Diplomatica Belgica - Record 182

DiBe ID

182

ACTORS

Issuer(s)
(= author)

Function/title: pope
Name: Alexander III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Alexander III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Odalrichus abbot
Institution/jurisdiction: Villers
Diocese: Diocese Liège
Principality: Brabant (Leuven)
Religious order: Cistercians

DATE

Scholarly dating (preferential)	20/11/1180 (donnée par document / mentioned in document - )
Scholarly dating (any)	20/11/1180 (donnée par document / mentioned in document - ) Scholarly qualification: -
	//1114 (approximation - PYCKE-VLEESCHOUWERS) Scholarly qualification: -
Date in the charter	20/11/1180
Place-date (in the text)	Tusculani
Place-date (normalised)	Frascati (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	confirme , en les énumérant , les possessions territoriales de l'abbaye , et lui accorde certains privilèges
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Alexander episcopus seruus seruorum dei dilectis filiis Ulrico abbati monasterii de Uillari eius que fratribus tam presentibus quam futuris regularem uitam professis in perpetuum. Religiosam uitam eligentibus apostolicum conuenit adesse presidium ne forte cuiuslibet temeritatis incursus aut eos a proposito reuocet aut robur quod absit sacre religionis infringat. Eapropter dilecti in domino filii uestris iustis postulationibus clementer anuimus et prefatum monasterium sancte dei genitricis semper que uirginis Marie de Villari in quo diuino mancipati estis obsequio sub beati Petri et nostra protectione suscipimus et presentis scripti priuilegio communimus in primis siquidem statuentes ut ordo monasticus qui secundum deum et beati Benedicti regulam atque institutionem Cistertiensium fratrum in eodem monasterio institutus esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant in quibus hec propriis duximus exprimenda uocabulis locum ipsum in quo prefatum monasterium situm est cum omnibus pertinentiis suis grangiam de Boueria cum pertinentiis suis ex dono Iudith et filii eius Gualteri in plano in pasturis in aquis in siluis in pratis in terris et ceteris tenimentis boscum de Heis quod habetis ex dono Ade abbatisse et conuentus sancte Gertrudis de Niuella cum omnibus pertinentiis suis grangiam de Bernerisarto cum omnibus pertinentiis suis terram Gualteri de Guahis terram Willelmi- de Glabesul laudantibus et concedentibus filiis suis terram Cesaris de Guahis terram Alardi et Wiberti de Teir terram Gualteri mamarie et sororis sue terram Balduini boscet boscum de Guahis terram Henrici de Huten censum Radulphi de Beuere grangiam de Germinonthrau cum omnibus pertinentiis suis terram ex dono Henrici de Cocherut qui dicitur buscet terram Gozonis et uxoris sue Agnetis terram Halendis boscum de Bossut et sartum qui uocatur Baccum et totam terram de Tortosa quam habetis ex dono abbatisse et conuentus de Niuella grangiam de Burgaldes cum omnibus pertinentiis suis allodium Ebali et terram elberti terram Iohannis crocon terram castellani de Bruxella terram Gualteri de Grimberges et quicquid habebat in Burgaldes terram quam Sicardus de feodo suo uobis in censum dedit terram Gualteri qui dicitur longus quicquid uobis dedit bone memorie Henricus quondam Leodiensis- episcopus in elemosinam in uilla que uocatur Burgaldes grangiam de Emmelinmonte et Thorembais ex dono Sigeri de Guauera et Godefridi fratris sui cum omnibus pertinentiis suis allodium Philippi de Malauia terram Thome de Gest terram Euerardi de Harbais terram Iohannis de Rochefort sartum nouum ex dono Henrici de Iacia grangiam de Opprembais cum omnibus pertinentiis suis allodium Balduini et Godefridi fratris sui de Noua Uilla allodium Willelmi- de Donglebert et Ode uxoris sue allodium Willelmi- de Gualehen terram Rembaldi ex dono canonicorum sancti Dyonisii Leodiensis- grangiam de Hecse cum omnibus pertinentiis suis ex dono Agnetis quondam comitisse de Los et filii eius Girardi comitis grangiam de Scotes cum omnibus pertinentiis suis ex dono Engelberti nobilis uiri grangiam de Stoisy ex dono