‹
›
return to all results
| DiBe ID | 1374 |
| ACTORS |
|
Issuer(s)
(= author) |
Function/title:
monastic house Name: Institution/jurisdiction: Hastière Diocese: Diocese Liège Principality: Liège Religious order: Benedictines |
|
Author(s) of the actio juridica (= disposer) |
Function/title:
monastic house Name: Godescalc abbot Institution/jurisdiction: Waulsort Diocese: Diocese Liège Principality: Namur Religious order: Benedictines |
|
Function/title:
monastic house Name: Institution/jurisdiction: Hastière Diocese: Diocese Liège Principality: Liège Religious order: Benedictines |
|
|
Beneficiary(ies)
(= recipient) |
Function/title:
monastic house Name: Institution/jurisdiction: Hastière Diocese: Diocese Liège Principality: Liège Religious order: Benedictines |
| DATE |
|
Scholarly dating
(preferential) |
//1085 (donnée par document / mentioned in document - ) |
|
Scholarly dating
(any) |
//1085 (donnée par document / mentioned in document - ) Scholarly qualification: - |
|
Date in the charter
|
//1085 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | le prieuré de Hastière est remis en possession de cinq alleux en Hesbaye que l'abbé Godescalc avait obtenus frauduleusement |
|
Description
|
Language:
Latin Authenticity: unsuspected document Textual tradition: original Nature of the charter: charter |
| FULL TEXT OF CHARTER |
| In nomine sancte et indiuidue trinitatis. Presentes sanctę aecclesię filii accipiant quod uenture generationi legaliter confirmatum relinquant. Sunt allodia quinque Mois Cipleis Fluns Gerneis Hellencut quę cum reditibus suis ab antiquo tempore subiacent Harsteriae aecclesiae sancte dei genitricis Mariae. Hęc fideles quinque quorum apud nos corpora requiescunt nostrę tradidere ecclesię sed malorum instinctu et donni abbatis Godescalchi consensu a nobis ablata sunt diutius. Nam domni Alberonis uenerandi pręsulis tempore inter nos et Waltioderenses quędam commutatio facta est iniuste quam omnes filii iustitiae patula intelligant cordis aure. In Hasbanio quędam uilla Petrebaz dicta nostro iuri cum sua aecclesia subiacebat illorum uero erat decima. Hanc enim Leodicensis episcopus pro tribus mansis terrae illi ęcclesię tradiderat quia eius erat. Post hęc inimica nobis firmati calliditate multis cęperunt suadere ut nostrae ęclesię cuius allodium erat traderetur decima uillae ipsis uero ex nostris quę sibi eligerent traderentur mutua uicissitudine. Sic oculos diuitum muneribus excecantes quę uolebant ad effectum perduxere et decimam quam diximus nostrae ęcclesię tradidere hoc dicentes imperatum ab ipso domno Alberone. Hoc fratres Hasteriensis coenobii ut persensere maiores cum minoribus domni abbatis Godescalchi prouoluti pedibus ut hęc fieri non permitteret precabantur enixe sed ipse pręces fratrum coram se lacrimantium renuit et pro eis super hoc nil se facturum respondit quod enim fiebat placitum erat illi. Deinde V allodia nostra quę diximus cum omnibus appenditiis suis iniustę sibi rapuere ante Namucensem comitem qui hanc commutationem faciebat ex parte fratrum monachis clericis laicis contradicentibus insuper Frethuuardo decano ex parte Leodicensisis episcopi contradicente et eius filio Athone adstante et contradicente cuius pater pro remedio animę suae allodia nostrae tradiderat ęcclesię. Nec mirum nam erat census allodiorum quadraginta quatuor solidorum decimę uero pre-- testimonio omnium XX solidorum. His gestis ut quę iniquę ęgerant iniquius firmarent clanculum sibi carthas fecere et eas iussu domni abbatis Godescalchi Mettis ferentes ut eis super his amnueret a domno episcopo Alberone petiere. Qui ira qua eorum prenoscens consilia mirabatur cur tantus census pro tali daretur decima et eis nil se facturum respondit nisi ueracius ea quę dicebantur cognosceret a fidelibus suis. Hoc ut uere cognouit quadraginta solidos nummorum consilio eorum pro decima dari constituit et ne allodia ab ęcclesia tollerentur super omnia prohibuit. Sic iniqua cogitatione quam habebant fraudati quosdam clericorum qui episcopo subiacebant pecunia uicerunt et quas se cum portauerant carthas ab eis clam scribi fecerunt sigillo que episcopi ipso tamen nesciente munierunt. Post hec episcopo ex his quę inique egerant nil fatentes quasi furtim a Mettis rediere redeuntes que haec ab eo acta omnibus predixere tali que mendatio allodiis nostris potiti ea XII-cim annis iniustę tenuere. Siquis autem his rebus contradicere uoluerit presentes sanctę ęcclesię filii siue dei iudicio siue campestri pugna presto sunt obsistere illi. His omnibus que presens pagina pretitulauit peractis pro hac iniuria assidue ad se clamantibus multas que penurias patientibus tandem deus compassus miseris illo suo quo adsolet spiritu cor Namucensis tetigit comitis recognouit enim se multum peccasse super his. Nam causa huius iniuriae erga iustitiam animum reflexit et deleta commutatione quam fecerat ut unusquisque locus sua reciperet precepit et domno Herimanno Mettensi episcopo ut his annueret litteris suis mandauit sed tale quid a fratribus Walciodorensis coenobii iudicabatur non posse fieri. Qua de re fratres Hasterienses solliciti utpote pro se quę erga se iniustę acta fuerant Mettensi episcopo Leodicensi que intimauere ipsi que ut hęc destruerentur ueracibus nuntiis donno abbati Godescalcho litteras misere quia alias occupati ad presens nequibant uenire. Ad ultimum uero ipse comes cum multis nobilibus Hasteriam uenit et ut his quę a se acta et ab illis precepta erant assensum preberet abbati Godescalcho indixit. Qui diu eius et aliorum bonis resistens consiliis tamen quamuis inuitus his quę dicebantur innuit sic que uellet nollet ęcclesia Hasteriensis quę sua erant iusto dei iudicio recepit. Post hęc episcoporum ad ipsum locum pertinentium imperio fratrum que et aliorum consilio hanc carthulam fecimus ueraci testimonio cuius siquis fieri uoluerit peruersor illorum omnium que iustorum acclamatione Iudę traditoris fungatur anathemate. Acta sunt hęc anno dominicae incarnationis M° octogesimo V-to indictione VIII-a regnante imperatore Heinrico. Signum Herimanni Mettensis episcopi. Signum Heinrici Leodicensis episcopi. Signum Alberti comitis. Signum Arnulfi comitis. Signum Cunonis comitis. Signum Teoderici aduocati. Signum Euuardi de Nodebais. Signum Cunonis de Han signum Godefridi fratris eius. Signum Herimanni de Heis. Signum Galteri de Dalbis. Signum Heilberti de Maceriis. Signum Franconis de Onhaia. Signum Guarneri nepos Teoderici aduocati. Signum Hugonis de Heria. Signum Iohannis de Baronuilla. Item signum Hugonis. | |
| Source | DESPY G. 1957 |
| EDITIONS AND SECONDARY LITERATURE |
|
Editions
|
DESPY G.. Les chartes de l'abbaye de Waulsort (Publications de la Commission royale d'Histoire, Series I in 4°), I, Bruxelles, 1957., n.19 (+ fac-similé fragmentaire), p.346-348, |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.164, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.80, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
