Diplomatica Belgica - Record 1734

DiBe ID

1734

ACTORS

Issuer(s)
(= author)

Function/title: bishop
Name: Rudolf of Zähringen
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Rudolf of Zähringen
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name: Widerichus abbot
Institution/jurisdiction: S.Truiden
Diocese: Diocese Liège
Principality: Loon
Religious order: Benedictines

DATE

Scholarly dating (preferential)	29/9/1171 (terminus ante quem - COENEN)
Scholarly dating (any)	29/9/1171 (terminus ante quem - COENEN) Scholarly qualification: -
	//1171 (donnée par document / mentioned in document - ) Scholarly qualification: -
Date in the charter	//1171
Place-date (in the text)	Leodii
Place-date (normalised)	Liège (BELGIQUE, Région Wallonne, Liège) Diocese: Diocese Liège Principality: Liège

SUMMARY AND DESCRIPTION

Summary	confirme à l'abbaye la possession des églises paroissiales de S . Truiden (Notre-Dame) et de Mielen-boven-Aalst
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


In nomine sanctę et indiuiduę trinitatis. Rodulphus dei gratia Leodiensis episcopus Wederico uenerabili abbati ecclesię sancti Trudonis et fratribus eiusdem monasterii eorum que successoribus secundum regulam beati Benedicti rite substituendis in perpetuum. Omnibus quidem ratione sollicitudinis nobis creditę debitores existimus sed eis precipue qui in cultu religionis artiori se uouerunt professione. Inde est quod studium labores uestros attendentes erga reformationem ecclesię que intus flamma incendii exterius raptorum uiolentia grauiter attrita est afflictis rebus ecclesię uestrę hac dispensatione subueniendum consensu et peticione Rodulphi archidiaconi dignum duximus. Ecclesia parrochyalis tytulo beatę Marię semper uirginis que in opido burgi sancti Trudonis est iure fundi antiqua et inconcussa possessione cum iure baptismali et decimatione sua uestra est et nos eandem uobis uestris que successoribus propter predictas causas liberam uestrę que dispositioni perpetuo subiacendam secundum formam priuilegii a predecessore nostro Leodiensi episcopo bonę memorię Heinrico secundo uobis dati episcopali auctoritate concessimus omnibus modis usibus uestris profuturam. Oblationes igitur altarium cum omni iure parrochyali et ipse personatus predictę ecclesię sicut eum frater Wazo de Leodio et magister Heinricus de sancto Trudone habuerunt ad disponendum et fruendum in cotidianam sustentationem fratrum monasterii uestri cum omnibus pertinentiis suis firma et perpetua stabilitate uestra erunt. Saluo eo quod sacerdotem idoneum et coadiutores eius ratione parrochyę qui parrochyalia et sacerdotalia iura exequantur et nobis debitam exhibeant obedientiam procurabitis et obsonia episcopalia et archydiaconalia et dekanalia secundum quod ecclesia que dimidia dicitur debet suo tempore reddetis et in synodalibus nichil amplius quam quod sortis uestrę est ratione personatus qui uobis concessus est usurpabitis. Id ipsum quoque de ecclesia de Myeles uobis concedimus ut nec uobis nec alicui successorum uestrorum liceat duas partes decimarum ad uos iure fundi pertinentium sub annua pensione in detrimentum ecclesię alicui locare uel impignorare uel in beneficium dare in quo casu aliqui abbatum uestrorum aliquando errasse narrantur omnino interdicimus. Et ne in ambiguum uel in irritum hec reuocari possint concessiones predictas consensu et peticione predicti fratris nostri Rodulphi archidiaconi factas presenti pagina conscribi et paginam ipsam aduersus omnem calumpniam imagine nostra fecimus communiri. Horum testes sunt Henricus prepositus Hubertus dekanus Bruno archidiaconus et prepositus sanctę crucis Rodulphus archidiaconus et prepositus de sancto Iohanne canonici de sancto Lamberto Waltherus diaconus Ribertus cantor Iohannes abbas Tuynensis dekanus de sancto Martino Arnulphus Heinricus prepositus Hoyensis et decanus sancti Pauli dekanus de sancto Iohanne Benedictus capellani curię Alexander abbas Amanensis Warnerus canonicus de sancto Iohanne. Data Leodii anno incarnationis dominicę M° C° LXX° I°.

Source	PIOT CH. 1870

TRADITION

Original	Yes Hasselt, Rijksarchief [RA], Toegangsnr. 715 - Abdij van Sint-Truiden. Oorkonden - 88
Manuscripts	Hasselt, Rijksarchief [RA], Abdij van Sint-Truiden 20 ()
	Hasselt, Rijksarchief [RA], Abdij van Sint-Truiden 22 (1650-1700)
	Hasselt, Rijksarchief [RA], Abdij van Sint-Truiden 229 (1601-1700)
	Liège, Bibliothèque Générale de Philosophie et Lettres (BGPhL), Manuscrit 27 (1301-1400)

EDITIONS AND SECONDARY LITERATURE

Editions	PIOT CH.. Cartulaire de l'abbaye de Saint-Trond (Publications de la Commission royale d'Histoire, Series I in 4°), 2 vol., Bruxelles, 1870-1874., n.89, p.118-119, LINK LINK LINK
Secondary literature	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.486, p.199,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.523, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.764, LINK LINK