Seruatii et Heluiz uxoris sue uiginti et octo solidos Niuigellensis- monete quos bone memorie Nicholaus quondam Cameracensis- episcopus in perpetuam elemosinam uobis dedit in uilla que dicitur sanctus Uedastus et duodecim bonarios terre quos Anselmus de Honeffia et uxor sua Maoz et filius eius Franco uobis dederunt in uilla que dicitur Ramelleis allodium quod dedit uobis Euuardus de Rus in Opprembais terram de Loueat Fossa quam prefata abbatissa de Niuella ex feodo suo uobis censualiter dedit terram etiam quam Franco de Baisiu laudantibus et concedentibus filiis suis apud sartum Berneri uobis censualiter dedit. Sane laborum uestrorum quos propriis manibus aut sumptibus colitis siue etiam de nutrimentis animalium uestrorum nullus a uobis decimas exigere presumat. liceat quoque uobis clericos uel laicos e seculo fugientes liberos et absolutos ad conuersionem recipere et eos absque contradictione aliqua retinere. Prohibemus insuper ut nulli fratrum uestrorum post factam in eodem loco professionem fas sit absque abbatis sui licentia de eodem loco discedere discedentem uero absque communium litterarum cautione nullus audeat retinere. Paci quoque et tranquillitati uestre paterna sollicitudine prouidere uolentes auctoritate apostolica prohibemus ut infra clausuras locorum seu grangiarum uestrarum nullus uiolentiam uel rapinam seu furtum committere aut ignem apponere hominem capere uel interficere audeat. Decernimus ergo ut nulli omnino hominum fas sit prefatum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolice auctoritate. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita nisi reatum suum digna satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine diuine ultioni subiaceat cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen amen amen. -r- ego Alexander catholice ecclesie episcopus subscripsi-. Ego Hubaldus Hostiensis- et Vellitrensis- episcopus subscripsi-. Ego Theodinus Portuensis- et sancte Rufine sedis episcopus subscripsi-. Ego Iohannes presbiter- cardinalis- sanctorum Iohannis et Pauli tituli- Pamachii subscripsi-. Ego Petrus presbiter- cardinalis- tituli- sancte Susannę subscripsi-. Ego Viuianus presbiter- cardinalis- tituli- sancti Stephani in Celio monte subscripsi-. Ego Chincius presbiter- cardinalis- tituli- sancte Cecilie subscripsi-. Ego Arduinus presbiter- cardinalis- tituli- sancte crucis in Ierusalem subscripsi-. Ego Matheus- presbiter- cardinalis- tituli- sancti Marcelli subscripsi-. Ego Laborans presbiter- cardinalis- sancte Marie Trastiberim tituli- Calixti subscripsi-. Ego Iacinthus diaconus- cardinalis- sancte Marie in cosmidyn subscripsi-. Ego Rainerius diaconus- cardinalis- sancti Georgii ad uelum aureum subscripsi-. Ego Gracianus sanctorum Cosme et Damiani diaconus- cardinalis- subscripsi-. Ego Iohannes diaconus- cardinalis- sancti angeli subscripsi-. Ego Rainerius diaconus- cardinalis- sancti Adriani subscripsi-. Ego Matheus- sancte Marie noue diaconus- cardinalis- subscripsi-. Datum- Tusculani- per manum Alberti sancte Romane ecclesie presbiteri cardinalis et cancellarii XII kalendas- decembris indictione XIIII incarnationis dominice anno M° C° LXXX° pontificatus uero domni Alexandri pape tercii anno XXII°.

Source	DE MOREAU E. 1905

TRADITION

Original	No
Manuscripts	Louvain-la-Neuve, Archives de l'Etat [AE], Abbaye de Villers 5 (1301-1350)

EDITIONS AND SECONDARY LITERATURE

Editions	DE MOREAU E.. Chartes du XIIe siècle de l'abbaye de Villers-en-Brabant (Analectes pour servir à l'Histoire ecclésiastique de Belgique, IIe Section: Cartulaires et documents étendus ), Louvain, 1905., n.27, p.44-47,
	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.222, p.366-368,
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.13700, p.365, LINK LINK LINK LINK LINK LINK LINK
	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.546, p.119,
	DESPY G.. Inventaire des archives de l'abbaye de Villers (Archives générales du Royaume. Inventaire analytique des Archives ecclésiastiques du Brabant. Ie série: Abbayes et Chapitres, I), Bruxelles, 1959., n.15, p.42,