Diplomatica Belgica - Record 1599

DiBe ID

1599

ACTORS

Issuer(s)
(= author)

Function/title: pope
Name: Paschal III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Paschal III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Erlebaldus abbot
Institution/jurisdiction: Stavelot
Diocese: Diocese Liège
Principality: Stavelot-Malmédy
Religious order: Benedictines

DATE

Scholarly dating (preferential)	6/8/1167 (donnée par document / mentioned in document - )
Scholarly dating (any)	6/8/1167 (donnée par document / mentioned in document - ) Scholarly qualification: -
Date in the charter	6/8/1167
Place-date (in the text)	Rome apud sanctum Petrum
Place-date (normalised)	Rome (S.Peter) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	prend l'abbaye sous sa protection et lui confirme ses privilèges et ses possessions (énumération)
Description	Language: Latin Authenticity: unsuspected document Textual tradition: original Nature of the charter: bull

FULL TEXT OF CHARTER


Pascalis episcopus seruus seruorum dei dilectis filiis Erlebaldo Stabulensi abbati eius que fratribus tam presentibus quam futuris regularem uitam professis in perpetuum. Pie postulatio uoluntatis effectu debet prosequente compleri quatinus deuotionis sinceritas laudabiliter enitescat et utilitas postulata uires indubitanter assumat. Ea propter dilecte in domino fili Erlebalde abbas tuis iustis postulationibus clementer annuimus et prefatam ecclesiam cui deo auctore preesse dinosceris ad exemplar predecessorum nostrorum felicis memorie Celestini Lucii Eugenii Adriani Victoris Romanorum pontificum sub beati Petri et nostra protectione suscipimus et presentis scripti priuilegio communimus statuentes ut quascumque possessiones quecumque bona idem monasterium in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis deo propitio poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis Malmundarium uidelicet quod sicut ab initio fundationis sue fuisse dinoscitur semper subditum sit Stabulensi loco quemadmodum cella monasterio monachi uero ipsius loci Stabulensis professionem faciant et ubi abbas prouiderit benedicantur et ordinentur nec pro eodem loco Stabulensis abbas qui pro tempore fuerit cogatur Coloniensi archiepiscopo obedientiam promittere uel animarum curam ab eo suscipere castellum quod Longia uocatur prohibemus ut nullus aduocatus ibi aliquid sibi usurpare presumat sed in dispositione abbatis omni tempore permaneat ecclesiam de Sprimont in Heran in Turnines in Hosenmunt in Oyseis in Graides in Aldendorp in Amblauia in Tumbes in Clotena uillam Germiniacum et duo molendina super fluuium Suppiam uillam Turnines uillam Sprimont uillam Lukesenges Villipes Tauernou Husenebach quam dedit uobis liber homo Godifredus uillam Bacedi. Ordinationes autem ecclesiarum et decimationes earum sicut hactenus habuistis uobis nichilominus confirmamus statuentes ut in parrochialibus ecclesiis quas tenetis nullus episcopus absque abbatis assensu presbiterum collocet set iuxta decretum predecessoris nostri bonę memorię pape urbani episcopi parrochię curam cum abbatis consensu sacerdoti committant ut eiusmodi sacerdotes de plebis quidem cura episcopo rationem reddant abbati uero pro rebus temporalibus ad monasterium pertinentibus debitam subiectionem exhibeant. Prohibemus quoque ut in possessionibus ipsius monasterii nullus uiariam uel maioriam uel uillicationem hereditario seu feodi iure successionem teneant sed in potestate abbatis sit ordinare et cum oportunum fuerit immutare securitatem etiam et libertatem in circuitu ipsius monasterii infra leugam sicut a regibus siue imperatoribus rationabili prouidentia concessum est nullus presumat infringere. Idem uero monasterium tertium aduocatum non habeat set iuxta antiquam consuetudinem duos tantum quorum primus aduocatiam cum banno de manu regum