‹
›
return to all results
| DiBe ID | 1688 |
| ACTORS |
|
Author(s) of the actio juridica (= disposer) |
Function/title:
cathedral/collegiate chapter Name: Institution/jurisdiction: Fosses Diocese: Diocese Liège Principality: Liège Religious order: |
|
Beneficiary(ies)
(= recipient) |
Function/title:
monastic house Name: Gerlandus abbot Institution/jurisdiction: Floreffe Diocese: Diocese Liège Principality: Namur Religious order: Premonstratensians |
| DATE |
|
Scholarly dating
(preferential) |
//1138 (donnée par document / mentioned in document - ) |
|
Scholarly dating
(any) |
//1138 (donnée par document / mentioned in document - ) Scholarly qualification: - |
|
Date in the charter
|
//1138 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | l'abbaye achète au chapitre un terrain de l'alleu d'Auvelais pour construire un moulin le long de la Sambre |
|
Description
|
Language:
Latin Authenticity: unsuspected document Textual tradition: copy (records) Nature of the charter: notitia |
| FULL TEXT OF CHARTER |
| In nomine sancte et indiuidue trinitatis. Notum sit tam presentibus quam futuris quod frater Gerlandus Floreffiensis ecclesie abbas ceteri que fratres eiusdem ecclesie acquisierunt sibi quemdam locum ad construendum molendinum in fluuio Sambre in allodio Auulois nomine communiter ab omnibus eiusdem allodii participibus scilicet dimidiam partem ipsius loci a domino Gerardo clerico fratre domini Godescalci de Morialmeis ipso eodem Godescalco consentiente et contradente sub censu trium et uiginti denariorum ad illam partem pertinentium reliquarum autem partium unam ab ecclesia Fossensi consentiente et contradente eiusdem ecclesie preposito Berengero et decano Raulpho cum reliquo fratrum conuentu sub censu duodecim denariorum ad ecclesiam Fossensem pertinentium alteram uero a quodam libero homine Hugone de Foreselle agnomine ranpart sub censu similiter duodecim denariorum ad eum pertinentium quod etiam successu temporis pro salute anime sue et antecessorum suorum ecclesie Floreffiensi in perpetuum condonauit sub testimonio tam clericorum quam laicorum Berengeri Fossensis prepositi Gerardi de Morielmeis eiusdem allodii participis Arnoldi decani Arnulphi presbiteri Hostonis cantoris et ceterorum Arnulphi Fossensis aduocati et Bastiani de Gordinis et aliorum quam plurimorum. Hec autem contraditio hoc pacto confirmata est ut ipsi fratres Floreffiensis ecclesie nullam ibi prorsus piscationem faciant ipsius uero allodii participes neque in lesula ipsius molendini uannum neque supra uel infra aliud aliquid quod molendino ad impedimentum sit faciant. Soluetur autem census iste singulis annis in die natiuitatis sancti Ioannis baptiste denariis Namurcensis monete cuius solutione liberi erunt fratres ab omni exactione. Confirmatum est etiam in hac conuentione ut uenientes molere et recedentes omnino liberam habeant et determinatam per medium illud allodium uiam. Adiunctione quoque huius confirmationis licebit fratribus Floreffiensibus pascua habere uiginti ouium et octo uaccarum infra ambitum ipsius allodii si nutrire ibi uoluerint. Fuit etiam necessarium ad commoditatem molendini et in eo habitantium acquiri quandam partem terre iuxta molendinum ab ipsis mansionariis eam possidentibus consensu etiam fratrum Fossensium a quibus tenebant illam in hereditatem sub censu duorum denariorum Namurcensis monete singulis annis similiter in die natiuitatis sancti Iohannis baptiste soluendorum quod huic confirmationi est additum. Factum est autem hoc anno dominice incarnationis 1138 indictione decima quinta regnante Conrardo huius nominis rege secundo anno autem regni eius primo presidente cathedre Leodiensis episcopatus Alberone secundo sub testimonio tam clericorum quam laicorum tam nobilium quam de ecclesie familia honestorum uirorum. Hoc autem tam rationabile institutum quod deo annuente approbatum et consignatum est qui in pace conseruauerint dei gratiam mereantur qui uero infringere uoluerint iram tremendi iudicis nisi resipuerint incurrant. | |
| Source | BARBIER J. 1867 |
| TRADITION |
| EDITIONS AND SECONDARY LITERATURE |
|
Editions
|
BARBIER J.. Documents extraits du cartulaire du chapitre de Fosses, dans: Analectes pour servir à l'Histoire ecclésiastique de la Belgique, 4 (1867), p.396-422; p.489-505., n.3, p.400-402, |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.721, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
