Diplomatica Belgica - Record 1440
DiplomataBelgica
Search | Tradition Search
DiBe 1 of 1
return to all results
DiBe ID 1440
ACTORS
Issuer(s)
(= author)
Function/title:  pope
Name:  Calixtus II
Institution/jurisdiction:  Rome

Diocese: 
Principality: Papal States
Religious order: 

Author(s) of the actio juridica 

(= disposer)

Function/title:  pope
Name:  Calixtus II
Institution/jurisdiction:  Rome

Diocese: 
Principality: Papal States
Religious order: 
Beneficiary(ies)

(= recipient)

Function/title:  monastic house
Name:  Fulgentius abbot
Institution/jurisdiction:  Affligem

Diocese:  Diocese Cambrai
Principality: Brabant (Leuven)
Religious order:  Benedictines
DATE
Scholarly dating
(preferential)
21/10/1119 (donnée par document / mentioned in document - )
Scholarly dating
(any)
21/10/1119 (donnée par document / mentioned in document - ) Scholarly qualification: -
20/10/1191 (date impossible / impossible date - COPIE AGR 5404) Scholarly qualification: -
Date in the charter
21/10/1119

Place-date

(in the text)

Remis

Place-date

(normalised)

Reims (FRANCE, Grand Est, Marne)

Diocese: 
Diocese Reims Principality:  France
SUMMARY AND DESCRIPTION
Summary confirme à l'abbaye la possession de ses biens et de ses privilèges (énumération)
Description
Language: Latin
Authenticity: unsuspected document Textual tradition: copy (records)
Nature of the charter: bull
FULL TEXT OF CHARTER
Calixtus episcopus seruus seruorum dei dilecto in christo filio Fulgentio abbati Affliginiensis monasterii eius que successoribus regulariter substituendis in perpetuum. Ad hoc nos disponente domino in apostolicę sedis seruitium promotos agnoscimus ut eius filiis auxilium implorantibus efficaciter subuenire et ei obedientes tueri ac protegere prout dominus dederit debeamus. Proinde nos karissime in christo fili Fulgenti abbas tuis petitionibus annuentes beati Petri Affliginiense monasterium cui deo auctore presides ad exemplar predecessoris nostri sancte memorie paschalis pape secundi sub apostolice sedis tutelam excipimus et eius patrocinio communimus. Per presentis igitur priuilegii paginam eidem monasterio auctoritate apostolica confirmamus quecumque in presenti concessione pontificum liberalitate principum oblatione fidelium uel aliis iustis modis cognoscitur possidere uidelicet altare de Ascha in cuius parrochia idem monasterium constitutum est a personatu et episcopali obsonio liberum et quietum et quecumque de sui iuris allodio egregie memorie Henricus comes consentiente fratre suo Godefrido contulisse dinoscitur in eadem parrochia septem mansos terre ex concambio nobilis memorie Balduini Flandrensis comitis et Lamberti abbatis sancti Bertini item duos ex dono Balduini de Alost ecclesiam sancti Petri in Frasna monasterium et ecclesiam sancte Marie in Wauera cellam sancti Andree prope Brugis cum suis omnibus pertinentiis quam Tornacensis episcopus Baldericus rogante Flandrensium comite Roberto ab omni exactione liberam fecit item monasterium sancte Marie de lacu ab omni laicali exactione liberum sicut in scripto bone memorie Sigefridi palatini comitis continetur monasterium etiam sanctimonialium sub tua cura et regimine deo seruientium in Forest et altare eiusdem loci et de Uclo liberum a personatu et episcopali obsonio ecclesiam in Genapia et allodium tam in terris quam in siluis in eadem parrochia ex dono nobilis memorie Ide Bononiensis comitisse altaria quoque de Esqua et de Eclegen et de Morcelle et de Winse et de Ardinensem et de Erenboldigem. Preterea quicquid in futurum iuste atque canonice poteritis adipisci quietum liberum que in eiusdem monasterii cellarum que ipsius possessionibus permaneat. Quicquid etiam libertatis et immunitatis a Cameracensibus episcopis Gerardo Oddone Burcardo iuste collatum est idem monasterium perpetuo possidere sancimus. Nulli ergo omnino hominum liceat idem cenobium uel cellas eius temere perturbare aut possessiones auferre uel ablatas retinere minuere uel temerariis uexationibus fatigare. Sed omnia integra conseruentur eorum pro quorum sustentatione et gubernatione concessa sunt usibus omnimodis profutura salua Cameracensis episcopi canonica reuerentia. Obeunte te nunc eius loci abbate uel tuorum quolibet successorum nullus ibi qualibet surreptionis astutia seu uiolentia preponatur nisi quem fratres communi consensu uel fratrum pars consilii sanioris secundum dei timorem et beati Benedicti regulam uel de suo uel de alieno si oportuerit collegio elegerint. Crisma oleum sanctum consecrationes altarium siue basilicarum ordinationes monachorum qui ad sacros fuerint ordines promouendi ab episcopo de cuius diocesi estis accipietis siquidem gratiam atque communionem apostolice sedis habuerit et si ea gratis ac sine prauitate uoluerit exhibere. Alioquin liceat uobis catholicum quem malueritis adire antistitem et ab eo consecrationis sacramenta suscipere qui apostolicę sedis fultus fultus auctoritate que postulantur indulgeat. Sepulturam quoque eiusdem loci et cellarum ipsius omnino liberam esse decernimus ut eorum qui in eis sepeliri deliberauerint deuotioni et extreme uoluntati nisi forte excommunicati sint nullus obsistat. Missas sane publicas in eodem monasterio per episcopum fieri uel stationes celebrari preter abbatis ac fratrum uoluntatem omnimodis prohibemus ne in seruorum dei recessibus popularibus occasio prebeatur ulla conuentibus. Ad hec adicimus ut pro communi parrochie interdicto uestrum monasterium cum cellis suis a diuinis non debeat uacare officiis sed in eis ianuis clausis debita omnipotenti deo seruitia persoluantur. Ita tamen ut qui interdicti uel excommunicati sunt nullatenus admittantur. Illud quoque adiungimus ut uestri monasterii aut ecclesiarum uestrarum aduocatis facultas non sit pro se personam aliquam in aduocatia supponere per quam eiusdem cenobii bona aut ecclesiarum dissipentur. Preterea quia locus uester ualde a matrice Cameracensi ecclesia est remotus tibi tuis que successoribus facultatem damus sacerdotalia benedicendi cum necesse fuerit uestimenta si quis igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Iesu christi aliena fiat atque in extremo examine districte ultioni subiaceat cunctis autem eisdem locis iusta seruantibus sit pax domini nostri Iesu christi quatinus et hec fructum bone actionis percipiant et apud districtum iudicem premia eterne pacis inueniant. Amen. Amen. Amen. -rota-. Ego Calixtus catholicę ecclesię episcopus datum- Remis per manum Grisogoni sancte Romane ecclesie diaconi cardinalis ac bibliothecarii XII kalendas- nouembris indictione XIII-a incarnationis dominice anno M° C° XVIIII° pontificatus autem domni Calixti II pape anno primo.
Source RAMACKERS J. 1934
EDITIONS AND SECONDARY LITERATURE
Editions
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.13, p.103-106,
Secondary literature WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.117, LINK LINK

 

Collaborator: Philippe Demonty