Diplomatica Belgica - Record 1783

DiBe ID

1783

ACTORS

Issuer(s)
(= author)

Function/title: pope
Name: Urban III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Urban III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Herimannus abbot
Institution/jurisdiction: Tongerlo
Diocese: Diocese Cambrai
Principality: Brabant (Leuven)
Religious order: Premonstratensians

DATE

Scholarly dating (preferential)	6/9/1186 (donnée par document / mentioned in document - )
Scholarly dating (any)	6/9/1186 (donnée par document / mentioned in document - ) Scholarly qualification: -
	8/9/1186 (date impossible / impossible date - HERMANS) Scholarly qualification: -
Date in the charter	6/9/1186
Place-date (in the text)	Verone
Place-date (normalised)	Verona (ITALIA, Veneto, Verona) Diocese: Archbishopric Aquileia Principality: German Empire

SUMMARY AND DESCRIPTION

Summary	prend l'abbaye sous sa protection et lui confirme ses possessions et ses droits (énumération)
Description	Language: Latin Authenticity: unsuspected document Textual tradition: original Nature of the charter: bull

FULL TEXT OF CHARTER


Urbanus episcopus seruus seruorum dei dilectis filiis Hermanno abbati ecclesie beate Marie in Tungerlo eius que fratribus tam presentibus quam futuris regularem uitam professis. In perpetuum. Cum simus ad curam et regimen uniuersalis ecclesie licet immeriti prouidentia superne dispositionis assumpti siquando postulantur a nobis que ad ecclesie tuitionem pertineant petentium desideriis clementer nos conuenit condescendere et eorum uota effectu prosequente complere. Eapropter dilecti in domino filii uestris iustis postulationibus clementer annuimus et prefatam ecclesiam beate Marie Tungerlensis in qua diuino mancipati estis obsequio ad exemplar felicis recordationis Eugenii pape predecessoris nostri sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo canonicus qui secundum deum et beati Augustini regulam atque institutionem Premonstratensium fratrum in eodem loco institutum esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona eadem ecclesia in presentiarum iuste et canonice possidet aut in futurum concessione pontificum largitione regum uel principum oblatione fidelium uel aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis totam decimam Tongerlensis parrochie et dominicaturam uidelicet quadraginta bunaria cum molendino uno totam Giselberti terram fundatoris eiusdem ecclesie tam in Tungerlo quam in Wimple et in Lanchem et in aliis quibuscumque locis ille possederat terram in Ouele terram quam suscepistis ab Engelberto de Casterlo coherede uidelicet predicti Ghiselberti fundatoris ecclesie omnem possessionem Huberti in Hawen tam in allodio quam in hereditate uobis collatam curtem eandem scilicet Hawen cum omnibus pertinentiis suis Calmthout ex dono Arnoldi et quicquid ibi possidetis terram quam uobis contulit Conradus tam in Lifterde quam in Sconebuc omne allodium Arnoldi in Nile terram in Hille terram in Werbeche terram in Holenchem ex dono Berneri Escheden cum molendino et cum palude en nemore Echendunch in ecclesia Endeschit quicquid iuris in ea canonice obtinetis terram Arnoldi et Alberti fratris eius et Arnoldi cognati ipsorum in Budincrode totum allodium Arnoldi de Ranst in Nile et terciam partem decime tocius uille terram uestram in Turnolt terram in Lon cum dimidia parte decime tocius uille et iure fundatoris dimidio terram in Beuerlo terram in Dunreslo quam uobis contulit Arnoldus de Velpa terram de Rauensloe et in Hele terram in Bosencheim et in Mortensele ex dono Henrici de Hosterhouen et Walteri de uilla terram de Herentholt terram in Vorsla terram in Gersecka ecclesiam de Bruchem cum suis appendentiis Olenchem uidelicet Altlire et Winenchem cum tercia parte decime et nono manipulo tam in Bruchem quam in Olenchem et tota decima in Winenchem ecclesiam Nispe et ecclesiam Sunderde cum tota utriusque ecclesie decima ecclesiam de Alphen quam de monasterio sancti Willibrordi in Epternacho tenetis saluo ipsius monasterii iure ecclesiam quoque de Diest cum uniuersis decimis et tribus mansis terre et quinque curtilibus et ceteris que in eadem uilla ad ecclesiam Tungerlensem pertinent. Sane noualium uestrorum que propriis manibus uel sumptibus colitis seu de nutrimentis animalium uestrorum nullus a uobis decimas extirpare presumat. liceat quoque uobis clericos uel laicos e seculo fugientes liberos et absolutos ad conuersionem recipere et eos absque contradictione aliqua retinere. Prohibemus insuper ne ulli fratrum uestrorum post factam in eo loco professionem fas sit absque abbatis sui licentia de eodem discedere. Discedentem uero absque communium litterarum cautione nullus audeat retinere. Sepulturam preterea ipsius loci liberam esse decernimus ut eorum deuotioni et extreme uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumuntur. Cum autem generale interdictum terre fuerit liceat uobis clausis ianuis exclusis excommunicatis et interdictis non pulsatis Campanis suppressa uoce diuina officia celebrare. Pro crismate uero oleo sancto consecrato omnibus ecclesiarum ordinationibus clericorum qui ad sacros ordines fuerint promouendi siue abbate benedicendo seu deducendo ad sedem uel quibuslibet aliis ecclesiasticis sacramentis nullus a uobis uel sub obtentu consuetudinis aut quolibet alio modo quicquam audeat postulare. Nouas quoque et indebitas exactiones ab archiepiscopis episcopis seu aliis ecclesiasticis secularibus ue personis in ecclesiis uestris omnino fieri prohibemus. Insuper autem apostolica auctoritate duximus inhibendum ne ipsius loci aduocatiam ullus usurpet sed dux lotharingie qui pro tempore fuerit sicut a bone memorie Conrado quondam Romanorum rege rationabiliter est statutum absque aliqua exactione uobis et rebus uestris pro deo et anime sue remedio patrocinium tuicionis impendat. Si quis autem laicus decimas quas detinet sine preiudicio alterius ecclesie de consensu episcopi uobis duxerit pietatis intuitu indulgendas recipiendi et retinendi liberam uobis tribuimus facultatem. In parrochialibus uero ecclesiis quas habetis liceat uobis quatuor uel tres ad minus de fratribus uestris ponere quorum unus diocesano episcopo presentetur ut ei curam animarum committat ita quidem ut ei de spiritualibus uobis uero de temporalibus et de ordinis obseruantia debeat respondere. Obeunte uero te nunc eiusdem loci abbate uel tuorum quolibet successore nullus ibi qualibet surreptionis astucia seu uiolentia preponatur nisi quem fratres unanimi consensu uel fratrum maior pars concilii sanioris secundum dei timorem et beati Augustini regulam prouiderint eligendum. Decernimus ergo ut nulli omnino hominum liceat prefatam ecclesiam temere perturbare aut eius possessiones aufferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularis ue persona hanc nostre constitucionis paginam sciens contra eam temere uenire temptauerit secundo tercio ue commonita nisi reatum suum digna satisfactione correxerit potestatis honoris que sui dignitate careat reum que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen amen amen. -r- ego urbanus catholice ecclesie episcopus subscripsi- -bu-. Ego Henricus Albanensis episcopus subscripsi-. Ego Paulus Prenestinus episcopus subscripsi-. Ego Iohannes presbyter- cardinalis- tituli- sancti Marci subscripsi-. Ego Petrus de bono presbyter- cardinalis- tituli- sancte Susanne subscripsi-. Ego Laborans presbyter- cardinalis- sancte Marie trans Tiberim tituli- Calixti subscripsi-. Ego Pandulfus presbiter- cardinalis- tituli- XII apostolorum subscripsi-. Ego Albinus presbyter- cardinalis tituli- sancte crucis in Ierusalem subscripsi-. Ego melior presbyter- cardinalis- sanctorum Iohannis et Pauli tituli- Pamachii subscripsi-. Ego Adelardus tituli- sancti Marcelli presbyter- cardinalis- subscripsi-. Ego Iacintus diaconus- cardinalis- sancte Marie in cosmedyn subscripsi-. Ego Gratianus sanctorum Cosme et Damiani diaconus- cardinalis- subscripsi-. Ego Bobo sancti angeli diaconus- cardinalis- subscripsi-. Ego Octauianus sanctorum Sergii et Bachi diaconus- cardinalis- subscripsi-. Ego Soffredus sancte Marie in uia lata diaconus- cardinalis- subscripsi-. Ego Rollandus sancte Marie in porticu diaconus- cardinalis- subscripsi-. Ego Petrus sancti Nicholai in carcere Tulliano diaconus- cardinalis- subscripsi-. Ego Radulphus sancti Georgii ad uelum aureum diaconus- cardinalis- subscripsi-. Datum Verone per manum Alberti sancte Romane ecclesie presbiteri cardinalis et cancellarii VIII idus- septembris indictione IIII incarnationis dominice anno M° C° LXXX° VI° pontificatus uero domni urbani pape III anno primo.

