Diplomatica Belgica - Record 1699

DiBe ID

1699

ACTORS

Issuer(s)
(= author)

Function/title: bishop
Name: Henry of Leez
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: other
Name: NN miscellaneous
Institution/jurisdiction: UNKNOWN
Diocese:
Principality:
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Floreffe
Diocese: Diocese Liège
Principality: Namur
Religious order: Premonstratensians

DATE

Scholarly dating (preferential)	//1155 (donnée par document / mentioned in document - )
Scholarly dating (any)	//1155 (donnée par document / mentioned in document - ) Scholarly qualification: -
Date in the charter	//1155
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	notifie les donations de biens situés à Herlaimont (Chapelle-lez-Herlaimont) , Obaix (Hainaut, Charleroi, Pont-à-Celles) , Auvelais , Villers-Deux-Eglises et Villers-le-Gambon
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


In nomine sanctę et indiuiduę trinitatis. Quia temporis uetustate res gestae nisi scripto firmentur ab hominum memoria facile labuntur ego Henricus dei gratia Leodicensis episcopus omnibus notifico tam futuris quam presentibus quod Gilo dominus castri quod Trasineheis appellatur allodii sexaginta bonuaria sita in loco qui Herlanmoht dicitur primum a patre Hostone ecclesię beatę Marię in Floreffia ob animę suę remedium libere tradita quod factum fuerat attestans et ut ratum et inuiolabile permaneret renouans et super ipsum altare donum hoc deferens in presentia nonnullorum nobilium et blebeiorum hominum eidem ęcclesię perpetuo possidenda concesserit et stabiliter confirmauerit. Addidit insuper his idem Gilo beneficii respectu quicquid terrę inter ipsam curtem scilicet Herlanmonth et regiam uiam adiacet usque ad allodium illud quod Capella nuncupatur. Preterea aquam de Pietun per suam terram super molendinum fratrum ibidem deo famulantium siue per loca necessaria ducendam pro annuo censu duorum solidorum concessit. Huius rei testes fuere de nobilibus Nicholaus de Plocei Thomas de Meerbs et Meinerus de Werde Godescalcus de Florifuel multi que populares. Item notum sit omnibus quia allodium de Obaiz quod Theodericus de Faienh de comite Namucensi iure feodali tenebat et in manu ipsius comitis reposuerat et in conspectu parium suorum exfestucauerat et guorpierat et abiudicari sibi et heredi suo in ęternum ut lex est permiserat et per eundem comitem regi de cuius manu descendebat representatum et ab ipso rege Frederico beatę Marię de Floreffia nobis presentibus donatum et auctorizabili eius priuilegio confirmatum nos quoque nostra scedula regie confirmationi testimonium referente confirmamus et ut in perpetuum eidem loco inuiolabiliter conseruetur auctoritate summę trinitatis roboramus. Huius traditionis legitime factę testes affuere de nobilibus Godefridus de Orbaiz et Godefridus de Werdene et Gerardus de Giliberceiz et Godescalcus de Florifuel et alii de plebe quamplures. Item notum sit omnibus Hugonem cognomento ramparz allodium suum scilicet quartam partam uillę quę dicitur Auloiz et eandem partem adiacentem ubicumque in agris culturis et aquę piscatura siluis pratis et cęteris rebus eidem possessioni subditis supradictę ęcclesię beatę Marię cum quadam filia sua ibidem diuinę seruituti mancipata perpetuo possidendum legitime tradidisse astantibus ipsa ęcclesia uxore eius Berta et filio eius Waltero et genero eius Engelberto et hoc idem concedentibus ut mos est guorpientibus. Ad confirmationem igitur huius affectationis multi utriusque sexus de ipsa familia ad predictum allodium pertinentes aduenerunt et iussu predictorum dominorum suorum qui iam eos manumissione in familiam ipsius ęcclesię traduxerunt fidelitatem dato sacramento deo et abbati et fratribus ipsius loci fecerunt. Hanc igitur traditionem ut dictum est legitime factam de manu Phillippi nobilis uiri de Lez comes Namucensis Henricus ipsius ęcclesię aduocatus suscepit et per manus iniectionem in ius et rem ęcclesię redegit. Huius rei testes affuerunt uiri nobiles quorum nomina hęc sunt predictus Phillippus de Lez Meinerus de Werde Godescalcus de Florifuel de militibus Godescalcus de Iodiun et Wedricus. De plebe Wedricus uillicus et Marsilius et multi filiorum ęcclesię. Item notum sit omnibus quod Gerardus clericus nobilis qui et ęcclesię sanctę Marię sancti que Lamberti canonicus extitit ob animę sue remedium mundo huic abrenuntians primum ęcclesię beatę Marię in Floreffia deo inibi seruiturus se tradidit et postmodum allodium suum quod in uilla Vileir nuncupata tenebat supradicte ęcclesię perpetuo possidendum eius fratre Phillippo de Tinlou cęteris que suis heredibus pro animarum salute id ipsum concedentibus et ut mos est exfestucantibus libere et legitime donauit. Huius rei testes fuere Drogo abbas de Florinis et supradictus frater eius Phillippus de Tinlou et Walterus de Nouil. Item notum sit omnibus Walterum de Vileir libere conditionis hominem allodium quod possidebat in loco qui Colombina Uallis dicitur supramemorate ęcclesię beatę Marię in Floreffia cum duabus filiabus suis diuinę seruituti ibidem mancipatis libere et legitime contradidisse et ut tam sibi quam heredibus suis omne ius possessionis eiusdem esse sublatum significaret filios suos et aliqua consanguinitate ad se pertinentes guorpisse et in manu comitis Namucensi scilicet ęcclesię ipsius legitimi aduocati deo seruientibus in prefato loco in perpetuum possidendum deposuisse. Huius rei testes fuere de nobilibus Nicholaus de Florinis Walterus de Noua Uilla de militibus Henricus de Roseith Isenbardus de Merlemont de plebibus Tiescelinus et Fulcuinus de Vileir. Actum est hoc anno M° C° LV indictione III-a concurrente V° epacta XV. Si qua igitur in futurum ęcclesiastica secularis ue persona hanc nostram confirmationem infringere presumpserit predictas que ęcclesię traditiones abstulerit destruxerit imminuerit cum Iuda et Symone mago inexorabiliter sententie anathematis subiaceat donec ad condignam penitentiam et satisfactionem ueniat.

