Diplomatica Belgica - Record 148

DiBe ID

148

ACTORS

Issuer(s)
(= author)

Function/title: count/countess
Name: Charles the Good
Institution/jurisdiction: Flanders
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: count/countess
Name: Charles the Good
Institution/jurisdiction: Flanders
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Watten
Diocese: Diocese Thérouanne
Principality: Flanders
Religious order: Augustinian Canons

DATE

Scholarly dating (preferential)	//1124 (donnée par document / mentioned in document - )
Scholarly dating (any)	//1124 (donnée par document / mentioned in document - ) Scholarly qualification: -
Date in the charter	//1124
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	donne une forêt proche de l'abbaye
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


Uniuersis Flandrie principibus et sancte Morinensis ecclesie filiis tam laycis quam clericis. Ego Karolus Cnutonis Danorum regis incliti et Athale illustrissime regine filius diuina prouidentia Flandrie comes que acta sunt a me uolo breuiter intimare et ut rata et inconcussa permaneant litteris commendare. Cum post obitum Baldewini comitis ad culmen regiminis tocius Flandrie propinquis cognatione peruenissem et consulatus dignitatem diuine dispositionis preordinante clementia suscepissem ad iusticiam exercendam et pacem reformandam animum diligenter applicui et fouendo diuinis presidentes officiis diuine cultum religionis quibus poteram modis ampliare proposui. Considerans igitur inter cetera fratrum Watinensis ecclesiam pati quarumdem rerum indigenciam decreui munifice nostre manu in quibusdam eorum subleuare inopiam et lignorum quibus maxime indigebant prorsus ab eis remouere penuriam presertim cum predecessores mei Robertus scilicet auunculus meus christiane pacis et religionis iustissimus propagator Baldewinus quoque adolescens successor eiusdem et filius eos multis largitionibus ditauerint et pre ceteris huius professionis honori specialiter habuerint. Ut igitur partem fulcitus eorum precibus in sorte sanctorum consequi merear siluam prefate ecclesie adiacentem ab australi plaga et solis ortu stenstrata que Casletum respicit terminatam a septentrione uillam que dicitur Milham ab occidente prefluentis aque limites habentem placuit michi eis conferre et hereditario iure perpetuo possidendam in usus tam posterorum quam presentium transire. Terram quoque que siluam continet et nutrit eodem donationis uoto eisdem liberam concessi. Ita ut in hiis nichil habeat quisque iuris uel potestatis preter ecclesiam watinensis. Quod idcirco tam libere disposui ut ibidem anniuersarium meum singulis annis deuote celebraretur et memoria tam predecessorum quam posterorum meorum omni obliuione remota inibi commendaretur. Hiis ita presente clero et populo sollempniter actis Arnoldus eiusdem loci uenerabilis prepositus cum ceteris excommunicationis sententiam subiunxit. Et ne quis temerarius hoc infringere presumat sigilli mei impressione roboraui. Acta sunt hec anno dominice incarnationis M° C° XXIIII° indictione II° uenerabili Iohanne Morinorum episcopo Ludouico in Gallia regnante domino nostro Ihesu christo sine fine imperante cui est laus et gloria per infinita secula amen. Huius rei testes sunt Bertolfus prepositus de Brugis Fromoldus prepositus de Furnis Ogerus prepositus de sancto Audomaro Ricardus abbas de Monte Sancti Eligii Ingelbertus abbas de Teruannia Hugo decanus de Casleto cum pluribus aliis expresse nominatis.

Source	VERCAUTEREN F. 1938

TRADITION

Original	No
Manuscripts	S.Omer, Bibliothèque de l'agglomération de Saint Omer [BM], Manuscrit 852 (1401-1600)
	S.Omer, Bibliothèque de l'agglomération de Saint Omer [BM], Manuscrit 851 ()

EDITIONS AND SECONDARY LITERATURE

Editions	VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., n.117, p.267-269,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.125, LINK LINK