DiBe ID | 1525 |
ACTORS |
Issuer(s)
(= author) |
Function/title:
count/countess Name: Henry III Institution/jurisdiction: Arlon Diocese: Diocese Trier Principality: Limburg Religious order: |
Author(s) of the actio juridica (= disposer) |
Function/title:
count/countess Name: Henry III Institution/jurisdiction: Arlon Diocese: Diocese Trier Principality: Limburg Religious order: |
Beneficiary(ies)
(= recipient) |
Function/title:
monastic house Name: Institution/jurisdiction: Stavelot Diocese: Diocese Liège Principality: Stavelot-Malmédy Religious order: Benedictines |
DATE |
Scholarly dating
(preferential) |
//1172 (donnée par document / mentioned in document - ) |
Scholarly dating
(any) |
//1172 (donnée par document / mentioned in document - ) Scholarly qualification: - |
Date in the charter
|
//1172 |
Place-date (in the text) |
|
Place-date (normalised) |
Diocese: Principality: |
SUMMARY AND DESCRIPTION |
Summary | confirme à l'abbaye la possession de la dîme de Henri-Chapelle , que Waleran II , duc de Limbourg lui avait donnée |
Description
|
Language:
Latin Authenticity: unsuspected document Textual tradition: original Nature of the charter: charter |
FULL TEXT OF CHARTER |
-CRUX- In nomine sanctę et indiuiduę trinitatis. Heinricus dei gratia comes de Arlo Stabulensi ęcclesię in perpetuum. Utiliter ea quę a principibus uel quibusque nobilibus ęcclesiis dei pro salute animarum suarum et spe post hanc uitam misericordię consequendę conferuntur scripto ad memoriam posterorum transmittuntur ne benefacta aut obliuione sepeliantur aut successores eorum qui pie sua contulerunt prauorum consilio aliquando inmutare facta precedentium uel a statu suo amouere presumant. Ea propter notum esse uolumus tam nostris successoribus quam futuri eui hominibus quod post multiplices labores et grauissimos motus bellorum cum in uillam nostram quę Heinrici Capella nuncupatur deuenissemus occurrerunt nobis fratres Stabulenses Heinricus uidelicet eiusdem ęcclesię prior cum aliquantis fratribus suis qui in conspectu Theoderici comitis de Hostade et aliorum multorum tam liberorum quam hominum nostrorum qui illuc conuenerant grauem apud nos querimoniam deposuerunt de decima eiusdem parrochię quam pię memorię auus noster domnus Walramnus dux una cum nobili coniuge sua domna Iudith pro salute omnium progenitorum suorum et totius successionis suę Stabulensi ęcclesię ad sustentationem et usus pauperum quorum ibi maxima confluentia est cum omni sua integritate contradiderat ostendentes nobis signa progenitorum nostrorum et certa scriptorum et priuilegiorum munimenta. Conquesti sunt igitur nobis quod coloni nostri hortatu quorundam prauorum eis decimam noualium et terrarum quę pre uetustate neglectę erant et in quibus rubi concreuerant quas aliis pro sterilitate pretermissis incolebant eis substraxerant et eandem decimam in horreum nostrum inferebant. Nos autem his auditis non sine ammiratione simul et indignatione aliquantum conticuimus tum quia sine nostra conscientia id temere factum fuerat tum quia eleemosinas predecessorum nostrorum potius augere quam minuere intendebamus. Habito igitur cum liberis et fidelibus nostris consilio uillicum nostrum et decimatores qui hanc uim intulerant aduocauimus quibus grauiter de tanta infidelitate oppressis tandem cum fauore et beniuolentia eorundem et omnium qui aderant decimam quam iniuste Stabulenses amiserant de cętero eis iuste possidendam reddidimus et contradidimus cum ea integritate ut eam tam in siluis quam in nouis terris tam in his quę nunc incoluntur quam in his quę postea colendę sunt absque aliqua contradictione pacifice in euum possideant illis exceptis qui ab antiquo iure beneficii suas decimas possidebant. Et ne super hoc aliquis scrupulus seu quęlibet questio de cętero suboriri possit nomina eorum qui hoc beneficium habebant huic scripto inseri iussimus. Hildricus de Scahi et Bonefacius de Hukelebach beneficium decimę suę habent in eadem uilla Hukelebach Godescalcus de Menebach beneficium decimę suę habet in eadem uilla Hukelebach Heinricus et sui participes in Fokoldi Ualle Hildricus et Hubertus in terra de Viuario Arnoldus apud Ruuam beneficium decimę sue habet quę ei a Heinrico auunculo suo per successionem prouenit. Siqui autem interim concessione uillicorum nostrorum decimas suas retinuerunt ne de cętero eas retineant precipimus et statuimus. Ut autem huius scripti nostri attestatio per succedentia tempora rata et inconuulsa permaneat presentem paginam sigilli nostri impressione insigniri fecimus testes que qui affuerunt subter annotari iussimus quorum nomina hęc sunt Oldricus de Stockheim aduocatus de Lemburg et Arnoldus filius eius Bonefacius uillicus noster de Viuario et Hubertus filius eius Robertus de Brechenges Desiderius de Mormanil Theodericus de Vrisheim Wazelinus de Silua Reynerus de Falisa Cuono et Heinricus fratres de Fait Winandus filius Arnoldi schiplarz et alii multi. Acta sunt hęc anno domini M° C° LXX° II° indictione V-a regnante Friderico Romanorum imperatore augusto Rodulfo in Leodio presule Erlebaldo Stabulaus presidente abbate. Data per manum Lamberti capellani nostri inuestiti ecclesię de Bailus in christo feliciter. Amen. | |
Source | HALKIN J.-ROLAND C.G. 1909 |
TRADITION |
Original
|
Yes
Liège, Archives de l'Etat [AE], T50 - 30 |
Manuscripts | Liège, Bibliothèque Générale de Philosophie et Lettres (BGPhL), Manuscrit 2927 () |
EDITIONS AND SECONDARY LITERATURE |
Editions
|
HALKIN J.-ROLAND C.G.. Recueil des chartes de l'abbaye de Stavelot-Malmédy (Publications de la Commission royale d'Histoire, Series I in 4°), 2 vol., Bruxelles, 1909-1930., 1, n.264, p.499-501, |
Secondary literature | TANDEL E.. Les communes luxembourgeoises (Publications de l'Institut archéologique du Luxembourg. Annales, 21-28), 7 vol. , Arlon, 1889-1894., 2, n.6, p.127, |
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.533, LINK LINK |