Diplomatica Belgica - Record 12417

DiBe ID

12417

ACTORS

Issuer(s)
(= author)

Function/title: monastic house
Name: Hugh II abbot
Institution/jurisdiction: S.Amand
Diocese: Diocese Tournai
Principality: Flanders
Religious order: Benedictines

Author(s) of the actio juridica

(= disposer)

Function/title: monastic house
Name: Hugh II abbot
Institution/jurisdiction: S.Amand
Diocese: Diocese Tournai
Principality: Flanders
Religious order: Benedictines

Beneficiary(ies)

(= recipient)

Function/title: monastic house
Name: Gossuin abbot
Institution/jurisdiction: Anchin
Diocese: Diocese Arras
Principality: Hainaut
Religious order: Benedictines

DATE

Scholarly dating (preferential)	//1153 (donnée par document / mentioned in document - )
Scholarly dating (any)	//1153 (donnée par document / mentioned in document - ) Scholarly qualification: -
Date in the charter	//1153
Place-date (in the text)	Elnone
Place-date (normalised)	S.Amand (FRANCE, Hauts-de-France, Nord) Diocese: Diocese Tournai Principality: Flanders

SUMMARY AND DESCRIPTION

Summary	notifie et confirme que son abbaye a vendu à celle d'Anchin les biens qu'elle possédait à Hauteville , Noyales et Aisonville ; le prix de la vente est de vingt cinq sous , monnaie de Provins
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine Patris et Filii et Spiritus Sancti, amen. Sicut funiculus triplex difficile rumpitur, ita et quod in nomine sancte et indiuidue Trinitatis a fidelibus ordinatur ac pie componitur nulla ratione in perpetuum dissoluitur. Quocirca ego secundus Hugo, humilis minister et abbas dictus monasterii Beati Amandi, fratresque sub nostre humilitatis regimine in eodem monasterio crucem Christi portantes, tam presentibus quam futuris sancte matris ecclesie filiis presentis carte testimonio notum fieri uolumus quod in pago Viromandinsi apud Altam Uillam, similiter apud Noesne et Asionuillam et in loco qui dicitur Camera Luporum, terram, siluam, pratum et aliquot hospites antiquo iure possidebamus; hanc possessionem, quoniam nobis ad eam difficilis et infructuosus erat accessus, uiro uenerabili abbati Gozuino et fratribus Aquicinensis monasterii, quibus magis competebat, a nostro iure emancipatam perpetuo ex integro possidendam communi consilio et assensu tradidimus, ea tamen ratione ut uiginti quinque solidos Pruuiniensis monete singulis annis in festo natiuitatis sancti Iohannis Baptiste fratribus nostris Barisiaci commorantibus persoluant. Ad hec adiecimus et hanc inter nos et ecclesiam Aquicinensem gratiam firmauimus quod siqui de predicta possessione a nobis emancipata et ecclesie Aquicinensi concessa predictis fratribus Aquicinensis monasterii calumpniam siue uiolentiam inferre uoluerint, nos profecto ad illos qui nobiscum iusticiam et iudicium exequi uoluerint, secundum quod ratio dictauerit, sine detrimento rerum nostrarum adiutores erimus. Ut hec nostra concessio in perpetuum inconuulsa et rata permaneat, presentis scripti cyrographum nichilominus ecclesie nostre sigillum et testes subterannotatos adhibere curauimus. Signum Balduini prioris, Signum Gualteri, Signum Raimodi, Signum Nicholai, Signum Gerardi, Signum Gilleberti sacerdotum. Signum Henrici, Signum Hugonis, Signum Gummari. Signum Gualteri, Signum Ebroini dyaconorum. Signum Georgii, Signum Hellini, Signum Iohannis subdyaconorum. Signum Herbrandi, Signum Autberti, Signum Euerardi, Signum Gunteri, Signum Guillelmi, Signum Iordanis, Signum Odonis conuersorum. Actum Elnone anno Domini M°C°L°III°.

Source	GERZAGUET J.-P. 2005

TRADITION

Original	No
Manuscripts	Lille, Archives départementales du Nord [AD], 12 H 1 (1201-1300)
	Bruges, Archief Bisdom [A Bisdom], C 106 ()

EDITIONS AND SECONDARY LITERATURE

Editions	GERZAGUET J.-P.. Les chartes de l'abbaye d'Anchin, (ARTEM. Atelier de Recherche sur les Textes Médiévaux, 6), Turnhout, 2005., n.99, p.194-195,
	CHARTAE GALLIAE. Base de données de chartes médiévales, Ressource électronique, F10379, LINK LINK
Secondary literature	PLATELLE H.. Le temporel de l'abbaye de Saint-Amand des origines à 1340 (Bibliothèque elzévirienne. Nouvelle Série: Etudes et Documents), Paris, 1962., p.209,