‹
›
return to all results
| DiBe ID | 1407 |
| ACTORS |
|
Issuer(s)
(= author) |
Function/title:
bishop Name: Baudry Institution/jurisdiction: Tournai-Noyon Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Robert II of Jerusalem Institution/jurisdiction: Flanders Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
monastic house Name: Fulgentius abbot Institution/jurisdiction: Affligem Diocese: Diocese Cambrai Principality: Brabant (Leuven) Religious order: Benedictines |
|
Function/title:
monastic house Name: Institution/jurisdiction: Bruges (S.Andrew) Diocese: Diocese Tournai Principality: Flanders Religious order: Benedictines |
| DATE |
|
Scholarly dating
(preferential) |
22/2/1100 (terminus ante quem - PYCKE-VLEESCHOUWERS) |
| 1/1/1100 (terminus post quem - PYCKE-VLEESCHOUWERS) | |
|
Scholarly dating
(any) |
22/2/1100 (terminus ante quem - PYCKE-VLEESCHOUWERS) Scholarly qualification: - |
| //1100 (donnée par document / mentioned in document - ) Scholarly qualification: - | |
| //1105 (date impossible / impossible date - MIRAEUS-FOPPENS/COPIE GENT UB 466/COPIE BR 7407/GALLIA CHRISTIANA) Scholarly qualification: - | |
| 1/1/1100 (terminus post quem - PYCKE-VLEESCHOUWERS) Scholarly qualification: - | |
|
Date in the charter
|
//1100 |
|
Place-date (in the text) |
Brugis |
|
Place-date (normalised) |
Bruges (BELGIË, Vlaams Gewest, West-Vlaanderen)
Diocese: Diocese Tournai Principality: Flanders |
| SUMMARY AND DESCRIPTION |
| Summary | l’évêque de Tournai-Noyon, à la requête de la comtesse Clémence de Bourgogne, dépêchée auprès de lui par le comte Robert II de Jérusalem, son époux, alors en Terre-Sainte, qui avait promis de fonder une abbaye de moines dédiée à saint André, affranchit l’autel de Berthfurtcherca [West-Vlaanderen, Brugge, Brugge (Sint-Andries)] |
|
Description
|
Language:
Latin Authenticity: unsuspected document Textual tradition: original Nature of the charter: charter |
| FULL TEXT OF CHARTER |
| -CRUX- In nomine Patris et Filii et Spiritus Sancti. Ego Baldricus, Dei gratia Tornacensium atque Nouiomensium episcopus, omnibus hic et ubique fidelibus, in ęternum gaudere cum gaudentibus. Nulli pene fidelium in uniuerso orbe terrarum constat esse incognitum Rodbertum iuniorem, Flandrensium marchionem, in Hierosolimitano exercitu pre cęteris omnibus ducem et signiferum christianorum extitisse et ad laudem et gloriam nominis Christi contra paganos fideliter et uiriliter dimicasse. Hic cum per uaria bellorum pericula Antiochiam peruenisset, et inibi una cum cęteris Christi fidelibus ab innumerabili superuenientium paganorum multitudine obsessus fuisset, diuini Spiritus inflammatus igne et beati Andreę apostoli succensus amore, per ipsum enim – ut aiunt – uisitauit et liberauit eos Dominus, uouit illico in quodam monasterio prope Brugis sito, in honore eiusdem apostoli consecrato, in ipsius ueneratione monachos se instituturum. Cognito itaque huiusmodi uotum absque nostro assensu se adimplere non posse, dilectissimę sibi coniugi suę Clementię comitissę – quam in omnibus bonis sibi confidebat obedire – legatos direxit et litteras continentes ut sua ex parte pastoralitatis nostrę prouidentiam consuleret et altare supradicti monasterii a nobis – ad nostram enim diocesim pertinebat – postularet, in quo monachos constituere posset. Audita igitur predicti militis Christi Rodberti Flandrensium marchionis uiri sui legatione, uenerabilis comitissa Clementia presentiam nostram adiit et ad complendam uiri sui uoluntatem altare de Berthfurtcherca – hoc enim nomen predicti loci antiquitus dicebatur – humiliter et deuote postulauit. Cuius humilitatem et deuotionem considerans, Lamberto archidiacono cęterisque clericis nostris assentientibus, Rainero quoque eiusdem altaris persona collaudante, supradicto altari ius libertatis, sub priuilegii auctoritate condonaui et pontificali dignitate illud confirmaui, ea scilicet conditione quod monachi inibi constituantur. His ita peractis, postquam predictus comes Rodbertus superatis gentilibus rediit, consilio principum suorum, me etiam annuente, supradictum locum abbati Haffligeniensis ęcclesię ea lege commendauit ut monachos ex cęnobio suo inibi constitueret et secundum incrementum exterioris substantię monachorum quoque numerum suppleret et regimen loci ipsius tam ipse quam posteri eius perpetuo iure optinerent. Annuimus autem hoc ea ratione ut ipse abbas michi meisque successoribus de eodem loco debita subiectione obędiat, ut omnibus rite ordinatis monachi liberi maneant et secure Deo seruiant, nullo eos inquietante, nullo ab eis exactionem aliquam exigente. Concessimus etiam ut abbas seu monachi presbiterum in eodem loco constituant qui ab episcopo uel a ministris eius curam parrochianorum suscipiat et tam pro se quam pro eis rationem reddat. Ne ergo quis priuilegii huius auctoritatem uiolare presumat, anathemate interdiximus et sigilli nostri impressione consignauimus, presentibus his quorum subscripta sunt nomina. Signum domni Baldrici episcopi. S. Lamberti archidiaconi. S. Desiderii decani. S. Bertulfi prepositi. S. Tancradi. S. Walberti. S. Raineri. S. Blithronis. S. Widonis cancellarii. S. comitissę. S. Rodberti castellani. S. Cononis. S. Lamberti Nappin. S. Tangmari. S. Fredebaldi. Actum Brugis, anno dominicę incarnationis millesimo centesimo, indictione VIIIa, regnante rege Philippo, episcopante domno Baldrico, Rodberto iuniore principante cum uxore sua Clementia. | |
| Source | PYCKE J.-VLEESCHOUWERS C. 2015 |
| TRADITION |
| EDITIONS AND SECONDARY LITERATURE |
|
Editions
|
DE MARNEFFE E.. Cartulaire de l'abbaye d'Afflighem et des monastères qui en dépendaient (1086-1245) (Analectes pour servir à l'Histoire ecclésiastique de Belgique, IIe Section: Cartulaires et documents étendus), Louvain, 1894-1901., n.10, p.19-21, |
| PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , n.98, p.148-151, | |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.24, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.195, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.95, LINK LINK | |
| HUYGHEBAERT N.. Les deux notices de Ludolfe d’Affligem, premier prieur de Saint-André et premier abbé de Saint Laurent d’Oostbroek, dans Miscellanea historica Alberti De Meyer, Louvain, 1946, p. 444-456., passim, | |
| PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , p.149-150, | |
| NOTERDAEME J.. De fiscus Snellegem en de vroegste kerstening in het westen van Brugge, dans: Handelingen der Maatschappij van Geschiedenis en Oudheidkunde te Gent, n.r., 11 (1957), p.49-128., p.94, |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
