Diplomatica Belgica - Record 1655

DiBe ID

1655

ACTORS

Issuer(s)
(= author)

Function/title: archdeacon
Name: Godfrey provost
Institution/jurisdiction: Trier
Diocese: Diocese Trier
Principality: Upper Lorraine
Religious order:

Author(s) of the actio juridica

(= disposer)

Function/title: archdeacon
Name: Godfrey provost
Institution/jurisdiction: Trier
Diocese: Diocese Trier
Principality: Upper Lorraine
Religious order:

Beneficiary(ies)

(= recipient)

Function/title: monastic house
Name: Gerard abbot
Institution/jurisdiction: S.Truiden
Diocese: Diocese Liège
Principality: Loon
Religious order: Benedictines

DATE

Scholarly dating (preferential)	//1154 (donnée par document / mentioned in document - )
Scholarly dating (any)	//1154 (donnée par document / mentioned in document - ) Scholarly qualification: -
	/10/1154 (terminus ante quem - WAUTERS/COENEN) Scholarly qualification: -
	/1/1154 (terminus post quem - WAUTERS/COENEN) Scholarly qualification: -
Date in the charter	//1154
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	règle la réception de la dîme dans le domaine de Briedel dépendant de l'abbaye
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Godefridus dei gracia sancte Treuirensis ecclesie prepositus et archidiaconus Gerardo dilecto fratri abbati ecclesie sancti Trudonis et fratribus eius et nunc et in perpetuum. Iusta et honesta postulatio effectu debet prosequente compleri quatinus bone uoluntatis sinceritas laudabiliter enitescat et utilitas prouisa uires indubitanter assumat. Ea propter deuotioni fidelium et utilitati sancte ecclesie prospicientes que in cura nobis commissa corrigenda perspeximus auctoritate nobis commissa commoniti petitione uestra et ecclesie prout melius potuimus correximus et scripto tradentes posteris memorie tradimus. Consuetudo erat in uilla Bredal quadam uindemia peracta prepositus et persona ecclesie asstito uillico et ministris suis decimam quam parochiani debebant per domos singulorum colligebant. Alii reuerenter ut decebat de benedictione percepta gratanter decimabant alii retrahendo et contradicendo uix aliquid dabant. Inferiores nichil dantes blasfemabant. Alii foris parochiani commorantes uineas pauperum parrochianorum comparauerant qui de potentia sua presumentes pro decima soluebant. Commitia super hiis ecclesie molestiis habito primum consilio cum paribus suis deinde cum parrochianis ipsis petentibus placuit ut unusquisque quod deberet uindemie tempore in uinea sua persolueret. Quod quia conueniens et rationabile uisum est omnibus statuimus ne hoc modo deinceps in uilla Bredal decima hec persoluatur et statutum hoc sub protectione beati Petri suscipimus et presentis priuilegio pagine communimus. Decernimus ergo ut nulli hominum liceat hanc constitutionem temere perturbare uel contradicere sed rata et inconuulsa permaneat ad honorem dei et utilitatem sancte ecclesie. Si que sane ecclesiastica secularis ue persona hanc nostre institutionis paginam sciens contra eam temere uenire temptauerit secundo tercio ue commonita si non congrue satisfecerit ream se diuino iudicio existere cognoscat et a sacratissimo corpore et sanguine domini nostri Iesu christi aliena fiat conseruantes autem hoc omnipotentis dei et beati Petri apostoli benedictionem et graciam consequantur. Est preterea decima quedam in eadem uilla que post meliorem secunda est que aliquando ad ordinandam et muniendam ecclesiam erat constituta quam abbas et ecclesia sancti Trudonis pastori eiusdem ecclesie remisit tenore interposito ut de eadem decima omnia faciat necessaria ecclesie infra et extra in ornamentis ecclesie et libris et coopertura et atrio claudendo et ipsi de hiis omnibus sint expediti. Quod sicut ab eis constitutum est nos sub protectione nostra suscipimus et ratum permanere decernimus. Actioni huic testes interfuerunt Rodulphus decanus et archidyaconus maioris ecclesie Bruno archidyaconus Alexander archidyaconus Iohannes archidyaconus Theodericus canonicus Reinerus Humbertus custos Henricus cantor Baldricus scolasticus Willelmus decanus Willelmus pastor ecclesie Euerardus Nicholaus aduocatus uille Udo aduocatus curie Meinardus uillicus --- Adolphus Iordanus. Actum anno incarnationis dominice M° C° LIIII° indictione II-a papa Anastasio rege Frederico Treueris presidente Hillino.

Source	PIOT CH. 1870

TRADITION

Original	Yes Koblenz, Landeshauptarchiv, A.2-Bestand 96 Himmerod Zisterzienserkloster - Urkunde 5
Manuscripts	Hasselt, Rijksarchief [RA], Abdij van Sint-Truiden 20 ()

EDITIONS AND SECONDARY LITERATURE

Editions	PIOT CH.. Cartulaire de l'abbaye de Saint-Trond (Publications de la Commission royale d'Histoire, Series I in 4°), 2 vol., Bruxelles, 1870-1874., n.64, p.86-88, LINK LINK LINK
Secondary literature	BEYER H. - ELTESTER L. - GOERZ A.. Urkundenbuch zur Geschichte der jetzt die Preussischen Regierungsbezirke Coblenz und Trier bildenden mittelrheinischen Territorien, 3 vol., Coblenz, 1860-1865-1874., II (Regesten Goerz), n.637, p.708, LINK LINK
	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.407, p.173,
	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.410, p.174,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.738, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.375, LINK LINK