DiBe ID | 1768 |
ACTORS |
Issuer(s)
(= author) |
Function/title:
bishop Name: Rudolf of Zähringen Institution/jurisdiction: Liège Diocese: Diocese Liège Principality: Liège Religious order: |
Author(s) of the actio juridica (= disposer) |
Function/title:
bishop Name: Rudolf of Zähringen Institution/jurisdiction: Liège Diocese: Diocese Liège Principality: Liège Religious order: |
Beneficiary(ies)
(= recipient) |
Function/title:
monastic house Name: Institution/jurisdiction: Floreffe Diocese: Diocese Liège Principality: Namur Religious order: Premonstratensians |
DATE |
Scholarly dating
(preferential) |
2/3/1188 (terminus post quem - SCHOOLMEESTERS) |
Scholarly dating
(any) |
2/3/1188 (terminus post quem - SCHOOLMEESTERS) Scholarly qualification: - |
//1188 (donnée par document / mentioned in document - ) Scholarly qualification: - | |
Date in the charter
|
//1188 |
Place-date (in the text) |
|
Place-date (normalised) |
Diocese: Principality: |
SUMMARY AND DESCRIPTION |
Summary | confirme la donation des églises d'Aublain et Sautour |
Description
|
Language:
Latin Authenticity: unsuspected document Textual tradition: copy (records) Nature of the charter: charter |
FULL TEXT OF CHARTER |
Radulphus dei gratia Leodiensis episcopus tam futuris quam praesentibus in perpetuum. Contra importunas saeculi leuitates praesentis paginae ueritatem necessarium duximus nostrae auctoritatis munire signaculo et impugnantium falsitatem sub scripto refutare testimonio. Nobilis quaedam femina Herlendis nomine pio desiderio inflammata a quibusdam militibus Adam scilicet et Alberto fratre eius de Machange quidquid iuris habebant in ecclesia de Ablaen ad quod quidem dominium eiusdem ecclesiae et patronatus spectabant libere acquisiuit sed et illud quod ibidem Nicholaus praepositus de Vierue habebat duos uidelicet solidos qui de eadem ecclesia annuatim ei soluebantur. Quae suam in ecclesia Floreffiensi memoriam assignare desiderans eandem ecclesiam de Ablaen quam ut dictum est libere acquisierat et legitime possidebat et duos illos solidos ecclesiae Floreffiensi in remedium animae suae libere donauit. Qua rebus mundanis exempta praedicti milites Adam et Albertus cum pacem ecclesiae Floreffiensis inde turbarent iudicio consilii quieuerunt et ecclesia Floreffiensis eodem iudicio et libertatem eleemosynae suae retinuit et possessionis pacem de cetero accepit. Illi autem poenitentia ducti quod ecclesiam iniuste uexauerant ecclesiae remiserunt quidquid calumniae ibi habuerant et successores eorum habere poterant. Hoc factum in consilio de Couing sub praesentia multorum clericorum et militum innouatum in capitulo maioris ecclesiae in Leodio sub testimonio praepositi decani archidiaconorum et ceterorum fratrum tandem a nobis est confirmatum. Testes sunt de maiori ecclesia Albertus praepositus Simon decanus archidiaconi Albertus Euerardus Albertus Henricus de Donglebert Alardus cantor et alii de Floreffiensi ecclesia Hermannus abbas Renerus decanus de Couin Simon decanus de Giueil Theodericus sacerdos de Vierue Gilbert sacerdos de Hieme uniuersum concilium Waltherus dominus eiusdem patriae Urius Iacobus Balduinus de Ablen liberi homines Walterus Iohannes de Pel Albertus Adam et filius eius Gerardus de Manchange milites Bouo uillicus Alardus Walterus burgenses de Couin et plures alii. Actum est hoc anno incarnationis domini M° C° LXXX° VIII° indictione VI-a epacta XX-a regnante Friderico Romanorum imperatore Radulpho episcopo Leodiensi. Notum item facere tam praesentibus quam futuris praesentis paginae indicio necessarium duximus quod uir nobilis et probatae fidei miles Godescalcus de Morealmeis ligius homo noster superno afflatus desiderio Iherosolimam proficiscendi cum coetu fidelium ad liberandam terram promissionis de manibus impiorum ut eius peregrinatio gratior et peregrinationis fructus magis esset meritorius religiosorum se orationibus commendare et meritorum ipsorum participium procurare unde occasione quod id opportune et honeste proficeret pro uoto reperta patronatum ecclesiae de Sature quem ab antecessoribus suis hereditaria successione ad se deuolutum pacifice inconcusse possidebat cum omnibus ad eandem ecclesiam pertinentibus ecclesiae beatae Mariae de Floreffia pro salute animae suae et successorum et antecessorum suorum legitima donatione ordine ecclesiastico in perpetuae beneficium eleemosynae per manum Hermanni abbatis eiusdem ecclesiae liberaliter et integraliter contradidit. Et quia uir erat compatientis animi et pii admodum affectus deuote petiit a praedictis abbate scilicet et ecclesia Floreffiensi ut duas partes fructuum qui eis de praedicta ecclesia de Sature obuenire possent sororibus de Herlamont tertiam autem sororibus de Verofle ad paupertatis ipsarum et ipsiusmet recordationem animis earum efficacius imprimendam benigne concederent. Et quia haec omnia sicut legitime facta et rationabiliter consummata probauimus ita etiam ut illibata et intemerata conseruentur cautissime inuigilare debemus praesentem paginam sicut in superiori scripto expressimus auctoritatis nostrae signaculo ad perpetui roboris firmitatem communimus sub interminatione anathematis districte inhibentes ne quis de cetero Floreffiensem ecclesiam super praedictis ausu temerario praesumat molestare. Acta sunt haec sub eodem tempore quo et superiora. | |
Source | BARBIER J. 1871 |
TRADITION |
Original
|
No |
Manuscripts | Namur, Archives de l'Etat [AE], Archives écclésiastiques de la province de Namur 3288 (1292) |
Namur, Archives du Grand Séminaire, Inventaire n.1 - Floreffe / 50 () |
EDITIONS AND SECONDARY LITERATURE |
Editions
|
BARBIER J.. Documents concernant Sautour et Aublain, extraits du cartulaire de l'abbaye de Floreffe, dans: Analectes pour servir à l'Histoire ecclésiastique de la Belgique, 8 (1871), p.364-370., n.1, p.364-366, |
Secondary literature | SCHOOLMEESTERS E.. Les Regesta de Raoul de Zaehringen, prince-évêque de Liège, 1167-1191, dans: Bulletin de la Société d'Art et d'Histoire du Diocèse de Liège, 1 (1881), p.129-203., n.87, p.66-67, LINK LINK |
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.364, LINK LINK |