‹
›
return to all results
| DiBe ID | 1929 |
| ACTORS |
|
Issuer(s)
(= author) |
Function/title:
duke/duchess Name: Godfrey III Institution/jurisdiction: Brabant Diocese: Diocese Cambrai Principality: Brabant (Leuven) Religious order: |
|
Author(s) of the actio juridica (= disposer) |
Function/title:
duke/duchess Name: Godfrey III Institution/jurisdiction: Brabant Diocese: Diocese Cambrai Principality: Brabant (Leuven) Religious order: |
|
Beneficiary(ies)
(= recipient) |
Function/title:
monastic house Name: Institution/jurisdiction: Forest Diocese: Diocese Cambrai Principality: Brabant (Leuven) Religious order: Benedictines |
| DATE |
|
Scholarly dating
(preferential) |
//1145 (donnée par document / mentioned in document - ) |
|
Scholarly dating
(any) |
//1145 (donnée par document / mentioned in document - ) Scholarly qualification: - |
|
Date in the charter
|
//1145 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | confirme à l'abbaye la possession de ses biens et privilèges (énumération) |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine sancte et indiuidue trinitatis. Ego Godefridus dei miseracione dux et marchio lotharingie uocem apostolicam audiens salubriter exhortantem dum tempus habemus operemur bonum ad omnes maxime autem ad domesticos fidei ancillas dei in ecclesia Forestensi deo et sancte Marie deuote seruientes transitorie et caduce hereditatis mee participes disposui ut heredum dei et coheredum christi merear in futuro consorcio copulari. Quia enim prefata ecclesia in confinio mee potestatis sita a me atque auo et patre meo libertate donata deo incrementum dante tam sororum numero quam religionis testimonio in breui plurimum creuit congaudens eius prouectui et cooperari uolens profectui contra malorum infestacionem pro posse et nosse illam honorare exaltare ac munire dignum duxi. Ueniens igitur ad altare sancte Marie cum matre et cum magna hominum meorum liberorum ac seruorum multitudine astantibus eciam eiusdem ecclesie fratribus et sororibus quidquid immunitatis seu libertatis auus et pater meus iam antea donauerant coram hominibus meis renouando iteraui. Quicquid eciam ex meo allodio uel empcione uel hominum meorum collatione acquisierant cum omni usu iure et seruicio ad ipsam terram pertinente in siluis pratis aquis et pascuis libere tradidi. Ut autem tam a me quam ut prediximus a parentibus meis ecclesie collata quedam breuiter perstringam terram Nycolay de Hocekerche curti de Waterlos adiacentem partim pro filie sue susceptione partim pecunie largicione a fratribus conquisitam michi que sub tocius curie mee testimonio in manibus redditam liberaliter ecclesie contuli. Terram eciam que curti de Lentholth adiacet cum castellanus uendidisset et michi ad opus ecclesie in manus reddidisset sancte Marie delegaui. Terre insuper Lamberti de Nothengem et fratrum eius Ingelberti de Atrio Gozuini Godefridi item Gozuini nepotum eius et omnium coheredum ipsorum Franconis et bolen et fratrum eius memorati cenobii fratribus uendite michi que coram hominibus meis reddite sanctam Mariam heredem feci terram apud Bolenbeke sitam Waltero Grimbergensi castellano seruos et ancillas dei iniuste inquietanti nunc coram potestate seculi iure seculari nunc coram episcopo iudicio synodali sepius abiudicatam ego quoque abiudicaui et prefate ecclesie libere et quiete perpetuo possidendam delegaui. Preterea quidquid in terra potestatis mee aui uel patris uel mei ipsius tempore ecclesia legitime conquisiuit super altare sancte Marie posui nichil dominacionis seu uiolente potestatis super ipsum locum michi retinui contra malefactores uero christo ibi famulancium aduocatum iudicem et uindicem ac si pro anima mea me pro eis opponendum recognoui. Nec fas sit in posterum ulli successorum ad hoc exequendum aliquem persone sue uicarium subrogare. Sed quicumque dominatum tocius terre Brabantensis optinuerit ipse michi sicut honore et potestate ita beniuolencia et affectu ad defensionem ecclesie succedere debere se nouerit. Que ut tam presencium quam futurorum possent noticie commendari nec aliquorum improba temeritate ualerent in posterum uiolari scripto ea mandari sigilli mei impressione ac idoneorum testium astipulacione roborari feci. Testes Iwain de Alost Arnulfus de Aldenarden Walterus de Teneremundis Leonius et duo filii eius Antonius et Leonius Arnulfus de Asca Walterus et Rabbodo de Crainem Walterus de Campenholt et frater eius Giselbertus splentre Arnulfus dapifer et frater eius Godefridus Reinzo de Tyldunc Gerardus de Hildeberg Lambertus de Sauenten Gozuinus de Holthem Gozuinus clutync Gozuinus clybync Henricus pedagogus. Acta sunt autem hec anno dominice incarnationis M° C° quadragesimo quinto indictione octaua. | |
| Source | DE MARNEFFE E. 1894 |
| TRADITION |
| EDITIONS AND SECONDARY LITERATURE |
|
Editions
|
DE MARNEFFE E.. Cartulaire de l'abbaye d'Afflighem et des monastères qui en dépendaient (1086-1245) (Analectes pour servir à l'Histoire ecclésiastique de Belgique, IIe Section: Cartulaires et documents étendus), Louvain, 1894-1901., n.74, p.114-116, |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.166, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.255, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
