Diplomatica Belgica - Record 177

DiBe ID

177

ACTORS

Issuer(s)
(= author)

Function/title: pope
Name: Alexander III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Alexander III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Odalrichus abbot
Institution/jurisdiction: Villers
Diocese: Diocese Liège
Principality: Brabant (Leuven)
Religious order: Cistercians

DATE

Scholarly dating (preferential)	23/12/1177 (donnée par document / mentioned in document - )
Scholarly dating (any)	23/12/1177 (donnée par document / mentioned in document - ) Scholarly qualification: -
Date in the charter	23/12/1177
Place-date (in the text)	Anagnie
Place-date (normalised)	Anagni (ITALIA, Latium, Frosinone) Diocese: Principality: Papal States

SUMMARY AND DESCRIPTION

Summary	confirme à l'abbaye ses possessions territoriales (énumération) et lui accorde des privilèges
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Alexander episcopus seruus seruorum dei dilectis filiis Ulrico abbati monasterii sancte Marie de Uillario eius que fratribus tam presentibus quam futuris regularem uitam professis in perpetuum. Religiosam uitam eligentibus apostolicum conuenit adesse presidium ne forte cuiuslibet temeritatis incursus aut eos a proposito reuocet aut robur quod absit sacre religionis infringat. Eapropter dilecti in domino filii uestris iustis postulationibus clementer annuimus et prefatum monasterium beate dei genitricis semper que uirginis Marie in quo diuino estis obsequio mancipati sub beati Petri et nostra protectione suscipimus et presentis scripti priuilegio communimus in primis siquidem statuentes ut ordo monasticus qui secundum deum et beati Benedicti regulam et institutionem Cisterciensium fratrum in eodem monasterio institutus esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona idem monasterium in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant in quibus hec propriis duximus exprimenda uocabulis locum ipsum in quo prefatum monasterium constructum est cum omnibus pertinentiis suis allodium de Uillario allodium de Exse quod Agnes comitissa de Los uobis in elemosinam contulit allodium quod Engelbertus de Scotes ecclesie uestre donauit terram quam Anselmus de Honeffia in Ramileis ecclesie uestre contulit allodium de Torembais quod Sigerus et Godefridus fratres uobis et monasterio uestro contulisse noscuntur allodium quod Henricus- de Iacia uobis donauit et totam terram de Emelinmonte allodium quod fuit Philippi de Malauia Thome de Gest Euerardi de Arbais terras quoque quas Euerardus de Duz et Gerardus nepos eius Willelmus- de Donglebert Balduinus et Godefridus de Noua Uilla frater eius Willelmus- de Wallehen filii et nepotes ipsius in sarto iuxta Obprumbais uobis dederunt in Burgaldes allodium quod Galterus- castellanus de Grimberges ecclesie uestre in elemosinam contulit terram Franconis cognomento lupi allodium quod fuit Galteri- de Burgaldes Damine et Gele sororum allodium quod fuit iuulonis terram Herberti Ebali et quicquid fuit de feodo Thome de Merbis Segardi de Melen Franconis castellani de Bruxsella terram quam Radulphus de Hutthen ecclesie uestre contulit terram et siluam quam Guillelmus- de Glabais uobis donauit terram que fuit Gualceri et Cesaris de Wais terram Henrici de Coquerul et usuaria silue de Heis agros scilicet aquas prata culta et inculta et pascua que legitime possidetis. Sane laborum uestrorum quos propriis manibus aut sumptibus colitis siue de nutrimentis uestrorum animalium nullus omnino a uobis decimas presumat exigere. Presenti quoque decreto sanccimus ut nullus infra miliare a monasterio uestro edificare presumat ecclesiam de qua religio et quies uestra merito possit turbari. liceat etiam uobis clericos uel laicos e seculo fugientes liberos et absolutos ad conuersionem recipere et in uestro monasterio sine contradictione qualibet retinere. Prohibemus insuper ut nulli fratrum uestrorum post factam in monasterio uestro professionem fas sit de eodem monasterio absque licentia abbatis sui discedere discedentem uero sine communi litterarum uestrarum cautione nullus audeat retinere. Paci quoque et tranquillitati uestre paterna sollicitudine prouidere uolentes auctoritate apostolica prohibemus ut infra clausuras locorum seu grangiarum uestrarum nullus uiolentiam uel rapinam siue furtum committere aut ignem apponere seu hominem capere uel interficere audeat. Decernimus ergo ut nulli omnino hominum liceat supradictum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra et illibata seruentur eorum pro quorum gubernatione ac sustentatione concessa sunt usibus omnimodis profutura salua sedis apostolice auctoritate. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita si non reatum suum digna satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. -r- ego Alexander catholice ecclesie episcopus subscripsi-. Ego Hubaldus Hostiensis episcopus subscripsi-. Ego Manfredus Prenestinus episcopus subscripsi-. Ego Albertus presbiter- cardinalis- tituli- sancti Laurentii in Lucina- subscripsi-. Ego Boso presbiter- cardinalis- sancte Pudentiane tituli- pastoris subscripsi-. Ego Iohannes presbiter- cardinalis- tituli- sancti Marci subscripsi-. Ego Iacinthus- diaconus- cardinalis- sancte Marię in cosmidyn subscripsi-. Ego Cinthius- diaconus- cardinalis- sancti Adriani subscripsi-. Datum Agnanię per manum Gratiani sancte Romane ecclesie subdyaconi et notarii X° kalendas- ianuarii- indictione XI-a incarnationis dominice anno M° C° LXXVII° pontificatus uero domni Alexandri pape tercii anno XIX°.

Source	DE MOREAU E. 1905

TRADITION

Original	No
Manuscripts	Louvain-la-Neuve, Archives de l'Etat [AE], Abbaye de Villers 5 (1301-1350)

EDITIONS AND SECONDARY LITERATURE

Editions	DE MOREAU E.. Chartes du XIIe siècle de l'abbaye de Villers-en-Brabant (Analectes pour servir à l'Histoire ecclésiastique de Belgique, IIe Section: Cartulaires et documents étendus ), Louvain, 1905., n.17, p.30-33,
	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.186, p.326-328,
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.12963, p.316, LINK LINK LINK LINK LINK LINK LINK
	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.521, p.211,
	DESPY G.. Inventaire des archives de l'abbaye de Villers (Archives générales du Royaume. Inventaire analytique des Archives ecclésiastiques du Brabant. Ie série: Abbayes et Chapitres, I), Bruxelles, 1959., n.9, p.41,