Diplomatica Belgica - Record 1307

DiBe ID

1307

ACTORS

Issuer(s)
(= author)

Function/title: pope
Name: Benedict VII
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Benedict VII
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Erloinus I abbot
Institution/jurisdiction: Gembloux
Diocese: Diocese Liège
Principality: Namur
Religious order: Benedictines

DATE

Scholarly dating (preferential)	25/3/983 (conjecture précise / accurate conjecture - ROLAND/JAFFE)
Scholarly dating (any)	25/3/983 (conjecture précise / accurate conjecture - ROLAND/JAFFE) Scholarly qualification: -
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	accorde aux moines la libre élection de leur abbé , les exempte de toute juridiction de l'évêque et menace de censure ecclésiastique ceux qui les inquiéteraient dans la possession de leurs biens
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Benedictus episcopus seruus seruorum dei religioso abbati uenerabili monasterii sancti saluatoris domini nostri Iesu christi ac sancti Petri nouiter ibi constituti suis que successoribus in perpetuum. Cum magna nobis sollicitudine insistat cura pro uniuersis dei aecclesiis ac piis locis inuigilandum ne aliqua necessitate iacturam sustineant sed magis propriae utilitatis stipendia consequantur ideo conuenit nos tota pastoralis mentis integritate eorundem uenerabilium locorum maxime integritatem et stabilitatem procurare et sedule eorum utilitatibus subsidia illic conferre ut deo nostro omnipotenti id quod pro eius sancti nominis honore etiam ad laudem atque gloriam eius diuinae maiestatis cum uenerabilibus nos certum est contulisse locis sit acceptabile nobis que ab eius locupletissima misericordia digna huiusmodi pii operis in sidereis conferatur arcibus remuneratio. Igitur quia postulatis a nobis quatinus pro dei omnipotentis amore ac domni Ottonis praecellentissimi imperatoris nostri que dilecti filii consideremus atque confirmaremus uobis praedictum monasterium in honore sancti saluatoris ac sancti Petri constructum cum omnibus rebus mobilibus atque immobilibus quae sub eodem monasterio adiacere ac pertinere uidentur tam mansis quam etiam castris uillis atque casalibus tam qui praesentes sunt quam que etiam usque in finem esse debebunt posito in loco qui uocatur Gemblaos concedimus atque confirmamus apostolica auctoritate ut de alio monasterio abbas ibi non constituatur sed ipsi serui dei secundum regulam sancti Benedicti uiuentes ex sua propria congregatione potestatem eligendi abbatem habeant. Abbas priuilegiis sedis apostolicae infulis decoretur ut sub iurisdictione sanctae nostrae cui deo auctore deseruimus aecclesiae constitutum nullius alterius ecclesiae iurisdictionibus submittatur et ideo cuiuslibet aecclesiae episcopum in praefato monasterio dicionis quamlibet habere auctoritatem prohibemus nisi tantum benedicendi habeat licentiam statuentes apostolica censura atque auctoritate beati Petri apostolorum principis sub diuini iudicii obtestatione ac ualidis atque atrocioribus anathematis interdictionibus ut nullus umquam nostrorum successorum pontificum uel alia parua magna que persona aliquid de rebus uel possessionibus ad idem pertinentibus monasterium auferre uel alienare praesumat. Si quis autem quod non credimus nefario ausu parua magna que persona contra hoc nostrum apostolicum priuilegium agere temptauerit sciat se anathematis uinculo esse innodatum ac a regno dei alienum ac cum omnibus impiis aeterno incendii supplicio condempnatum. At uero qui obseruator extiterit praecepti gratiam ac misericordiam uitam que aeternam a misericordissimo domino deo multipliciter consequatur. Scriptum per manum Bonifacii notarii regionarii ac scrinarii sanctae Romanae ecclesiae in mense martio indictione undecima. bene ualete. Datum VIII kalendas aprilis per manus Stephani episcopi ac bibliothecarii sanctae sedis apostolicae anno pontificatus domni nostri Benedicti sanctissimi septimi papae nono imperante domno nostro Ottone a deo coronato magno ac pacifico imperatore anno XVI° in mense supra scripto ac indictione undecima.

Source	ROLAND C.G. 1921

TRADITION

Original	No
Manuscripts	Lille, Archives départementales du Nord [AD], B 19466 ()
	Paris, Bibliothèque nationale de France [BNF], Manuscrit latin 11842 ()

EDITIONS AND SECONDARY LITERATURE

Editions	ROLAND C.G.. Recueil des chartes de l'abbaye de Gembloux, Gembloux, 1921., n.9, p.22-24, LINK LINK
	ZIMMERMANN H.. Papsturkunden, I. 896-996;II. 996-1046; III. Register (Österreichische Akademie der Wissenschaften, phil.-hist. Klasse. Denkschriften 174-177), Wien, 1984-1985, 1988-1989., 1, n.275, p.540-541,
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.3817, p.483, LINK LINK LINK LINK LINK LINK LINK
	VERKOOREN A.. Inventaire des chartes et cartulaires des duchés de Brabant et de Limbourg et des pays d'Outre-Meuse. Deuxième partie: Cartulaires - Tome I (800-1342) (Archives générales du Royaume), Bruxelles, 1961., II,1, p.5-6,
	DE WAHA M.. Sigebert de Gembloux faussaire ? Le chroniqueur et les "sources anciennes" de son abbaye, dans: Revue belge de Philologie et d'Histoire, 55 (1977), p.989-1036., p.1006 et ss, LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.100, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.403, LINK LINK