Source	ERENS M.A. 1948

TRADITION

Original

Yes
Tongerlo, Archief Abdij [A Abdij], 36

EDITIONS AND SECONDARY LITERATURE

Editions	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.277, p.425-426,
	ERENS M.A.. De oorkonden der abdij Tongerloo (Commissie voor Geschiedkundige en Folkloristische Opzoekingen der Provincie Antwerpen), I, Tongerlo, 1948., 1, n.36, p.57-62,
	KOCH A.C.F.. Oorkondenboek van Holland-Zeeland tot 1299. I: eind van de zevende eeuw tot 1222, 'S-Gravenhage, 1970., 1, n.209 (édition fragmentaire), p.365-366, LINK LINK
	CAMPS H.P.H.. Oorkondenboek van Noord-Brabant tot 1312, I. De Meierij van 's-Hertogenbosch (met de heerlijkheid Gemert), 1 (690-1294) (Rijks geschiedkundige Publicatiën), 'S-Gravenhage, 1979., I,1, n.79 (édition fragmentaire), p.136-137, LINK LINK
	ERENS M.A.. De oorkonden der abdij Tongerloo (Commissie voor Geschiedkundige en Folkloristische Opzoekingen der Provincie Antwerpen), I, Tongerlo, 1948., n.36, p.57-62,
Secondary literature	HERMANS C.R.. Analytische opgave der gedrukte charters diploma's, handvesten, plakaten, keuren, ordonnantien, reglementen en andere staatsstukken, betrekkelijk de Provincie Noord-Braband von het jaar 704 tot en met het jaar 1648, 's-Hertogenbosch, 1844., p.16, LINK LINK
	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.15666, p.505, LINK LINK LINK LINK LINK LINK LINK
	KOCH A.C.F.. Oorkondenboek van Holland-Zeeland tot 1299. I: eind van de zevende eeuw tot 1222, 'S-Gravenhage, 1970., 1, p.365, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.653, LINK LINK