Diplomatica Belgica - Record 1611

DiBe ID

1611

ACTORS

Issuer(s)
(= author)

Function/title: bishop
Name: Henry of Leez
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: count/countess
Name: Otto II
Institution/jurisdiction: Duras
Diocese: Diocese Liège
Principality: Duras
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: S.Truiden
Diocese: Diocese Liège
Principality: Duras
Religious order: Benedictines

DATE

Scholarly dating (preferential)	//1146 (donnée par document / mentioned in document - )
Scholarly dating (any)	//1146 (donnée par document / mentioned in document - ) Scholarly qualification: -
Date in the charter	//1146
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	confirme la donation , faite par Otton , du domaine d'Alem
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Henricus dei gracia secundus Leodiensis episcopus. Diuina patrimonia dei ecclesie fidelium seu principum concessione uel donatione collata rectores ecclesiarum in defensione ecclesie debent suscipere et ex certo spiritus gladio peruasores eorum tamquam dei contemptores canonica seueritate ferire. Nos quoque quos diuina misericordia officio eorum uicarios esse constituit exemplis eorum summoniti et concitati consimilium largitionum auctores deo qui accipit dona in hominibus nostre humilitatis gracia commendare studemus et quod fecerunt confirmare et ratum esse auctoritatis nostre pagina decernimus. Nostris itaque temporibus illustris comes Otto Durachiensis consensu fratrum suorum Theoderici et Brunonis et nepotum suorum Alexandri prepositi et Arnulfi ecclesie beati Trudonis in usus fratrum inibi deo seruientium fondum possessionis sue Aleym cum ecclesia dotata et familia et uniuersis eius pertinentiis et terminis in terris et aquis pro suis uniuerse que domus sue peccatorum remissione sic tradidit sicut a predecessoribus suis relictum sibi uiuens libere tenuit tantum que aduocatiam heredibus suis possidendam reliquit quam non longo post tempore gener eius Godefridus comes et filia Iuliana ecclesie beati Trudonis prompta deuotione tradiderunt. Quorum larga donatio ut rata et inconuulsa perseueret nec processu temporis obliuionem accipiat uel transitu uel aduentu generationum obsolescat uiuenti scripto nostri testamenti immortali memorie posteritati inserentes relinquimus saluo iure ecclesie beati Lamberti silicet duorum solidorum censu quos ecclesia de Aleym singulis annis in festo ipsius sancti patroni nostri custodi soluet ad luminare ipsius festiuitatis. Nostra igitur auctoritate statuentes decreuimus ut nullus amodo hanc possessionem inquietet nullus comes uel sub comite agens nullus aduocatus nulla omnino persona sed omnia supradicta ad honorem dei et ad utilitatem predictorum fratrum succrescant et proficiant. Si quis uero dei contemptor legum preuaricator aduersus has donationes fundi uel aduocatie ecclesiam sancti Trudonis infestauerit auctoritate dei et nostra a fidelium omnium consortio separaretur donec quod male attemptauerit in melius commutet. Huius donationis et confirmationis testes sunt ydonei quorum hec sunt nomina Gerardus abbas sancti Trudonis Alexander prepositus et archidiaconus Reynerus archidiaconus Dodo archidiaconus elbertus archidiaconus Philippus archidiaconus Amalricus archidiaconus Reymboldus decanus Nicholaus prepositus Theodericus prepositus Bruno Henricus de Lemborch maior aduocatus Godefridus comes Lodwicus comes Arnulfus de Curtrice Wilhelmus de chynei Gozelo de Gingeleym Waltherus et Arnulfus filii eius Gerardus de Vilario Sigerus de Galmarden Gerardus de Beckenuort de familia sancti Lamberti Wiricus de prato Lambertus et Arnulfus de Hoyo Robertus de Werme de familia sancti Trudonis Gerardus iudex Adam iudex Ruthardus uillicus Radulphus Ulricus Arnulfus. Acta sunt anno ab incarnatione domini M° C° XLVI° indictione VIIII-a Rome papa Eugenio regnante rege Conrado.

Source	CAMPS H.P.H. 1979

TRADITION

Original	No
Separate copies	Hasselt, Rijksarchief [RA],
Manuscripts	Hasselt, Rijksarchief [RA], Abdij van Sint-Truiden 20 ()
	Hasselt, Rijksarchief [RA], Abdij van Sint-Truiden 234 (1679)
	Hasselt, Rijksarchief [RA], Abdij van Sint-Truiden 27 (1601-1700)
	Liège, Bibliothèque Générale de Philosophie et Lettres (BGPhL), Manuscrit 27 (1301-1400)

EDITIONS AND SECONDARY LITERATURE

Editions	CAMPS H.P.H.. Oorkondenboek van Noord-Brabant tot 1312, I. De Meierij van 's-Hertogenbosch (met de heerlijkheid Gemert), 1 (690-1294) (Rijks geschiedkundige Publicatiën), 'S-Gravenhage, 1979., I,1, n.48, p.76-78, LINK LINK
Secondary literature	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.366, p.160,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.729, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.267, LINK LINK