Diplomatica Belgica - Record 1497

DiBe ID

1497

ACTORS

Issuer(s)
(= author)

Function/title: pope
Name: Innocent II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Innocent II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Gilbert abbot
Institution/jurisdiction: S.Hubert
Diocese: Diocese Liège
Principality: Liège
Religious order: Benedictines

DATE

Scholarly dating (preferential)	17/4/1139 (donnée par document / mentioned in document - )
Scholarly dating (any)	17/4/1139 (donnée par document / mentioned in document - ) Scholarly qualification: -
Date in the charter	17/4/1139
Place-date (in the text)	Laterani
Place-date (normalised)	Rome (Lateran) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	prend l'abbaye sous sa protection et confirme ses possessions et privilèges (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Innocentius episcopus seruus seruorum dei dilecto in christo filio Gilleberto abbati monasterii sancti Huberti in Ardenna siti eius que successoribus regulariter ibidem substituendis in perpetuum. Apostolicae sedis clementiae conuenit religiosos uiros diligere eos que maternae pietatis gremio confouere. Huius rei gratia dilecte in domino fili Gilleberte abba tuis desideriis clementer annuimus et monasterium sancti Huberti cui deo auctore praesides in tutela beati Petri et nostra suscipimus et praesentis scripti pagina roboramus statuentes ut quascumque possessiones quaecumque bona idem monasterium inpraesentiarum iuste et canonice possidet aut in futurum largitione fidelium seu quibuslibet modis praestante domino poterit adipisci firma tibi tuis que successoribus et illibata permaneant. Et quia idem monasterium sicut ipse nobis suggessisti diuersas frequenter a diuersis raptoribus patitur iniurias auctoritate huius sedis apostolicae damus tibi et successoribus tuis potestatem ligandi et soluendi et confirmamus praefato beati Huberti monasterio quicquid suum est quatuordecim uidelicet capellas ab omni exactione episcopali liberas sed et cellam Eberneicurtis cum pertinentiis suis cellam sancti Theobaldi in Porcino Castro sitam cum pertinentiis suis cellam Pirensem cum pertinentiis suis cellam de Molins cum pertinentiis suis cellam Cunensem cum pertinentiis suis cellam de Sancey cum pertinentiis suis cellam sancti Petri cum capella sancti Ioannis in castro Bulon et ceteris pertinentiis suis ecclesiam de Palatiolo cum capellis et decimis suis ecclesiam de Hortou cum capella de Rupe et ceteris pertinentiis suis ecclesiam sancti Michaelis et montem et totum allodium de Miruolt ecclesiam sancti Mononis de Nasania cum omnibus pertinentiis suis capellam sancti Huberti in Leodio ecclesiam de Stauules ecclesiam de Nirues ecclesiam de Burs cum pertinentiis suis ecclesiam de Aluentio cum pertinentiis suis ecclesiam de Baseyo cum pertinentiis suis et alias multas quas possidet salua diocesanorum episcoporum iustitia et reuerentia. Praeterea confirmamus praefato monasterio oblationes fidelium quae uulgo cruces bannales dicuntur de tribus decaniis de decania Gradensi obolatam cerae siue ipsum obolum Leodiensis monetae et caseos de toto lacte uaccarum ouium et caprarum unius diei de singulis domibus uillarum subscriptarum uidelicet Vilantiae Measin Ruduit Vusceye Iusunuile Ochan Palatioli Offenges Salcenriui Graydes Gidines Loitres item Loitres Borsines item Borsines Riennes Wilerzeis Harneye Altifageti Oyseis Gembres Buires Giuel. Idem de decania Bohaniensi de singulis domibus uillarum subscriptarum Wellin Ham Herpruuie Bohannie Gimelle Marlide Asc Hauerine Liceurie Masbor Burs Telins Waurelie Teuins Sernun Vileirs Iambline Wanliens Freelou Aue Montis Sancti Andree Ruimartin Reuonie montis Walcheri. Idem de omnibus uillis decaniae Bastoniensis addito pane uno de domibus singulis. Praedicto autem monasterio nullus abbas temere ordinetur aut contra sacros canones constituatur sed is quem sibi concors congregatio libera electione secundum timorem dei assumpserit. Decernimus ergo ut nulli omnino hominum liceat idem monasterium temere perturbare aut eius possessiones infringere auferre uel ablatas retinere minuere uel temerariis fatigationibus molestare sed omnia integra conseruentur eorum usibus omnimodis profutura pro quorum sustentatione et gubernatione sunt concessa. Si qua igitur in futurum ecclesiastica saecularis ue persona hanc nostrae constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini nostri Iesu christi aliena fiat atque in examine districtae ultioni subiaceat. Cunctis autem eidem loco iusta seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant. Amen amen amen. -r- ego Innocentius catholicae ecclesiae episcopus -bu-. Ego Lucas presbiter cardinalis tituli sanctorum Iohannis et Pauli. Ego Crisogonus cardinalis tituli sanctae Praxedis. Data Laterani per manus Aimerici sanctae Romanae ecclesiae diaconi cardinalis et cancellarii XV kalendas- maii indictione II incarnationis dominicae M° C° XXX° IX° pontificatus uero domini Innocentii II papae anno decimo.

Source	KURTH G. 1903

TRADITION

Original	No
Separate copies	S.Hubert, Archives de l'Etat [AE],
Manuscripts	S.Hubert, Archives de l'Etat [AE], Abbaye de Saint-Hubert 11 (1701-1800)
	Brussels, Bibliothèque royale de Belgique / Koninklijke Bibliotheek van België, Manuscrit II.3483 (Catalogue Van der Gheyn 3769) ()

EDITIONS AND SECONDARY LITERATURE

Editions	JEANTIN J.. Les chroniques de l'Ardenne et des Woëpvres. Revue et examen des traditions locales antérieures au onzième siècle, pour servir à l'histoire de l'ancien comté de Chiny, 2 vol., Nancy, 1851-1853., 1, p.176-178, LINK LINK LINK
	KURTH G.. Les chartes de l'abbaye de Saint-Hubert en Ardenne (Publications de la Commission royale d'Histoire, Series I in 4°), I, Bruxelles, 1903., n.86, p.104-109, LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.8003, p.888, LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.152, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.210, LINK LINK