futuris quod Hosto Trasiniensis dominus ac eius uxor Heluidis diuina inspiratione admoniti pro salute animarum suarum et parentum suorum elemosinam facere decreuerunt. Conuenientes igitur dominum abbatem Floreffiensem G-- consilio amicorum suorum tradiderunt ecclesie Floreffiensi locum quendam desertum qui dicitur Herlamont cum terra inter Pintonem et uiam que calciata dicitur adiacente partim in elemosinam partim pro XXX marcis sibi ab ecclesia datis. Volentes etiam et petentes in eodem loco diuinum fieri seruicium decimam totam et integram et absque ullius sectione portionis tam in animalibus quam in cunctis agris ad curiam de Herlamont siue ad allodium Trasiniense pertinentibus inter Pintonem et regium iter quod calciatam uocant iacentibus prefate ecclesie contulerunt. Hoc igitur opere bono perfecto a uita presenti recesserunt et heredem paruulum Gilonem nomine sibi reliquerunt. Ipse uero miles terre que sue possessor factus decimam prauorum usus consilio calumpniauit sed a pluribus ammonitus et correctus super iniustitia que de decima illa ecclesie illata erat dominum G-- abbatem Floreffiensem conuenit in curia de Herlamont et ne patris et matris sue anime beneficio quod dederant fraudarentur quicquid ab eis factum fuerat benigno recognouit et in presentia comitis Namucensis H-- et B-- Hainoensis ac nobilium et aliorum qui aderant donum predicte elemosine et affectationis patris et matris sue iure consuetudinario confirmauit et hoc idem postea in presentia archidyaconi Almarici et Henrici decani et multorum qui concilio aderant fecit. Dehinc etiam ut hec firma et inconcussa haberentur idem Gilo ad ecclesiam Floreffiensem ueniens quod fecerat reiterauit et refirmauit pro quo XXXVI marcas ab ipsa ecclesia suscepit terragium quoque Walteri de Capella et VI denarios quos habere debebat census de tribus bonuariis terre et unum pro prato ecclesie absolute donauit. Hiis ergo modo quo dictum est pactis Walterus de Fontaines in comitatu et auxilio habens ipsum Gilonem uillam de Fraxinis depredatus est. Pro ea ergo preda a monachis excommunicatione facta Gilo quia impidiri ex hoc animam suam timuit XI libras Valencinenses eis dare promisit quas morte preoccupatus non soluit. Ducto ergo eo Herlamont et in presentia cognatorum et amicorum funus eius de more prosequentium affuerunt et monachi Fraxinenses domno que abbati G-- ne ei officium sepulture impenderet nisi eis promissum debitum solueretur prohibuerunt. Quod audientes pater uxoris ipsius Gilonis Henricus et Euerardus auunculus eius ceteri que amici eorum anxiari plurimum ceperunt sed tandem predictum abbatem G-- adeuntes summopere rogauerunt ut amorem quem erga uiuum habuit nec erga defunctum ostenderet nec pateretur ut tantus uir et amicus suus sepultura decente et honorabili careret. Abbas igitur condolens tante necessitati illas XI libras monachis soluit. Quapropter uxor eiusdem Gilonis- suggerentibus patre et auunculo ceteris que omnibus pro remedio anime mariti et honore quem ei domnus abbas impenderat altare de Trasineis cum omni minuta decima et tercia parte decime segetarie in manum abbatis posuit et werpiuit memoratam decimam cum omnibus predictis et cum censu molendini sub curia siti duobus scilicet Namucensibus solidis et VII denariis censu uidelicet unius prati et XX denarios terre cuiusdam quam homines quidam de Carniris colunt. Huius actioni interfuerunt testes que adhibiti sunt uiri nobiles et liberi multi cum pluribus militibus quorum hec sunt nomina Henricus de Laudines Euerardus de Roeuia et filius eius Walterus et al nepos eius Symon de Secellia Henricus de Birbais Cono de alta ripa ripa Wido de Fontibus et filii eius Walterus Franco de Fontibus et frater eius Gislebertus Walcherus de Sillei Henricus et frater eius Hywenus de Heruethes Robertus de Carniris et filii eius Robertus Balduinus de montibus Henricus de Nathe. | |
| Source | BARBIER V. 1892 |
| TRADITION |
| EDITIONS AND SECONDARY LITERATURE |
|
Editions
|
BARBIER V.. Histoire de l'abbaye de Floreffe de l'Ordre des Prémontrés, 2 vol. (Tome I : Histoire. - Tome II : Documents), 2e éd., Namur, 1892., n.40, p.24-25, |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.215, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
