Diplomatica Belgica - Record 1378

DiBe ID

1378

ACTORS

Issuer(s)
(= author)

Function/title: bishop
Name: Gerard II
Institution/jurisdiction: Cambrai
Diocese: Diocese Cambrai
Principality: Cambrai
Religious order:

Author(s) of the actio juridica

(= disposer)

Function/title: bishop
Name: Gerard II
Institution/jurisdiction: Cambrai
Diocese: Diocese Cambrai
Principality: Cambrai
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Affligem
Diocese: Diocese Cambrai
Principality: Brabant (Leuven)
Religious order: Benedictines

DATE

Scholarly dating (preferential)	25/12/1086 (terminus ante quem - VAN MINGROOT)
Scholarly dating (any)	25/12/1086 (terminus ante quem - VAN MINGROOT) Scholarly qualification: -
	24/8/1086 (terminus post quem - VAN MINGROOT) Scholarly qualification: -
	//1086 (donnée par document / mentioned in document - ) Scholarly qualification: -
Date in the charter	//1086
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	confirme la fondation du monastère ainsi que des donations antérieures et lui accorde des privilèges
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


-chrisma-. In nomine sanctae et indiuiduae trinitatis. Gerardus diuina propiciante clementia Cameracensium episcopus omnibus christi fidelibus post istius uitae laborem celestium gaudiorum remunerationem. Notum uobis fieri uolumus quod quidam miles Gerardus nomine et alii quamplures spiritu sancto afflati militiam huius saeculi pro redemptione animarum suarum deponentes et in melius uitam suam ducere cupientes quemdam locum ab antiquis Haffleghem uocatum modo autem meo consilio nouum monasterium appelatum ibi sub regula sancti Benedicti degentes monachicam uitam ducerent elegerunt et auxilio Henrici comitis et fratris eius Godefridi erat enim in comitatu eorum ecclesiam in honore sancti Petri construxerunt. Ad quam corroborandam ab eis inuitati congrua gratulatione petitionem illorum suscepimus eam que benedicturi statuto die illuc usque peruenimus. Ita hanc in honore sancti Petri titulo consecrationis assignantes desponsationis eius dotem ex nostra parte augmentare decreuimus et de ipso allodio quod comes Henricus cum fratre suo Godefrido ibi tradiderat decimam uoluntate et peticione domini Hereberti qui tunc eam habebat ecclesiae conferentes praeter legitimam synodalis reuerentiae obseruenciam et pontificalis officii benedictionem ab omni redditu quem aliae ecclesiae multotiens iuste siue iniuste coguntur soluere penitus liberam fore conscripsimus. At enim in sancto proposito ipsorum sanctae remunerationis haberemus consortium quia laici erant et maxime sui consilii causam in nos transferebant id quod quidem monachicae uitae conuenit scilicet omnem popularis conuentus occasionem loco illi amouere studuimus et nominatim nec missam publicam nisi fortassis necessaria petitione abbatis a me uel ab aliquo meo successore ibi celebrandam. Nec seruitium nec beneficium praeter solam benignae orationis impensam inde nobis exigendum immutabiliter confirmauimus. Si uero inibi per rapinam cuiuscumque rei subtractio uel sanguinis accideret effusio quae propter diuinae offensionis iustitiam episcopi solent requirere praesentiam domno abbati quoniam longe sunt a nobis remoti ad honorem et utilitatem ipsius ecclesiae huiusmodi correctionis et absolutionis potestatem et reconciliationis per omnia concessimus. Comes uero Henricus quamtum ad se illam ecclesiam absque ullo respectu nobis praesentibus liberam fecit et super altare nominatim uiginti mansos alia que praedia coannuente fratre suo tradidit et legitime confirmauit ita inquam ut abbatem eligere baculum que ab altari receptum ipsi committere in fratrum foret potestate nullo principe nullo episcopo contradicente. Vt autem bonam uoluntatem claram que oblationem illius quam breui uerborum serie notemus ipse comes nihil sui iuris in eo retinuit loco excepto si fratres de aliqua graui offensione illata eum appellarent cicius et uirilius quam propriam iniuriam iustificaret nec quidquam aliud de hoc merito nisi orationes fratrum et dei retributionem recipere optaret. Haec autem ut rata et inconuulsa permaneant priuilegio nostrae auctoritatis muniuimus et sigilli nostri impressione consignauimus et sub testimonio bonorum uirorum subtersignatorum corroborauimus. Signum Matzelini archidiaconi. Signum Widrici archidiaconi. Signum Desiderii archidiaconi. Signum Ansfridi archidiaconi. Signum Sigerici archidiaconi. Signum Alardi archidiaconi. Signum Albaldi capellani. Signum Iohannis militis. Signum Amulrici. Signum Oilardi. Si quis autem temerario ausu huic cartae contraire temptauerit sciat se anathematis uinculo innodatum et a regno dei alienum. Qui uero obseruator extiterit gratiam benedictionis et gaudia caelestia a piissimo domino nostro Ihesu christo consequi mereatur. Amen. Actum est hoc anno ab incarnatione domini M° LXXXVI° regni uero Henrici regis XXXV° praesulatus Gerardi episcopi IX.

Source	VAN MINGROOT E. 1980

TRADITION

Original	No
Manuscripts	Louvain, Rijksarchief [RA], Kerkelijk Archief Vlaams-Brabant 4623 (1401-1500)
	Brussels, Bibliothèque royale de Belgique / Koninklijke Bibliotheek van België, Manuscrit 13550-13552 (Catalogue Van der Gheyn 3727) ()
	Dendermonde, Archief Sint-Pieters en Paulus Abdij [A Abdij], Hafflighemum illustratum, Tomus I ()

EDITIONS AND SECONDARY LITERATURE

Editions	VAN MINGROOT E.. De Kamerijkse stichtingsbrief voor de abdij Affligem (Novum Monasterium, 1086), dans: Sacris Erudiri, 24 (1980), p.7-39., p.12-18,
Secondary literature	VAN MINGROOT E.. De Kamerijkse stichtingsbrief voor de abdij Affligem (Novum Monasterium, 1086), dans: Sacris Erudiri, 24 (1980), p.7-39., p.12,
	DEREINE CH.. Les origines érémitiques d'Affligem (1083). Légende ou réalité ?, dans: Revue Bénédictine, 101 (1991), p.50-113., p.57-63, 75, 110,
	VAN MINGROOT E.. Liste provisoire des actes des évêques de Cambrai de 1031 à 1130, dans: Serta devota in memoriam Guillelmi Lourdaux. Pars posterior: cultura mediaevalis, ed. W. VERBEKE, M. HAVERALS, R. DE KEYSER, J. GOOSSENS (Mediaevalia Lovaniensia, n.21), Leuven, 1995., n.16, p.23,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.564, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.82, LINK LINK