uel imperatorum accipiat alter uero qui de manu primi aduocati benefitium acceperit bannum a regibus uel imperatoribus accipiat nec liceat eis in possessionibus uel personis monasterio pertinentibus hospitia placita precarias exactiones facere non palefredos tollere non freda non redibitiones non consuetudines. Etiam auctoritate apostolica interdicimus ut abbatia illa nulli in benefitium uel cancambium detur nec a laico umquam regatur nec liceat abbati qui pro tempore fuerit possessiones uel bona ipsius in feudum uel in pignus alicui dare nec ullam prorsus commutationem uel quamlibet alienationem absque communi capituli consilio exinde facere. Obeunte uero te nunc eiusdem loci abbate uel tuorum quolibet successorum nullus ibi qualibet subreptionis astutia uel uiolentia proponatur set liceat uobis communi consilio uel partis consilii sanioris secundum dei timorem et beati Benedicti regulam absque ullius contradictione abbatem eligere. Crisma quidem oleum sanctum consecrationes altarium seu basilicarum abbatis benedictionem et monachorum ordinationem qui ad sacros ordines fuerint promouendi a diocesano suscipiatis episcopo siquidem catholicus fuerit et gratiam atque communionem sedis apostolice habuerit et ea gratis et absque ulla prauitate uobis uoluerit exhibere alioquin liceat uobis catholicum quemcumque malueritis adire antistitem uni nimirum nostra fultus auctoritate quod postulatur indulgeat. Porro abbas qui pro tempore eidem loco prefuerit ad nullius nisi diocesani episcopi synodum ire cogatur. Presbiteri autem siue clerici qui in uestris ecclesiis deseruiunt debita uobis et consueta seruitia absque ulla contradictione persoluant. Sepulturam ipsius loci liberam esse concedimus ut quicumque se ibi sepelliri deliberauerint nisi forte excommunicati sint nullus obsistat salua tamen iustitia matricis ecclesię. Decernimus ergo ut nulli omnino hominum liceat prefatum monasterium temere perturbare aut eius possessiones auferre uel ablatas retinere minuere aut aliquibus uexationibus fatigare set omnia integra conseruentur pro quorum gubernatione et sustentatione concessa sunt usibus omnibus profutura salua sedis apostolice auctoritate et diocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iuditio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax domini nostri Ihesu christi quatinus et hic fructum bonę actionis percipiant et apud districtum iudicem premia eternę pacis inuemant. Amen. Amen. Amen. -lr- ego pascalis catholicę ecclesię episcopus subscripsi- -lm-. Ego Iohannes Albanensis episcopus subscripsi-. Ego Martinus Tusculanus episcopus subscripsi-. Ego Iohannes presbiter cardinalis titulo pastoris subscripsi-. Ego Unfredus presbiter cardinalis titulo sanctę Susanne subscripsi-. Ego Albertus presbiter cardinalis titulo sancti Grisogoni subscripsi-. Ego Opigo presbiter cardinalis titulo sancti Clementis subscripsi-. Ego Landus diaconus cardinalis sancti angeli subscripsi-. Ego Gerardus diaconus cardinalis sancte Marie in Aquiro subscripsi-. Ego Lanfredus diaconus cardinalis sancte Marię noue subscripsi-. Datum Romę apud sanctum Petrum per manum Iohannis sanctę Romanę ecclesię presbiteri cardinalis et cancellarii VIII idus augusti- indictione XV incarnationis dominicę anno M° C° LXVII° pontificatus uero dompni pascalis papaę III anno III.

Source	HALKIN J.-ROLAND C.G. 1909

TRADITION

Original	No
Manuscripts	Liège, Archives de l'Etat [AE], Conseil privé de Liège A2 3009 ()

EDITIONS AND SECONDARY LITERATURE

Editions	HALKIN J.-ROLAND C.G.. Recueil des chartes de l'abbaye de Stavelot-Malmédy (Publications de la Commission royale d'Histoire, Series I in 4°), 2 vol., Bruxelles, 1909-1930., 1, n.261, p.494-496,
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.14491, p.428, LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.227, LINK LINK