‹
›
return to all results
| DiBe ID | 1827 |
| ACTORS |
|
Issuer(s)
(= author) |
Function/title:
duke/duchess Name: Henry I Institution/jurisdiction: Brabant Diocese: Diocese Cambrai Principality: Brabant (Leuven) Religious order: |
|
Author(s) of the actio juridica (= disposer) |
Function/title:
duke/duchess Name: Henry I Institution/jurisdiction: Brabant Diocese: Diocese Cambrai Principality: Brabant (Leuven) Religious order: |
|
Beneficiary(ies)
(= recipient) |
Function/title:
monastic house Name: William I abbot Institution/jurisdiction: Affligem Diocese: Diocese Cambrai Principality: Brabant (Leuven) Religious order: Benedictines |
| DATE |
|
Scholarly dating
(preferential) |
//1198 (donnée par document / mentioned in document - ) |
|
Scholarly dating
(any) |
//1198 (donnée par document / mentioned in document - ) Scholarly qualification: - |
|
Date in the charter
|
//1198 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | confirme à l'abbaye ses biens et ses privilèges (énumération) |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| Henricus dei gratia dux lotharingię uniuersis christi fidelibus tam futuris quam modernis in perpetuum. Qui deo auctore a quo secundum apostolum omnis est potestas in potestate et sublimitate nos recognoscimus esse constitutos hanc deo uicissitudinem debemus ut qui in eius seruitio sunt deuoti inter mundi aduersa tranquillam per nos obtineant pacem et a timore infestantium securitatem. Eapropter ad petitionem dilectorum meorum Willelmi abbatis et fratrum monasterii Haffligeniensis quod in meo et prędecessorum meorum allodio constructum est possessiones immunitates libertates et confirmationes quas pater meus dux Godefridus eius que antecessores Godefridus dux auus eius aui que frater comes Henricus eidem monasterio contulerunt secundum formam in eorum scriptis auctenticis expressam ratas esse uolo et inconuulsas permanere. Et ad faciendam cunctis in futurum sęculis huius rei euidentiam quędam ex illis dignum duxi exprimere nominatim et cum pręfatis antecessoribus meis singulorum me auctorem designare. Idem monasterium abbatis electionem liberam fateor habere et abbatię inuestituram abbati a nullo aduocato uel principe esse petendam uel accipiendam aduocatiam monasterii et omnium bonorum eius ubicumque fuerint in terra mea nemini possum committere uel infeodare. Set qui Louaniensem comitatum hęreditaria successione tenuerit liber erit et solus monasterii aduocatus pro ministerio aduocatię suę solam ęternę uitę retributionem expectaturus. Omnes agri monasterii siue a fratribus siue a sęcularibus colantur ab exactione garbarum per terram meam liberi sunt et immunes. Fratres per totam terram meam a theloneo sunt liberi et liberam emendi aliena et uendendi sua habent potestatem. Si ab aliquo iniuriam perpessi fuerint uel in se uel in bonis suis paratus ero ad eorum defensionem. Et omnes eorum causas postquam ad me perlatę fuerint ut proprias causas solo diuini amoris intuitu tractare debebo. Homines peregrini de aliis prouinciis uenientes si eos fratres uel in claustro uel alibi conduxerint quamdiu in eorum fuerint seruitio ipsi et bona eorum tam in morte quam in uita ad fratrum dominium pertinebunt. Soli fratres de eis poterunt iudicare. Et si causę eorum fratrum uires excesserint solus monasterii inde poterit iudicare aduocatus. Talibus quoque hominibus si fratres agros suos ad colendum locauerint nulli inde nisi monasterio seruient. Ipsi que et bona eorum tam in morte quam in uita ad monasterium pertinebunt sicut in proaui mei ducis Godefridi priuilegio expressum continetur. Denique in parrochia Genapię quęcumque bona ex dono Idę Boloniensis comitissę et filiorum eius Godefridi et Balduini monasterium possidet et iuris usuarii libertatem qua ex eorumdem dono hucusque gauisum est sicut in eorum scripto auctentico continetur eidem monasterio ut iustum est recognosco. Sciendum pręterea quod idem