Diplomatica Belgica - Record 1417

DiBe ID

1417

ACTORS

Issuer(s)
(= author)

Function/title: pope
Name: Paschal II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Paschal II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Fulgentius abbot
Institution/jurisdiction: Affligem
Diocese: Diocese Cambrai
Principality: Brabant (Leuven)
Religious order: Benedictines

DATE

Scholarly dating (preferential)	25/3/1105 (donnée par document / mentioned in document - )
Scholarly dating (any)	25/3/1105 (donnée par document / mentioned in document - ) Scholarly qualification: -
	//1105 (conjecture précise / accurate conjecture - JAFFE) Scholarly qualification: -
Date in the charter	25/3/1105
Place-date (in the text)	Laterani
Place-date (normalised)	Rome (Lateran) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	confirme à l'abbaye ses possessions et ses privilèges (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Paschalis episcopus seruus seruorum dei. Dilecto in christo filio Fulgentio abbati Affligeniensis monasterii eius que successoribus regulariter substituendis in perpetuum. Religiosis desideriis dignum est facilem prebere consensum ut fidelis deuotio celerem sortiatur effectum. Tuis igitur in christo fili karissime Fulgenti petitionibus annuentes presentis priuilegii auctoritate firmamus uestro Affligemensi monasterio quecumque de sui iuris allodio egregie memorie Henricus comes consentiente fratre suo Godefrido contulisse dinoscitur. Decimam quoque eiusdem allodii quam in consecrationis die Gerardus Cameracensis quondam episcopus concessit. Quicumque etiam libertatis et immunitatis ab eo eidem loco iuste collatum est idem monasterium perpetuo possidere sancimus. Quecumque preterea bona idem cenobium hodie legitime possidet firma tibi tuis que successoribus et illibata permaneant in quibus hec propriis nominibus annotamus. Ecclesiam sancti Petri in Frasna monasterium sancte Marie de Wauera ecclesiam in Genapia cellam sancti Andree prope Brugis cum omnibus suis pertinentiis quam Tornacensis episcopus rogante Flandrensium comite Roberto ab omni exactione liberam fecit eo nimirum tenore ut tam a te quam a successoribus tuis de loco ipso sibi et eius successoribus debita obedientia conseruetur. Preter hec quicquid in futurum concessione pontificum ac liberalitate principum uel oblatione fidelium iuste atque canonice poteritis adipisci quietum liberum que in eiusdem monasterii possessione permaneat. Obeunte te nunc eius loci abbate uel tuorum quolibet successorum nullus ibi qualibet surreptionis astutia seu uiolentia preponatur nisi quem fratres communi consensu uel fratrum pars consilii sanioris secundum dei timorem et beati Benedicti regulam uel de suo de alieno si oportuerit collegio elegerint. Crisma oleum sanctum consecrationes altarium siue basilicarum ordinationes monachorum qui ad sacros fuerint ordines promouendi ab episcopo in cuius diocesi estis accipietis siquidem gratiam atque communionem apostolicę sedis habuerit et si ea gratis ac sine prauitate uoluerit exhibere alioquin liceat uobis catholicum quem malueritis adire antistitem et ab eo consecrationis sacramenta suscipere qui apostolice sedis fultus auctoritate que postulantur indulgeat. Sepulturam eiusdem loci omnino liberam esse decernimus ut eorum qui illic sepeliri deliberauerint deuotioni et extreme uoluntati nisi forte excommunicati sint nullus obsistat. Missas sane publicas in eodem monasterio per episcopum fieri uel stationem celebrari preter abbatis ac fratrum uoluntatem omnimodis prohibemus ne in seruorum dei recessibus popularibus occasio prębeatur ulla conuentibus. Ad hec adicimus ut pro communi parochie interdicto a diuinis officiis uestre non debeant uacare ecclesie ita tamen ut qui interdicti uel excommunicati sunt ad eadem non admittantur officia hoc quoque adiungimus ut uestri monasterii aduocato facultas non sit per se personam aliquam in aduocatia supponere per quam eiusdem monasterii bona dissipentur aut distrahantur. Decernimus ergo ut nulli omnino hominum liceat idem cenobium temere perturbare aut eius possessiones auferre uel ablatas retinere minuere uel temerariis uexationibus fatigare sed omnia integra conseruentur eorum pro quorum sustentatione et gubernatione concessa sunt usibus omnimodis profutura salua Cameracensis episcopi canonica reuerentia. Si qua sane ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax domini nostri Iesu christi quatinus et hic fructum bone actionis percipiant et apud districtum iudicem premia eterne pacis inueniant. Amen scriptum per manum Raynerii scriniarii regionarii et notarii sacri palatii. -rota- ego paschalis catholice ecclesie episcopus. Datum Laterani VIII kalendas aprilis per manum Equitii agentis uicem cancellarii indictione XIII incarnationis dominicę anno MCV pontificatus autem domni paschalis secundi pape anno VI.

Source	RAMACKERS J. 1934

TRADITION

Original	No
Manuscripts	Louvain, Rijksarchief [RA], Kerkelijk Archief Vlaams-Brabant 4623 (1401-1500)
	Louvain, Rijksarchief [RA], Kerkelijk Archief Vlaams-Brabant 4629 (1699-1700)
	Brussels, Bibliothèque royale de Belgique / Koninklijke Bibliotheek van België, Manuscrit 13550-13552 (Catalogue Van der Gheyn 3727) ()
	Dendermonde, Archief Sint-Pieters en Paulus Abdij [A Abdij], Hafflighemum illustratum, Tomus I ()

EDITIONS AND SECONDARY LITERATURE

Editions	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.6, p.92-94,
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.6002, p.719, LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.101, LINK LINK