Diplomatica Belgica - Record 1338

DiBe ID

1338

ACTORS

Issuer(s)
(= author)

Function/title: pope
Name: Leo IX
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Leo IX
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Theoderic abbot
Institution/jurisdiction: Stavelot-Malmédy
Diocese: Diocese Liège
Principality: Stavelot-Malmédy
Religious order: Benedictines

DATE

Scholarly dating (preferential)	//1140 (approximation - OPPERMANN)
Scholarly dating (any)	3/9/1049 (conjecture précise / accurate conjecture - HALKIN-ROLAND/JAFFE/BOEHMER-FRECH) Scholarly qualification: -
	//1140 (approximation - OPPERMANN) Scholarly qualification: FORGERY
Place-date (in the text)	Maguntie
Place-date (normalised)	Mainz (DEUTSCHLAND, Rheinland-Pfalz, - ) Diocese: Archbishopric Mainz Principality: German Empire

SUMMARY AND DESCRIPTION

Summary	confirme les possessions des monastères (énumération) et règle l'élection de leur abbé commun
Description	Language: Latin Authenticity: document regarded as a forgery Textual tradition: pseudo-original Nature of the charter: bull

FULL TEXT OF CHARTER


Leo episcopus seruorum dei Theoderico religioso abbati uenerabilis monasterii sancti Petri sancti que Remagli Stabelao positi suis que successoribus in perpetuum. Tunc summę apostolicę dignitatis apex in hoc diuini prospectus amore dinoscitur prefulgere si in adquirendis dei laudibus sui impensius studeat laboris exhibere certamen ob hoc nos debita eiusdem apostolicę pastoralis compellit sollicitudinis cura ut quę ad stabilienda piorum pertinere dinoscuntur locorum ubertim promulgare et apostolicę institutionis censura debeamus confirmare. Igitur quia postulasti frater a nobis quatinus monasteria a uenerabili patre Remaglo constructa id est Stabolaus et Malmundarium sita in saltu Arduennensi in honore sancti Petri apostolorum principis priuilegio nostrę auctoritatis muniremus et quia iusta uisa est nobis petitio tua assensum tibi per huius nostri priuilegii constitutum prebemus et roboramus apostolica auctoritate secundum pręcepta regum et imperatorum in presentia nostri relecta. Ratum itaque decernimus quicquid debet primus constructor locorum Sigibertus uidelicet rex Francorum qui Germiniacum in pago Remensi et molendina duo sub uno tecto super Suppia et uineam cum uinitore in Bethereo et thelonea quę ad portum Vetraria sunt super fluuios Taunaco et Itta et portum qui dicitur Sellis et uogatium super fluuium Ligerim ipsi adhuc uiuenti sancto Remaglo tradidit. Eadem quoque firmitate uigoramus acta et instituta regum Ghlodouei Dagoberti Childerici Theoderici qui eadem preceptis suis confirmauerunt alia que perplura addiderunt necnon imperatorum Karoli Ludouici Lotharii et trium Ottonum Heinrici etiam primi et secundi et tertii augustorum qui constructores et defensores fuere locorum ipsorum et quicquid de terminis et immunitate leuguę in eorum preceptis continetur stabile esse iudicamus. Concambia etiam quę facta sunt de Luchensengeis et Astelebrunna siue etiam quę a christianis hominibus pro salute animarum suarum ad ipsa monasteria collata sunt et condonata a Fretherico comite Ferieres et Canses a Fretherico duce Sprismont allodium cum ęcclesia et quęcumque ab inicio constructionis locorum usque in presens eorum manet et in posterum concedenda sunt ut firma stabilitate perpetuo que iure inconuulsa permaneant decernimus et confirmamus. Nullum habeant aduocatum nisi unum et alterum ab ipso qui uterque bannum aduocatię ab imperatore accipiat nec secundum predictorum precepta imperatorum quisquam eorum presumat aut in uillis uel possessionibus quę ad ipsa monasteria respicere uidentur placita tenere mansuras aut precarias facere redibitiones uel freda exigere parafredos sumere uel cuiquam uiolentiam inferre sine permissu abbatis et uoluntate nulli que personę cuiuscumque dignitatis sit uel ordinis ipsam abbatiam liceat unquam in beneficium uel concambium accipere. Quod si quis quod absit hęc omnia temptauerit infirmare beati Petri nostra que auctoritate eum ęterno percutimus anathemate. Pręterea sancimus sicut ab ipsis imperatoribus est diffinitum ut defuncto per successionem abbate utrimque in unum e duobus monasteriis confluentibus monachis habeant sine simultatione sine exceptione personę sine respectu pecunię secundum sancti Benedicti regulam abbatem eligendi liberrimam optionem ea tamen preponderante ratione cum Malmundrensium pace ut quia beatus Remaglus utriusque monasterii constructor et Tungrensium antea episcopus et pastor maluit in altero eorum id est Stabolaus locum sepulturę sibi eligere ipsi primam electionis obtineant uiam si apud eos melior meritis et probabilior inueniatur si autem non illic sed Malmundarii melior repperiatur utrique loco preficiendus ab eo potius quam ab externis assumptus intromittatur. Si quis autem quod non optamus nefario ausu pręsumpserit his quę a nobis ad laudem dei pro stabilitate iam dictorum monasteriorum statuta sunt refragare aut hęc in quoquam transgredi hunc a liminibus sanctę matris ęcclesię segregamus atque cum Iuda traditore domini nostri Iesu christi et cum diabolo et angelis eius ęternis incendiis concremandum deputamus. At uero qui pio intuitu obseruator et custos extiterit huius nostri apostolici constituti ad cultum dei respicientis benedictionis gratiam et misericordiam a misericorde deo nostro multipliciter consequatur et uitę ęternę participes effici mereatur. Data Maguntię III° nonas septembris per manus Petri diaconi bibliothecarii et cancellarii sanctę apostolicę sedis anno domni Leonis noni pape I° indictione III-a. -lr- -lm-