monasterium diuersis temporibus diuersis in locis bona diuersa acquisiuit quę singillatim propter sui paruitatem digna non erant sigillo meo confirmari. Ne autem per hoc calumpniantibus ad perturbandam quiętem seruorum dei facilis pateret accessus et ut monasterium perpetuam contra infestantes per me habere posset defensionem eorumdem bonorum diuersitatem exquisitę ueritatis patrocinio commendatam in memoriali paginę pręsentis summatim uolui colligere et necessarię confirmationis decretum adhibere. In pręlibata itaque Genapię parrochia quatuor bonaria terrę Macharius et Reinaldus pro animabus fratris sui Gaimari matris que suę parum plus uel minus monasterio et fratribus contulerunt. Et quia de Balduino de Genapia tenebantur idem Balduinus ea michi in manus reddidit. Et ego abbati et fratribus in elemosinam dedi. Apud Ossengem Falia de Strumbeka Arnulfus de Ossela et Iwainus de Eppengem octo bonaria allodii eis uendiderunt. Item quinque bonaria allodii Henricus senten et filius eius Egelbertus uendiderunt. Henricus de Strumbeca undecim bonaria allodii eis uendidisse dinoscitur. Apud Lachen Godefridus de Calmont octo bonaria allodii. Odila et filii eius Henricus et Alardus duo bonaria et dimidium allodii in prato Geldulfus de Ganshoren et pueri eius quinque bonaria de ecclesię Lachensis allodio eis uendiderunt. Bernerus quoque de Leuedale et Walterus frater eius in eadem uilla duodecim bonaria allodii in elemosinam eis dederunt. Tria etiam bonaria de eodem allodio Ludouuicus et Robbertus de Leodio cum uxoribus suis Margareta et Damina illis uendiderunt. Et de eodem allodio Gozuinus filius Helsueldis unum bonarium et dimidium eis uendidit. Item Iohannes de Henbeca filius Philippi uendidit eis portionem terrę et tradidit per manum Leonii de A de quo eam tenebat. Rodulfus quoque de Ossengem et Theodoricus filius eius consentiente Rodulfo iuniore filio Rodulfi tria bonaria terrę per manum meam eis in elemosinam dederunt. Item Adam de Ophem Paridanus et Walterus fratres eius et soror eorum pueri que sororis consentientibus auunculis eorum Waltero de Wambelna et Iwaino de Radelgem mansum unum unum allodii apud Sellecam in omni iure quo eum tenuerant eisdem fratribus uendiderunt et per manum meam tradiderunt et super omnia bona sua me fideiussorem statuerunt. Quod si aliqua inposterum querela super eodem manso contra fratres oriretur se opponere et querelam auferre deberent. In parrochia de Mercten Sigerus Hobosc pro anima uxoris suę dedit eis in elemosinam quatuor bonaria terrę quę de dote ecclesię in eius deuenerant possessionem. Arnulfus etiam de Spelt cognomento hircus quatuor bonaria allodii apud Cobbengem Hafflengem moriturus ueniens et uxor sua Aua unum bonarium apud Mercten in elemosinam eis dederunt. Hęc igitur omnia et quęcumque alia antecessorum meorum priuilegiis constat esse concessa et firmata ut Haffligeniensi monasterio rata semper et inconuulsa permaneant nec temere a quoquam infringi ualeant et perturbari scripto pręsenti communiui et testium adhibita subscriptione sigilli mei auctoritate confirmaui. Signum magtildis ducissę. Signum Henrici decani Louaniensis. Signum Reineri notarii. Signa- Gerardi de Grimbergis et Arnulfi fratris eius. Signum Godefridi castellani Brussellensis. Signum Arnulfi de Wesemale. Signum Gerardi de Heldeberga. Signum Alardi rape. Acta sunt hęc anno dominicę incarnationis millesimo centesimo nonagesimo octauo indictione prima epacta undecima. | |
| Source | DE MARNEFFE E. 1894 |
| TRADITION |
| EDITIONS AND SECONDARY LITERATURE |
|
Editions
|
DE MARNEFFE E.. Cartulaire de l'abbaye d'Afflighem et des monastères qui en dépendaient (1086-1245) (Analectes pour servir à l'Histoire ecclésiastique de Belgique, IIe Section: Cartulaires et documents étendus), Louvain, 1894-1901., n.228, p.307-311, |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.327, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