Source	BARBIER V. 1892

TRADITION

Original	Yes Namur, Archives de l'Etat [AE], Archives ecclésiastiques 3286, Floreffe 2
Manuscripts	Namur, Archives de l'Etat [AE], Archives écclésiastiques de la province de Namur 3288 (1292)
	Brussels, Bibliothèque royale de Belgique / Koninklijke Bibliotheek van België, Manuscrit 17436 (Catalogue Van der Gheyn 4672) ()

EDITIONS AND SECONDARY LITERATURE

Editions	STIENNON J.. L'écriture diplomatique dans le diocèse de Liège du XIe au milieu du XIIIe siècle. Reflet d'une civilisation (Bibliothèque de la Faculté de Philosophie et Lettres de l'Université de Liège, série grand in 8· (Jésus), fasc.5), Paris, 1960., planche 231 (fac-similé fragmentaire), p.238,
	AUTEUR ANONYME. Rhin-Meuse. Art et Civilisation 800-1400, Köln-Bruxelles, 1972., planche 10 (fac-similé), p.44,
	BARBIER V.. Histoire de l'abbaye de Floreffe de l'Ordre des Prémontrés, 2 vol. (Tome I : Histoire. - Tome II : Documents), 2e éd., Namur, 1892., n.30, p.16,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.194, LINK LINK