Source	HALKIN J.-ROLAND C.G. 1909

TRADITION

Original	Yes Liège, Archives de l'Etat [AE], T50 - 12
Manuscripts	Liège, Archives de l'Etat [AE], Conseil privé de Liège A2 3009 ()

EDITIONS AND SECONDARY LITERATURE

Editions	STIENNON J.. L'écriture diplomatique dans le diocèse de Liège du XIe au milieu du XIIIe siècle. Reflet d'une civilisation (Bibliothèque de la Faculté de Philosophie et Lettres de l'Université de Liège, série grand in 8· (Jésus), fasc.5), Paris, 1960., planche 176 (fac-similé fragmentaire), p.180,
	HALKIN J.-ROLAND C.G.. Recueil des chartes de l'abbaye de Stavelot-Malmédy (Publications de la Commission royale d'Histoire, Series I in 4°), 2 vol., Bruxelles, 1909-1930., 1, n.111, p.229-231,
Secondary literature	STIENNON J.. L'écriture diplomatique dans le diocèse de Liège du XIe au milieu du XIIIe siècle. Reflet d'une civilisation (Bibliothèque de la Faculté de Philosophie et Lettres de l'Université de Liège, série grand in 8· (Jésus), fasc.5), Paris, 1960., p.179-186,
	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.4172, p.532, LINK LINK LINK LINK LINK LINK LINK
	OPPERMANN O.. Rheinische Urkundenstudien. Einleitung zum rheinischen Urkundenbuch. Erster Teil: Die Kölnisch-Niederrheinischen Urkunden (Publikationen der Gesellschaft für Rheinische Geschichtskunde, 39/1), Bonn, 1922., 1, p.204-208,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.61, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.495, LINK LINK
	BOEHMER J.F.-FRECH K.A. . Regesta Imperii III. Salisches Haus 1024-1125. Tl. 3. 5. Abt.: Papstregesten 1024-1058. 2. Lief.: 1046-1058, Köln-Weimar-Wien, 2011., n.595, p.190-191, LINK
	AKADEMIE DER WISSENSCHAFTEN UND DER LITERATUR - MAINZ. Regesta imperii - RI Online, Ressource éléctronique, notice 595, LINK LINK