Diplomatica Belgica - Record 149
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 149
ACTORS
Issuer(s)
(= author) 		Function/title:  count/countess
Name:  Charles the Good
Institution/jurisdiction:  Flanders

Diocese:  Diocese Tournai
Principality: Flanders
Religious order: 

Author(s) of the actio juridica 

(= disposer)

Function/title:  count/countess
Name:  Charles the Good
Institution/jurisdiction:  Flanders

Diocese:  Diocese Tournai
Principality: Flanders
Religious order: 
Function/title:  count/countess
Name:  Baldwin V of Lille
Institution/jurisdiction:  Flanders

Diocese:  Diocese Tournai
Principality: Flanders
Religious order: 
Beneficiary(ies)

(= recipient)

Function/title:  monastic house
Name:  Amand abbot
Institution/jurisdiction:  Marchiennes

Diocese:  Diocese Arras
Principality: Flanders
Religious order:  Benedictines
DATE
Scholarly dating
(preferential) 		//1125 (donnée par document / mentioned in document - )
Scholarly dating
(any) 		//1125 (donnée par document / mentioned in document - ) Scholarly qualification: -
Date in the charter
//1125

Place-date

(in the text)

Insule

Place-date

(normalised)

Lille (FRANCE, Hauts-de-France, Nord)

Diocese:  Diocese Tournai Principality:  Flanders
SUMMARY AND DESCRIPTION
Summary confirme la charte accordée par Baudouin V et relative aux droits de l'avoué de l'abbaye
Description
Language: Latin
Authenticity: unsuspected document Textual tradition: original
Nature of the charter: charter
FULL TEXT OF CHARTER
In nomine patris et filii et spiritus sancti amen. Ego Karolus per bonam dei erga me uoluntatem comes Flandriarum reputans me cum quia cum nobis a deo augentur dona rationes etiam crescunt donorum ad impetrandam misericordiam domini optimum mei fore pre omnibus duxi eius ęcclesias nostra largitate honorare et ab omni oppressione et iniusticia earum exteriora bona defendendo integra conseruare et queque mala instituta uel deprauata in melius restituere. Quapropter notum fieri uolo tam futuris quam presentibus me ad petitionem uiri uenerabilis Amandi abbatis et monachorum sanctę Rictrudis Marcianense monasterium in antiqua libertate reuocasse consilio et iudicio baronum meorum in melius restituens queque ab aduocato iniuste sustinebat. Cum enim in uilla eiusdem sanctę temporibus Fulcardi abbatis aliquandiu iniuste mansisset ęcclesiam et hospites eius multis ac uariis afflixerat iniuriis. Nos igitur priuilegium quod comes Balduinus proauus meus Insule sepultus et uxor eius Adela filia regis Roberti de libertate ęcclesie Marcianensi fieri iusserunt intuentes nostrum quoque priuilegium de eadem libertate ipsi ęcclesie tradidimus confirmantes iuxta scriptum supradicti comitis quid in ea aduocatus habere debeat et a quibus se debeat abstinere. De omni forisfractura ubi ęcclesia ope indigens eum in auxilium uocauerit si per iusticiam eius aliquid adquisierit ipse terciam habebit partem. Si uocatus non fuerit nichil habebit. Maiores dabunt ei in natiuitate duo sextaria uini et II°s capones et ipse cibabit eos et homines eorum pane carne et uino. In pascha II° sextaria uini tantum. Adiutorium tempore obsidionis uel hostilitatis generalis IIII-or uel V-e ebdomadarum accipiet in potestatibus id est de carruca II°s solidos- de dimidia unum de operario diuite an paupere III-es denarios. Coccus ęcclesię magister pistorum cambarius et qui cum carro de nemore ligna adducit nichil dabunt ei quia omnino ab omni redditu semper liberi erunt. In hoste quoque regali per manus ministrorum abbatię in potestatibus accipiet VIII° palefridos. Et hoc semel in anno si necessitas euenerit sin autem nichil omnino. Palefridos ferrare faciet hominibus qui eos ducent in uictu et calciamentis prouidebit. Cum fuerit reuersus omnes palefridos illos restituet dominis suis. Quod donec fecerit nichil faciet pro eo ecclesia nec homines ęcclesię. Preter hęc nichil debet habere aduocatus in ęcclesia nec ista accipere nisi per manus ministrorum abbatię. Non bannum faciet nec precarias nec latronem accipiet nec coreuuias nec ministri eius aliquid accipient. Sciendum quoque quod de hominibus ęcclesię non interpellabit quemquam ad campum sed ille contra quem aget iudicio scabinorum cum sacramento sola manu purgabit se. Nec licet ei nec alicui terrenę potestati in aliqua uilla sanctę Rictrudis contra uoluntatem abbatis uel monachorum manere nec conuiuia preparare uel placita tenere nec denariorum uel pecunię collectionem ab incolis exigere nec ullam uiolentiam inferre. Equalem libertatem habebunt omnes hospites potestatum tam aduena quam indigena. Iterum non licet ei terras ecclesie emere aut in uadimonium accipere nec seruos nec ancillas eiusdem ęcclesię in feodo militibus dare nec aliquid ab illis per uiolentiam exigere. In siluis quoque sanctę Rictrudis uel in aquis ipsius nullam habet potestatem nec homines ęcclesię contra uoluntatem abbatis manutenere potest. Hęc superius litteris comprehensa inuenta sunt a Balduino proauo meo comite Flandrie Atrebati confirmata presente Hugone hauet cui ipse comes beneficium quod a supradicta ęcclesia pro aduocatione acceperat dedit ut esset in omnibus ęcclesię promptus adiutor et res eius tamquam aduocatus defenderet et tueretur alioquin et datum et aduocationem quam de eo accepit perderet ipse et successores eius et hoc presentibus comite et baronibus suis iudicauit Eustachio et Rogero comitibus Gerardo Drogone Fulchone episcopis Lietduino Roderico Malboldo Gerardo et Wicardo abbatibus Rodulfo Tornacensi Roberto aduocato Iohanne aduocato Hugone Valentianensi Hugone de Aldenardo et aliis qui ibi describuntur. Ego quoque Karolus dei gratia comes Flandrie statuo et decerno sub sigilli mei impressione et annotatione testium ut hęc libertas sicut a predecessore meo comite Balduino constituta inuenta est perpetuam obtineat firmitatem. Signum Karoli comitis. Signum Aluisi abbatis Aquicintensis. Signum Absalonis abbatis sancti Amandi. Signum Willelmi de Ipra. Signum Roberti aduocati. Signum Balduini dapiferi. Signum Rogeri castellani Islensis. Signum Widonis de Steinfort. Signum Willelmi de Werui. Signum Stephani de Landast. Actum Insule curte publica anno domini M° C° XXV°.
Source VERCAUTEREN F. 1938
EDITIONS AND SECONDARY LITERATURE
Editions
VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., n.118, p.269-271,
Secondary literature WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.129, LINK LINK
BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.2, p.190, LINK

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015